இந்த வார TSL-ன் ரீவைண்ட் எடிஷன் இது. இந்த 4 TSL Explainers-ஐ இந்த வாரம் படிக்க மிஸ் பண்ணியிருந்தா, இன்றைக்கு கட்டாயம் படிச்சிடுங்க; கூடவே, அதற்குப் பிறகு இருக்கும் TSL மெசேஜையும் மிஸ் பண்ணாம படிச்சிடுங்க!

1. 🏷 இந்தியர்களின் டேட்டா விற்பனைக்கு! - என்ன செய்கிறது மத்திய அரசு?

2. 🇺🇦 உக்ரைன் - ரஷ்யா போர்: தவறு செய்கிறதா இந்தியா?

3. ✌️உள்ளாட்சித் தேர்தல்: உடைந்த `கொங்கு' கோட்டை!

4. 🧬 HIV குணமான முதல் பெண்; உலகின் புதிய நம்பிக்கையா?

🏷 இந்தியர்களின் டேட்டா விற்பனைக்கு! - என்ன செய்கிறது மத்திய அரசு?

மத்திய அமைச்சகங்கள் தங்கள் வசம் வைத்திருக்கும் தரவுகளை (Data), தனியார் மற்றும் தனிநபர்களுக்கு விற்பதற்கு ஆலோசித்து வருகிறது மத்திய அரசு. இதற்கான வரைவு அறிக்கையை அண்மையில் வெளியிட்டிருக்கிறது மத்திய மின்னணு மற்றும் தகவல்தொழில்நுட்பத்துறை அமைச்சகம்.

எதற்காக இந்த திட்டம்?

மக்கள் தொகை விவரங்கள், ஆதார், பான், வாஹன் எனப் பல தரவுத்தொகுப்புகளை (Data set) தன்வசம் வைத்திருக்கிறது மத்திய அரசு. கொள்கை முடிவுகள் எடுக்கவும், திட்டங்களை செயல்படுத்தவும் இவற்றைப் பயன்படுத்திக்கொள்கிறது. ஆனால், முழுமையாகப் பயன்படுத்தப்படுத்திக்கொள்கிறதா என்றால் இல்லை. ஒரு அமைச்சகத்தின் தரவுகளை இன்னொரு அமைச்சகம் பயன்படுத்துவதிலேயே நிறைய சிக்கல்கள் இருக்கின்றன.

• இந்தப் பிரச்னைகளைத் தீர்த்து, அனைத்து அமைச்சகங்களும் தங்களுக்குள் பொதுவான தரவுகளைப் பகிர்ந்துகொள்ள வழி செய்வது முதல் இலக்கு.

• இப்படிப்பட்ட தரவுகளை அரசு துறைகளுக்கு மட்டுமன்றி, மாநில அரசுகள், ஆய்வாளர்கள், தனியார் நிறுவனங்கள், தனிநபர்களுக்கு விற்று லாபம் பார்ப்பதும், பொருளாதார வளர்ச்சிக்கு பயன்படுத்துவதும் முக்கிய இலக்கு.

இதற்காகத்தான், `India Data Accessibility and Use Policy’-ஐ வடிவமைத்திருக்கிறது அரசு. இது எப்படி செயல்படும், இதில் இருக்கும் பிரச்னைகள் என்னென்ன? விரிவாக அலசுகிறது இந்த Explainer.

🇺🇦 உக்ரைன் - ரஷ்யா போர்: தவறு செய்கிறதா இந்தியா?

பல வார பதற்றத்திற்குப் பிறகு, உக்ரைனைத் தாக்கத் தொடங்கிவிட்டார் புடின். ``இது போர் அல்ல; உக்ரைனியர்களைக் காப்பதற்கான ராணுவ நடவடிக்கைதான்” என அவர் தொலைக்காட்சியில் பேசிய சில நிமிடங்களிலேயே உக்ரைன் நகரங்களில் குண்டுகள் விழத்தொடங்கிவிட்டன. ``ராணுவ முகாம்கள் மட்டும்தான் எங்கள் இலக்கு” என்ற வாக்குறுதிகளும் காற்றில் பறந்துவிட்டன. ஐரோப்பாவை அச்சுறுத்தியிருக்கும் இந்தப் போர் இனி என்னாகும்?

1. உக்ரைனைக் கைப்பற்றுவது மட்டும்தான் புடினின் இலக்கா?

2. மேலைநாடுகளின் பொருளாதாரத் தடைகள் ரஷ்யாவை பாதிக்குமா?

3. இந்தியா ஏன் ரஷ்யாவைக் கண்டிக்க மறுக்கிறது?

4. NATO உக்ரைனைக் காப்பாற்றுமா?

இப்படி ரஷ்ய உக்ரைன் விவகாரத்தின் முக்கியமான பரிமாணங்களை அலசுகிறது இந்த TSL Edition.

✌️ உள்ளாட்சித் தேர்தல்: உடைந்த `கொங்கு' கோட்டை!

தமிழக நகர்ப்புற உள்ளாட்சித் தேர்தலின் முடிவுகள் கடந்த வாரம் வெளியாயின. சுமார் 10 ஆண்டு காலத்திற்குப் பிறகு நடைபெற்ற இந்த தேர்தலில் மொத்தம், 12,838 உறுப்பினர்கள் தேர்ந்தெடுக்கப்பட்டிருக்கின்றனர்.

ஒருபுறம், 21 (21) மாநகராட்சிகளையும், 133 (138) நகராட்சிகளையும் தனிப்பெரும்பான்மையுடன் கைப்பற்றி பிரமாண்ட வெற்றி பெற்றிருக்கிறது தி.மு.க. இன்னொருபுறம், எடப்பாடி பழனிசாமி, எஸ்.பி.வேலுமணி, ஓ.பி.எஸ், தங்கமணி என ஸ்டார் தொகுதிகளிலேயே மண்ணைக் கவ்வியிருக்கிறது அ.தி.மு.க. அக்கட்சியின் கோட்டை எனக் கருதப்படும் கொங்கு மண்டலமும் கைவிட்டிருக்கிறது.

இத்துடன், இந்த உள்ளாட்சித் தேர்தலின் இன்னும் சில முக்கிய ஹைலைட்ஸை இங்கே படிக்கலாம்.

🧬 HIV குணமான முதல் பெண்; உலகின் புதிய நம்பிக்கையா?

HIV-யால் பாதிக்கப்பட்ட ஒரு பெண்ணை, உலக அளவில் முதல்முறையாக சிகிச்சை மூலம் குணப்படுத்தியிருக்கின்றனர் அமெரிக்க விஞ்ஞானிகள். ஸ்டெம்செல் சிகிச்சையின் அடுத்தகட்ட பாய்ச்சலாகவும், HIV ஆராய்ச்சியில் புதிய நம்பிக்கையையும் அளித்துள்ளது இந்த செய்தி.

இந்த சிகிச்சையின் முக்கியத்துவம் என்ன, HIV சிகிச்சைகளில் இந்த இந்த சிகிச்சை எதுமாதிரியான தாக்கத்தை ஏற்படுத்தும் என விரிவாக விளக்குறது இந்த TSL Explainer.

அந்த முக்கியமான மெசேஜ் இதுதான்! 👇

இன்னைக்கு நீங்க படிச்சுமுடிச்ச, இந்த Recap எடிஷன், TSL-ன் 89-வது எடிஷன்.

நவம்பர் 15-ம் தேதி வெளியான முதல் எடிஷனிலிருந்து, இன்று வரைக்கும் தினந்தோறும் TSL கூட பயணிச்சுட்டு வர்ற உங்க அனைவருக்கும் அன்பும் நன்றியும்! ❤️

தினசரி செய்திகளை இப்படி நியூஸ்லெட்டர் வடிவில் கொடுக்கலாம்னு முடிவெடுத்தபோது, இதற்கு எந்த மாதிரியான வரவேற்பு இருக்கும்னு இருந்த தயக்கமும் சந்தேகமும் இப்போ இல்லை. இதற்கு ஒரே காரணம், சுமார் மூன்று மாதங்களாக நீங்கள் கொடுத்த ஆதரவு மட்டும்தான். 🙏

TSL-ன் தினசரி எடிஷன்கள் பார்த்துட்டு, நீங்க அனுப்பும் மெயில்களானலும் சரி, சில வாரங்களுக்கு முன்பு சர்வேயில் கொடுத்த பரிந்துரைகளானலும் சரி, அவை ஒவ்வொண்ணும் TSL-ஐ ஏதாவதொரு வகையில் மெருகேற்றியிருக்கு. இதை நீங்களும் உணர்ந்திருப்பீங்கன்னு நம்புறேன்.

சரி, இதெல்லாம் இப்ப எதுக்குன்னு கேக்குறீங்களா? விஷயம் இதுதான்.

TSL-க்கு ஒரு குட்டி பிரேக்.

Yes. வரும் திங்கள் கிழமையிலிருந்து TSL எடிஷன்கள் வராது. அப்போ, எல்லாம் ஓவரா? இல்லை.

இலவசமாவே இணையமெங்கும் தகவல்கள் / செய்திகள் கொட்டிக்கிடக்கும் இந்த யுகத்தில், தரமான, தேவையான செய்திகள் மூலம் ஒவ்வொருவரின் நியூஸ் டயட்டையும் ஆரோக்கியமானதாக மாற்றணும்னு ஆரம்பித்த முயற்சிதான் TSL. அது இனியும் தொடரும்; ஒரு, சின்ன பிரேக்கிற்குப் பிறகு!

இந்த பிரேக்கும், TSL-ஐ மெருகேற்றும் முயற்சிக்காகத்தான். இந்த சமயத்தில் உங்கள் அனைவரின் ஒத்துழைப்பும், ஆதரவும் ஒரு விஷயத்தில் தேவைப்படுது.

என்ன அது?

நிறைய இல்ல; ஒரு 2 நிமிஷம்தான். TSL-ஐ நீங்க எப்படி படிக்கிறீங்க, உங்கள் எதிர்பார்ப்பை நாங்க பூர்த்தி பண்ணியிருக்கோமா, நியூஸ்லெட்டர்கள் பற்றிய உங்களுடைய அனுபவம் என்னனு சில கேள்விகளுக்கு பதில் தெரிஞ்சுக்க நினைக்கிறோம்.

நீங்க செய்யவேண்டியதெல்லாம், இந்த சர்வே ஃபார்மில் உங்க பதில்களைப் பதிவு செய்வது மட்டும்தான். ஏற்கெனவே சொன்ன மாதிரி, TSL-ஐ மேம்படுத்தவும், அடுத்தகட்டத்திற்கு TSL-ஐ கொண்டுசெல்லவும் உங்கள் கருத்துகள் உதவியா இருக்கும். அதனால, தவறாம பதிவு பண்ணிடுங்க.

அவ்வளவுதான்!

விரைவில் மீண்டும் சந்திப்போம்.

Happy Weekend 🏖

மிக முக்கியமான செய்திகள் TSL ஸ்டைலில் ட்விட்டரில் அவ்வப்போது அப்டேட் செய்ய திட்டம். எனவே இதுவரை TSL-ஐ ட்விட்டரில் ஃபாலோ செய்யவில்லையென்றால், இன்று செய்துவிடுங்கள்!

உக்ரைன் ரஷ்யா போர் தொடர்பான ஸ்பெஷல் எடிஷன் இது. எனவே வழக்கமான செய்திகளுக்கு பதில், இந்தப் பிரச்னையைப் பற்றியே இன்று பல முக்கிய அப்டேட்ஸை பார்க்கப்போகிறோம்.

பல வார பதற்றத்திற்குப் பிறகு, நேற்று உக்ரைனைத் தாக்கத் தொடங்கிவிட்டார் புடின். ``இது போர் அல்ல; உக்ரைனியர்களைக் காப்பதற்கான ராணுவ நடவடிக்கைதான்” என அவர் தொலைக்காட்சியில் பேசிய சில நிமிடங்களிலேயே உக்ரைன் நகரங்களில் குண்டுகள் விழத்தொடங்கிவிட்டன. நேற்று இரவு வரைக்கும் 11 விமான படைத்தளங்கள், ஒரு கடற்படை தளம் உள்பட மொத்தம் 70 ராணுவ தளங்களை நேற்று கைப்பற்றியிருக்கிறது ரஷ்யா.

- உலக நாடுகளின் எச்சரிக்கைகள்,

- ரஷ்யா மீதான பொருளாதாரத் தடைகள்,

- உக்ரைன் மக்களின் அழுகுரல்கள்,

- உலக சந்தைகளின் வீழ்ச்சி என இந்தப் பிரச்னையின் எதிரொலிகள் நேற்றே அனைத்து திக்குகளிலும் ஒலிக்கத் தொடங்கிவிட்டன. இந்நிலையில், உக்ரைன் விவகாரத்தின் அடுத்தகட்ட நகர்வுகளை இன்றைய TSL-ல் அலசுவோம்.

புடினின் திட்டம் என்ன?

``ரஷ்யாவின் அண்டை நாடான உக்ரைனில், மேலை நாடுகளின் NATO படைகள் ஒருபோதும் இறங்கக்கூடாது; உக்ரைனை எக்காலமும் NATO-வில் சேர்க்கக்கூடாது” என்பதுதான் சில வாரங்கள் முன்புவரைக்கும் புடினின் ஒரே வாதமாக இருந்தது.

ஆனால், கடந்த இருநாள்களாக அவர் பேசியதை வைத்துப் பார்க்கையில், ``நிச்சயம் இதுமட்டுமே உக்ரைன் பிரச்னைக்கு காரணமில்லை” என்கின்றனர் நிபுணர்கள். வேறு என்னதான் திட்டமிடுகிறார் புடின்?

• சோவியத் யூனியன் வீழ்ந்ததையும், அதன் வெற்றிடத்தை மேலை நாடுகள் NATO மூலம் நிரப்பியதையும் புடின் விரும்பவில்லை. முந்தைய சோவியத் உறுப்பு நாடுகளான எஸ்டோனியா, லத்துவியா, லித்துவேனியா ஆகியவை ஏற்கெனவே NATO அமைப்பில் சேர்ந்ததையும், உக்ரைன் இப்போது சேர முயற்சி செய்வதையும், ரஷ்யாவின் வல்லரசு பிம்பத்திற்கு அச்சுறுத்தலாகக் கருதுகிறார் புடின்.

• அதனால், உக்ரைனுக்கும் மேலைநாடுகளுக்கும் கொஞ்சம் பயம்காட்டி, மீண்டும் உலகில் சோவியத் யூனியன் கால ஆதிக்கத்தை நிலைநாட்டுவதை இலக்காகக் கொண்டிருக்கிறார் புடின். இந்த `ஆண்ட பெருமைக்கு’ முதல் பலியாகியிருக்கிறது உக்ரைன்.

• போர் வரை பிரச்னை சென்றவிட்டதால், உக்ரைன் NATO-வில் சேர்வதற்கான வாய்ப்பு இப்போதைக்கு இல்லை. எனவே அடுத்த இலக்குகளாக புடின் கீழ்க்கண்ட 3 திட்டங்களுள் ஒன்றை வைத்திருக்கலாம் எனக் கருதப்படுகிறது.

1. உக்ரைனில் தற்போது நடக்கும் ஜெலன்ஸ்கி தலைமையிலான ஆட்சியை, உடனே கவிழ்த்துவிட்டு, அங்கு ரஷ்யாவுக்கு கட்டுப்பட்ட பொம்மை ஆட்சியை நிறுவுவது.

2. மொத்தமாக, ராணுவத்தை சரணடைய வைத்து, பின் உக்ரைனை ரஷ்யாவுடன் இணைத்துக் கொள்வது.

3. இதன்பிறகு உக்ரைனை மையமாக வைத்தே ரஷ்யாவின் எல்லை நாடுகளிலும் ஆதிக்கத்தை அதிகப்படுத்துவது.

`இவற்றில் எது நடந்தாலும், இங்கே அமைதி தொலைவது உறுதி!’ என அஞ்சுகின்றன ஐரோப்பிய நாடுகள்.

என்ன செய்யப்போகிறது NATO?

உக்ரைன் எல்லைகளில் ரஷ்யா படைகளைக் குவிக்கும்போதே, பதிலுக்கு NATO-வும் ருமேனியா, போலந்து, ஹங்கேரி ஆகிய ரஷ்யாவின் நாடுகளுக்கு தன் படைகளை அனுப்பியது. கூடுதலாக அமெரிக்காவும் ஆயுதங்களையும், படைகளையும் அனுப்பிவைத்து ரஷ்யாவை எச்சரித்தது.

• ஒருவேளை உக்ரைனை ரஷ்யா தாக்கினால், அந்நாட்டிற்கு ஆதரவாக இந்தப் படைகள் களமிறங்கும் என்றே எதிர்பார்க்கப்பட்டது. ஆனால், ``அப்படி எந்த திட்டமும் இல்லை!” எனச் சொல்லி நழுவியிருக்கிறது NATO.

``உக்ரைன், NATO-வின் உறுப்பு நாடு இல்லை என்பதால் நாங்கள் எங்கள் படைகளை அனுப்பப்போவதில்லை. அதேசமயம், போலந்து, ஹங்கேரி உள்ளிட்ட எங்களின் உறுப்பு நாடுகளுக்கு ரஷ்யாவால் அச்சுறுத்தல் என்றால், நாங்கள் திருப்பியடிக்க தயங்கமாட்டோம்” என முஷ்டி முறுக்கியிருக்கிறார் NATO-வின் செயலாளர் ஸ்டோல்ட்டன்பெர்க்.

NATO-வை வைத்து தொடங்கப்பட்ட இந்தப் பிரச்னையில், தற்போது NATO-வே ஓரமாக நின்று வேடிக்கை பார்ப்பது, ரஷ்யாவுக்கு சாதகமாக மாறியிருக்கிறது.

ரஷ்யாவை பாதிக்குமா பொருளாதார தடைகள்?

நேரடியாக ரஷ்யாவுடன் ஆயுதப்போர் நடத்தாத நிலையில், மேலை நாடுகளிடம் ரஷ்யாவை அச்சுறுத்த இருக்கும் ஒரே ஆப்ஷன் பொருளாதாரத் தடைகள்தான். பனிப்போர் காலத்திலிருந்தே, பல பொருளாதாரத் தடைகளை சந்தித்து வந்துள்ளதால், ரஷ்யாவுக்கும் பொருளாதார தடைகள் புதிதல்ல.

• ஆனால், இந்த உக்ரைன் விவகாரத்தில் ஒட்டுமொத்தமாக சர்வதேச அளவில் நிறைய பொருளாதார தடைகள் விதிக்கப்படும்போது அது நிச்சயம் அந்நாட்டின் பொருளாதாரத்தை ஆட்டம் காணச் செய்யும். அந்நாட்டு மக்களை பெரும் பொருளாதார சிக்கலுக்கு உள்ளாக்கும்.

• அமெரிக்கா, பிரிட்டன் மற்றும் ஐரோப்பிய யூனியன் ஆகிய மூன்றும் ஏற்கெனவே இரு தினங்களுக்கு முன், ரஷ்யா மீது பொருளாதாரத் தடைகளை விதித்திருந்தன. தற்போது ரஷ்யாவிடமிருந்து எண்ணெய் இறக்குமதியை நிறுத்துவது, அந்நாட்டை சர்வதேச வங்கி சேவை கட்டமைப்பான SWIFT-லிருந்து வெளியேற்றுவது, ரஷ்யாவுக்கு முக்கியமான எலெக்ட்ரிக் பொருள்கள், வர்த்தகப் பொருள்கள் ஆகியவற்றை ஏற்றுமதி செய்வதை நிறுத்துவது என இன்னும் கடுமையான விஷயங்களை ஆலோசித்து வருகின்றன.

• மேலைநாடுகள் எண்ணியது போல, இதுவரையிலான பொருளாதார தடை அச்சுறுத்தல்கள் புடினின் முடிவை எந்த வகையிலும் பாதிக்கவில்லை. அவர் அனைத்திற்கும் தயாராகவே இருக்கிறார். இந்நிலையில், இதுபோன்ற கூடுதல் பொருளாதாரத் தடைகள் எந்தமாதிரியான விளைவுகளை ஏற்படுத்தும் என்பது முக்கியமான கேள்வி.

காரணம், இவற்றால் பாதிக்கப்படுவது ரஷ்யா மட்டுமல்ல; மொத்த உலகமும்தான். உதாரணமாக, ரஷ்யாவை SWIFT-லிருந்து வெளியேற்றினால், அந்நாட்டுடன் அதிகமான பரிவர்த்தனைகளை மேற்கொள்ளும் ஐரோப்பிய நாடான ஜெர்மனியும் அதிகம் பாதிக்கப்படும்.

• SWIFT மூலம் மட்டுமே ரஷ்யா எண்ணெய் மற்றும் இயற்கை எரிவாயு ஏற்றுமதிக்கு ஐரோப்பிய நாடுகளிடமிருந்து பணம் பெற்றுவருகிறது. இது தடைப்பட்டால், பிறகு ஐரோப்பாவிற்கு அங்கிருந்து எண்ணெயும் வராது; எரிவாயுவும் வராது!

• ஐரோப்பாவின் 26% கச்சா எண்ணெய் மற்றும் 38% இயற்கை எரிவாயு ரஷ்யாவிடமிருந்துதான் வருகிறது. இதில் சிறிய பிரச்னை ஏற்பட்டாலும், ஐரோப்பிய சந்தைகளில் கடும் விலை உயர்வு ஏற்படும். இது பிறநாடுகளிலும் எதிரொலிக்கும்.

• ரஷ்யாவிற்கு வர்த்தகப் பொருள்களின் ஏற்றுமதியை நிறுத்துவது, பிற நாடுகளின் தொழில்துறையையும் பாதிக்கும்.

இப்படி, கடும் பொருளாதாரத் தடைகள் ரஷ்யாவிற்கு மட்டுமன்றி, பிற நாடுகளையும் பாதிக்கும் என்பதால், மேலை நாடுகளின் நடவடிக்கைகளை கூர்ந்து கவனிக்கிறது வணிக உலகம்.

தவறு செய்கிறதா இந்தியா?

உக்ரைன் மீதான தாக்குதலுக்கு பெரும்பான்மை உலக நாடுகள் கண்டனம் தெரிவித்துள்ள நிலையில், இந்தியாவோ இன்னமும் நடுநிலைதான் வகிக்கிறது. ஐ.நா பாதுகாப்பு கவுன்சிலிலும் ரஷ்யாவை நேரடியாக கண்டிக்காமல், ``உக்ரைனில் அமைதி நிலவவேண்டும் என்பதே எங்கள் விருப்பம்” என சுருக்கமாக முடித்துக்கொண்டது. ஏன் இப்படி செய்கிறது? இந்தியா செய்வது சரியா?

• அமெரிக்கா, ரஷ்யா என இரண்டு நாடுகளும் இந்தியாவுக்கு ஏன் முக்கியம், சீனாவுடனான அச்சுறுத்தல்களை எதிர்கொள்ள இந்த விவகாரத்தை இந்தியா எப்படி கையாள நினைக்கும் என்பது குறித்து ஏற்கெனவே TSL-ல் பார்த்திருந்தோம்.

• தற்போது அத்துடன் கூடுதலாக சில கேள்விகள் எழுந்திருக்கின்றன. இந்தியாவுடன் QUAD கூட்டணியில் இருக்கும் ஆஸ்திரேலியா, ஜப்பானுக்கும் சீன அச்சுறுத்தல் இருக்கிறது. ஆனால், அவை ரஷ்யாவைக் கண்டித்துவிட்டன. ஆனால், இந்தியா மட்டும் சீனாவை காரணம் காட்டி ரஷ்யாவை கண்டிக்காமல் இருக்கலாமா எனவும் ஒரு கேள்வி எழுகிறது.

• இதற்கு பதிலாக மேலைநாடுகளின் இரட்டை நிலைப்பாட்டையும், ரஷ்யாவுடனான இந்தியாவின் உறவையும் சுட்டிக்காட்டுகின்றனர் நிபுணர்கள். உதாரணமாக, NATO கூட்டணியில் இல்லாத உக்ரைன் மீது ரஷ்யா போர் தொடுத்தால் மேலை நாடுகள், அதன் இறையாண்மைக்காகவும், பாதுகாப்புக்காகவும் குரல்கொடுக்கின்றன. ஆனால், இந்தியப் பகுதிகளை சீனா ஆக்கிரமித்திருப்பது குறித்து கேள்வி எழும்போது இவை இதுபோன்ற தீவிர நிலைப்பாட்டை எடுப்பதில்லை.

• எந்தவொரு நாட்டின் பாதுகாப்பும் முக்கியம் என்றால், இஸ்ரேலானது சிரியாவின் கோலன் குன்றுகளை ஆக்கிரமித்தபோது ஏன் மேலைநாடுகள் அமைதிகாத்தன என்றும் கேள்வி எழுப்புகின்றனர்.

• இப்படி, அந்தந்த நாடுகள் தங்களின் நலனுக்கேற்ப வெளியுறவுக் கொள்கைகளைப் பின்பற்றும்போது, இந்தியாவும் அப்படித்தான் நடந்துகொள்ள வேண்டியதாகிறது. மேலும், ஏற்கெனவே பார்த்ததுபோல பல தசாப்தங்களாக இந்தியாவின் தோழனாக விளங்கும் ரஷ்யாவை, இப்போது சர்வதேச அரங்கில் விட்டுக்கொடுக்க இந்தியா விரும்பவில்லை.

• அதனால்தான், நேற்று புடினிடம் தொலைபேசியில் பேசிய இந்திய பிரதமர் மோடியும், இந்தப் பிரச்னைக்கு அமைதி வழியில் தீர்வுகாண வேண்டும் என்பதே இந்தியாவின் விருப்பம் என மட்டும் கேட்டுக்கொண்டார். இத்தனைக்கும் நேற்று காலைதான் இந்தியாவுக்கு உக்ரைன் தூதர், இந்தியாவின் நிலைப்பாடு குறித்து கடும் அதிருப்தி தெரிவித்திருந்தார்.

எனவே, சர்வதேச அரங்கிலிருந்து வரும் அழுத்தங்களைவிடவும், உள்நாட்டு அரசியல் நிலவரங்களே இந்தியாவின் வெளியுறவுக் கொள்கைகளைத் தீர்மானிக்கின்றன. அது, இந்த விவகாரத்திலும் தொடர்கிறது.

#UkrainRussiaUpdates

• 1986-ம் ஆண்டு நடந்த செர்னோபில் அணு உலை விபத்தை யாரும் மறந்திருக்க முடியாது. நேற்று உக்ரைனில் தாக்குதல் நடத்திய ரஷ்யா, இந்த அணுமின் நிலையத்தை தன் கட்டுப்பாட்டில் கொண்டுவந்திருக்கிறது. அந்தப் பகுதியில் ஆயுதங்கள் மூலம் தாக்குதல் நடத்தினால், செயலிழந்த அணு உலையிலிருந்து மீண்டும் கதிரியக்கம் வெளிப்படலாம் என அஞ்சப்பட்ட நிலையில்தான், நேற்று அணு உலை ரஷ்யாவின் வசம் சென்றிருக்கிறது. இதுவரைக்கும் அங்கு ஏதும் பாதிப்பு ஏற்பட்டதாக தகவல் இல்லை.

• உக்ரைன் - ரஷ்யா போர் காரணமாக, நேற்று இந்தியப் பங்குச்சந்தைகள் பெரும் சரிவை சந்தித்தன.

  • நேற்றைய வர்த்தக நேர முடிவில், சென்செக்ஸ், 2702.15 (-4.72%) புள்ளிகளும், நிஃப்டி, 815.30 (-4.78%) புள்ளிகளும் சரிவை சந்தித்திருந்தன.

  • இன்னொருபுறம் தங்கத்தின் விலை உயர்ந்திருந்தது. சென்னையில் 24 கேரட் ஆபரணத் தங்கம் கிராமுக்கு ரூ.108 உயர்ந்து ரூ.4,827-க்கு விற்பனையானது.

• ஒருபுறம் புடின் போரின்மீது ஆர்வமாக இருந்தாலும், ரஷ்யாவில் அதற்கு மக்களிடையே எதிர்ப்பும் கிளம்பியிருக்கிறது.

  மாஸ்கோ மற்றும் செயின்ட் பீட்டர்ஸ்பெர்க்கில் நேற்று போருக்கு எதிராக நூற்றுக்கணக்கானோர் பேரணி நடத்தி, தங்கள் எதிர்ப்பை பதிவுசெய்திருக்கின்றனர். இதற்காக சுமார் 1,400 பேரை கைது செய்திருக்கிறது ரஷ்ய அரசு.

• இப்படி சீரியஸான போராட்டங்கள் ஒருபக்கம் சென்றுகொண்டிருக்க, இன்னொருபக்கம் ட்விட்டரில் ரஷ்யாவை எதிர்த்து வித்தியாசமாக `சண்டை செய்து’ வருகிறது உக்ரைன். அந்நாட்டின் அதிகாரபூர்வ ட்விட்டர் பக்கத்தில் ரஷ்யாவைக் கிண்டல் செய்து பதிவிடும் மீம்கள்தான் அவை. சாம்பிளுக்கு இரண்டு இங்கே…

• மாணவர்கள், தொழிலாளர்கள் என உக்ரைனில் சுமார் 20,000 இந்தியர்கள் வசித்துவருகின்றனர். நேற்று ரஷ்யா தாக்குதல் நடத்தியதைத் தொடர்ந்து திடீரென வான்வழிப் பாதைகளில் விமானங்கள் பறக்க தடைவிதித்தது உக்ரைன். இதையடுத்து இந்தியர்களை உடனடியாக விமானம் மூலம் மீட்கமுடியாத நிலை ஏற்பட்டது. நேற்று இரவு இதுகுறித்து விளக்கமளித்த அதிகாரிகள், ஏற்கெனவே 4,000 இந்தியர்கள் நாடு திரும்பிவிட்டதாகவும், மீதம் உள்ளவர்களையும் அண்டை நாடுகள் வழியாக சாலைமூலம் அழைத்துவர திட்டமிட்டுள்ளதாகவும் தெரிவித்தனர். உக்ரைனில் தங்கியிருக்கும் சுமார் 5,000 மாணவர்கள், தொழிலாளர்களை மீட்கக்கோரி தமிழக முதல்வர் மு.க.ஸ்டாலினும் நேற்று வெளியுறவுத்துறை அமைச்சருக்கு கடிதம் எழுதியிருந்தார்.

அவ்வளவுதான்!

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

மத்திய அமைச்சகங்கள் தங்கள் வசம் வைத்திருக்கும் தரவுகளை (Data), தனியார் மற்றும் தனிநபர்களுக்கு விற்பதற்கு ஆலோசித்து வருகிறது மத்திய அரசு. இதற்கான வரைவு அறிக்கையை அண்மையில் வெளியிட்டிருக்கிறது மத்திய மின்னணு மற்றும் தகவல்தொழில்நுட்பத்துறை அமைச்சகம்.

இதன் முக்கியத்துவம் என்ன?

இதைத் தெரிந்துகொள்வதற்கு முன் Personal & Non Personal Data-வைப் பற்றி ஓர் உதாரணத்துடன் பார்த்துவிடுவோம்.

தற்போது நாம் வைத்திருக்கும் வாகனங்களின் பதிவு எண், மாடல், இன்ஷூரன்ஸ், காலாவதி தேதி போன்ற அனைத்து விவரங்களும், நம் பெயர், பாலினம், முகவரி உள்ளிட்ட தகவல்களோடு சேர்ந்து மத்திய அரசின் Vahan தளத்தில் இருக்கும்.

• இந்த Data-வை வைத்து, ஒவ்வொரு தனிநபரின் வாகன விவரங்களையும் அரசு அறிந்துகொள்ள முடியும். இப்படி ஒரு தனிநபரின் அடையாளத்தோடு அறியப்படுபவை Personal Data. பெயர், முகவரி, தொலைபேசி எண் போன்ற அடையாளங்களோடு சேர்ந்தது இது.

• இதுவே தனிநபரின் அடையாளம் இன்றி, ஒரு ஊரில் இத்தனைபேர் இந்த மாடல் பைக் வைத்திருக்கிறார்கள், இத்தனைபேர் இன்ஷூரன்ஸ் இல்லாமல் இருக்கிறார்கள், இத்தனை வாகனங்கள் இருக்கிறார்கள் எனப் பலரின் தகவல்களை சேர்த்து பொதுவாக தொகுத்தால், அது Non Personal Data.

தற்போது இந்த Non Personal Data-வைத்தான் விற்பனை செய்ய திட்டமிட்டிருக்கிறது அரசு.

எதற்காக இந்த திட்டம்?

மக்கள் தொகை விவரங்கள், ஆதார், பான், வாஹன் எனப் பல தரவுத்தொகுப்புகளை (Data set) தன்வசம் வைத்திருக்கிறது மத்திய அரசு. கொள்கை முடிவுகள் எடுக்கவும், திட்டங்களை செயல்படுத்தவும் இவற்றைப் பயன்படுத்திக்கொள்கிறது. ஆனால், முழுமையாகப் பயன்படுத்தப்படுத்திக்கொள்கிறதா என்றால் இல்லை. ஒரு அமைச்சகத்தின் தரவுகளை இன்னொரு அமைச்சகம் பயன்படுத்துவதிலேயே நிறைய சிக்கல்கள் இருக்கின்றன.

• இந்தப் பிரச்னைகளைத் தீர்த்து, அனைத்து அமைச்சகங்களும் தங்களுக்குள் பொதுவான தரவுகளைப் பகிர்ந்துகொள்ள வழி செய்வது முதல் இலக்கு.

• இப்படிப்பட்ட தரவுகளை அரசு துறைகளுக்கு மட்டுமன்றி, மாநில அரசுகள், ஆய்வாளர்கள், தனியார் நிறுவனங்கள், தனிநபர்களுக்கு விற்று லாபம் பார்ப்பதும், பொருளாதார வளர்ச்சிக்கு பயன்படுத்துவதும் முக்கிய இலக்கு.

இதற்காகத்தான், `India Data Accessibility and Use Policy’-ஐ வடிவமைத்திருக்கிறது அரசு.

என்ன சொல்கிறது இந்த வரைவு அறிக்கை?

வரைவு அறிக்கையில் சொல்லப்பட்டிருப்பதன்படி,

• மத்திய மின்னணு மற்றும் தகவல் தொழில்நுட்பத்துறை அமைச்சகத்தின்கீழ், `India Data Office’ என்ற புதிய துறை உருவாக்கப்படும். இதேபோல அனைத்து அமைச்சகங்களிலும் தனி Data Management Unit-கள் அமைக்கப்பட்டு, அதற்கென Chief Data Officer (CDO)-ரும் நியமிக்கப்படுவார். துறைசார்ந்த Data-வுக்கு இவர்களே பொறுப்பு.

• அனைத்து அமைச்சகங்களும் வணிகரீதியாக (நிறுவனங்களுக்கு) அல்லது சமூக / பொருளாதாரரீதியாக (அரசுக்கு) மிகவும் உபயோகமுள்ள Data set-களைக் கண்டறிந்து அவற்றை தரம் உயர்த்தி வெளியிடவேண்டும். இதற்கான விலைகளை சம்பந்தப்பட்ட துறைகளே நிர்ணயித்து விற்பனை செய்துகொள்ளலாம்.

• இந்த டேட்டாவை பிற துறைகளுடன் எளிமையாகப் பகிர்ந்துகொள்வதற்கும், சம்பந்தப்பட்ட துறைகள் ஆவனசெய்யவேண்டும்.

இவைதான் பொதுவான அம்சங்கள். இந்த வரைவு குறித்து பொதுமக்கள் மார்ச் 18-ம் தேதி வரை தங்கள் கருத்துகளைத் தெரிவிக்கலாம்.

இதனால் தனியாருக்கு என்னென்ன நன்மை?

மேலே பார்த்த Vahan உதாரணத்தையே எடுத்துக்கொள்வோம். தற்போதைய இந்த முயற்சிக்கு முன்பாகவே, 2019-ம் ஆண்டு ஆர்.சி புக் மற்றும் லைசென்ஸ் விவரங்கள் கொண்ட தரவுகளை மொத்தமாக தனியார் நிறுவனங்களுக்கு விற்றது மத்திய போக்குவரத்துத்துறை அமைச்சகம். வங்கிகள், கார் நிறுவனங்கள், இன்ஷூரன்ஸ் நிறுவனங்கள் என மொத்தம் 142 நிறுவனங்கள் இந்த டேட்டாவை வாங்கின.

• இப்படி அரசிடமிருந்து கிடைக்கும் இதுபோன்ற துல்லியமான Data set-கள், இந்திய சந்தையைப் புரிந்துகொள்ளவும், அதற்கேற்ப திட்டங்களை வகுக்கவும் தனியாருக்கு உதவிபுரிகின்றன.

• தற்போது பல்வேறு துறைகளில் கால்பதித்திருக்கும் ஸ்டார்ட்அப் நிறுவனங்களுக்கு இந்த Data set-கள் வரப்பிரசாதம். 2025-க்குள் இந்தியாவை 5 டிரில்லியன் டாலர் மதிப்புள்ள பொருளாதாரமாக மாற்ற மத்திய அரசு திட்டமிட்டிருக்கும் நிலையில், அதற்கு இந்த தரவுப்பகிர்வு ஊக்கமாக இருக்கும் என அரசு கருதுகிறது. கூடவே, அனைத்து துறைகளுக்கும் வருமானமும் கிடைக்கிறது.

அப்படியெனில் ரொம்ப நல்ல விஷயம்தானே?

நிச்சயமாக, இது வரவேற்கத்தக்க முயற்சிதான். ஆனால், இதில் பிரைவசி சிக்கல்களும் இல்லாமல் இல்லை. உதாரணமாக, Vahan டேட்டாவை 2019 முதல் தனியாருக்கு விற்கத்தொடங்கிய அரசு, ஓராண்டிலேயே அதைக் கைவிட்டது. காரணம், Vahan-ல் Personal Data-வும் இருந்தது. அது மிகப்பெரிய பிரைவசி அச்சுறுத்தலாக மாறியது. 

• இப்படிப்பட்ட பிரைவசி சிக்கல்களை எதிர்கொள்ள, இப்போது இருக்கும் சட்டங்கள் போதாது. நீண்டகாலமாக தயாராகிக்கொண்டிருக்கும் தனிநபர் தரவு பாதுகாப்பு மசோதாவும் (Personal Data Protection Bill) இன்னும் சட்டமாகவில்லை. எனவே உரிய பாதுகாப்பு நடைமுறைகளுக்குப் பிறகே, இந்த முயற்சிகளை முன்னெடுக்கவேண்டும் என்பது நிபுணர்களின் கருத்து.

• இதில் விற்பனை செய்யப்படும் தரவுகள், Non Personal Data என்றாலும், அவற்றிலிருந்து Personal Data-ஐப் பெறவும் வாய்ப்புகள் இருக்கின்றன. அப்படி நடக்கும்பட்சத்தில் அந்த தரவு கசிவுகளை, அரசு எப்படி கையாளும் என்ற கேள்வி எழுகிறது. உதாரணமாக, Vahan டேட்டாவை விற்பனை செய்வதை அரசு நிறுத்தினாலும், ஏற்கெனவே விற்ற 142 நிறுவனங்கள் அவற்றைப் பயன்படுத்துவதை தடுக்க எதுவும் செய்யவில்லை.

இதுபோன்ற பிரைவசி பிரச்னைகளைப் பின்தள்ளிவிட்டு, வணிகரீதியான முயற்சியாக மட்டுமே இதை முன்னெடுத்தால், இந்தியர்களின் Data-விற்கு அரசிடமிருந்தே அச்சுறுத்தல் உருவாகும் என்பதுதான் இதிலிருக்கும் சிக்கல். திட்டத்தின் இறுதிவடிவத்தில் இந்த சிக்கலுக்கு தீர்வு இருக்குமா எனப் பார்ப்போம்.

Share The Subject Line

1. புடினின் முடிவுக்கு உலகின் ரியாக்‌ஷன் என்ன?

கிழக்கு உக்ரைனில் ரஷ்ய ஆதரவுபெற்ற கிளர்ச்சியாளர்களின் கட்டுப்பாட்டில் உள்ள இரண்டு பகுதிகளை தன்னாட்சி பெற்ற தனிப்பிரதேசங்களாக அறிவித்திருந்தார் புடின். அதையடுத்த கடந்த இரண்டு நாள்களில், ரஷ்யாவைச் சுற்றி நிறைய நடந்துவிட்டது.

• புடின் தன் முடிவை அறிவித்தபிறகு நடைபெற்ற ஐ.நா பாதுகாப்பு கவுன்சிலில், எந்த நாடுகளும் ரஷ்யாவுக்கு ஆதரவு தெரிவிக்கவில்லை. இந்தியாவும், புடினின் இந்த முடிவு குறித்து எதுவும் கருத்து தெரிவிக்காமல், உக்ரைனில் அமைதி நிலவவேண்டும் என மட்டும்கூறி நடுநிலை வகித்தது. இதை ரஷ்யாவும் வரவேற்றுள்ளது. மேலும், அமெரிக்கா அண்மையில் ரஷ்யா விதித்துள்ள பொருளாதார தடை, இந்தியாவுடனான S-400 ஏவுகணை பாதுகாப்பு அமைப்பு ஒப்பந்தத்தை எந்த வகையிலும் பாதிக்காது எனவும் தெரிவித்துள்ளது.

• இதுவரை அமெரிக்கா, பிரிட்டன், ஐரோப்பிய யூனியன், ஜெர்மன் ஆகியவை ரஷ்யா மீதும், ரஷ்ய தொழிலதிபர்கள் மீதும், ரஷ்ய வங்கிகள் மீதும் முதல்கட்ட பொருளாதாரத் தடைகளை விதித்திருக்கின்றன. ரஷ்யா மீண்டும் உக்ரைனில் எல்லை மீறினால் இன்னும் தீவிரமான பொருளாதாரத் தடைகள் விதிக்கப்படும் எனவும் இந்நாட்டு தலைவர்கள் எச்சரித்திருக்கின்றனர்.

• எந்நேரமும் ரஷ்யாவின் ஊடுருவல் இருக்கலாம் என்பதால், ஹை அலர்ட்டில் இருக்கிறது உக்ரைன். ரஷ்யாவில் வசிக்கும் 30 லட்சம் உக்ரைனியர்களையும் அங்கிருந்து சொந்த நாட்டிற்கு திரும்ப அறிவுறுத்தியிருக்கிறது. நாடு முழுக்க எமெர்ஜென்சியும் அறிவித்துவிட்டது.

• முன்பைவிட ரஷ்யாவின் படைகள், உக்ரைனுக்கு இன்னும் நெருக்கமாக வந்து முகாமிட்டிருப்பதாக அமெரிக்கா தெரிவித்திருக்கிறது. இந்தப் பதற்றத்தால் சர்வதேச சந்தையில் கச்சா எண்ணெய் விலையும், 7 ஆண்டுகளில் இல்லாத அளவுக்கு நேற்று ஒரு பேரல் 99 டாலராக உயர்ந்திருக்கிறது.

2. கிரிப்டோ விளம்பரங்களுக்கு கட்டுப்பாடு

கிரிப்டோ முதலீடுகளின் லாபத்திற்கு, பட்ஜெட்டில் 30% வரிவிதித்த மத்திய அரசு, அதைத்தாண்டி அதன் வர்த்தகத்திற்கு எந்தக் கட்டுப்பாடும் விதிக்கவில்லை. இந்நிலையில், கிரிப்டோ விளம்பரங்களுக்கு முதல்முறையாக கட்டுப்பாடுகளை அறிவித்திருக்கிறது இந்திய விளம்பர தர நிர்ணய கவுன்சில்.

• இதன்படி, ஏப்ரல் 1-ம் தேதி முதல் அனைத்து பத்திரிகை, தொலைக்காட்சி, சமூக வலைதள ஊடகங்களிலும் கிரிப்டோ / NFT விளம்பரங்களில் அது தொடர்பான எச்சரிக்கைகளையும் சேர்த்தே குறிப்பிட வேண்டும்.

• ``கிரிப்டோ எந்தவொரு கட்டுப்பாடுகளுக்கும் உட்படாதது மற்றும் அதிக ரிஸ்க்கானது. இதில் அடையும் நஷ்டங்களுக்கு சட்டரீதியாக எந்த தீர்வும் கிடையாது” என்ற வரிகளை நிச்சயம் அந்நிறுவனங்கள் இடம்பெறச் செய்யவேண்டும். இன்னும் சில கூடுதல் விதிமுறைகளும் உண்டு.

• கடந்த ஓராண்டாகவே, கிரிப்டோ / NFT முதலீடு தொடர்பான விளம்பரங்கள் அதிகரித்துவந்த நிலையில், ஆசைவார்த்தை காட்டி இந்நிறுவனங்கள் வாடிக்கையாளர்களை தவறாக வழிநடத்துகின்றன எனக் குற்றச்சாட்டுகள் எழுந்தன. இந்த விளம்பரக் கட்டுப்பாடுகள் அவற்றைக் கட்டுப்படுத்தும் என எதிர்பார்க்கப்படுகிறது.

3. ஜாமீன் கிடைக்காத ஜெயக்குமார்

உள்ளாட்சித் தேர்தல் வாக்குப்பதிவின்போது, தி.மு.க தொண்டரை தாக்கியதற்காக முன்னாள் அமைச்சர் ஜெயக்குமார் மற்றும் 40-க்கும் மேற்பட்ட அ.தி.மு.க தொண்டர்களின் மீது வழக்குப் பதிவு செய்யப்பட்டது. இதில், கடந்த திங்கள் கிழமையன்று ஜெயக்குமார் தண்டையார்பேட்டை காவல்துறையால் கைது செய்யப்பட்டார்.

• இந்த வழக்கில் ஜாமீன் கேட்டு விண்ணப்பித்த ஜெயக்குமாரின் மனுவை, ஜார்ஜ் டவுன் 15-வது குற்றவியல் நீதிமன்றம் ரத்து செய்தது. மார்ச் 7 வரை அவருக்கு நீதிமன்றக் காவல் விதித்திருக்கிறது.

• இதேபோல, அரசு உத்தரவை மீறி சாலை மறியலில் ஈடுபட்டதற்காக ராயபுரம் காவல்துறை நேற்று அவரை மீண்டும் கைது செய்தது. இந்த வழக்கிலும் அவருக்கு ஜாமீன் கிடைக்கவில்லை. இதையடுத்து, மார்ச் 9-ம் தேதி வரை நீதிமன்றக் காவல் நீட்டிக்கப்பட்டுள்ளது.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 618 (நேற்று முன்தினம்: 671) 🔻

  - அதிகபட்சமாக, சென்னையில்: 156 (169) 🔻

  - தமிழகம் முழுவதும் உயிரிழந்தவர்களின் எண்ணிக்கை: 4 (8) 🔻

• இந்தியாவில் நேற்று பதிவான கொரோனா பாதிப்பு: 15,102 (13,405) 🔺

• வங்கி மோசடிகளுக்குப் பிறகு இந்தியாவிலிருந்து வெளிநாடுகளுக்குப் பறந்த நிரவ் மோடி, விஜய் மல்லையா, மெஹூல் சோக்சி உள்ளிட்ட தொழிலதிபர்களிடமிருந்து இதுவரை 18,000 கோடி ரூபாய் மீட்கப்பட்டு வங்கிகளிடம் அளிக்கப்பட்டுள்ளதாக, தெரிவித்துள்ளது மத்திய அரசு.

• சாலை விபத்துகளில் பாதிக்கப்படுபவர்களின் உயிரைக் காக்கும் விதமாக கடந்தாண்டு டிசம்பர் மாதம், `இன்னுயிர் காப்போம்’ என்ற திட்டம் தமிழக அரசால் தொடங்கப்பட்டது. இதன்படி விபத்தில் பாதிக்கப்படுபவர்களின் முதல் 48 மணி நேரத்துக்கான சிகிச்சையை அரசே ஏற்கும். இந்த திட்டத்தின்கீழ் இதுவரை 21,762 பேர் பயன்பெற்றுள்ளதாகத் தெரிவித்துள்ளது தமிழக அரசு. இதில், 86% அரசு மருத்துவமனைகளிலும், 14% பேர் தனியார் மருத்துவமனைகளிலும் சிகிச்சை பெற்றுள்ளனர்.

• கடந்த அ.தி.மு.க ஆட்சியில் வழங்கப்பட்ட வன்னியர்களுக்கான 10.5% இடஒதுக்கீடு சென்னை உயர்நீதிமன்றத்தால் ரத்து செய்யப்பட்டிருந்தது. இதை எதிர்த்து உச்சநீதிமன்றத்தில் தொடரப்பட்ட வழக்கில் நேற்றுடன் விசாரணைகள் முடிந்து, நீதிபதிகள் தீர்ப்பை ஒத்திவைத்துள்ளனர். விரைவில் இந்த வழக்கில் தீர்ப்பு வரலாம்.

• பல்லுயிர் வளம் மிக்க மன்னார்வளைகுடா பகுதியில் விலங்குகள் வேட்டையாடப்படுதல் / கடத்தல் போன்றவற்றைத் தவிர்க்கவும், அப்பகுதியின் பாதுகாப்பை உறுதிசெய்யவும் புதிதாக `மரைன் எலைட் படை’ என்ற ஒரு பிரிவை உருவாக்க முடிவு செய்திருக்கிறது தமிழக அரசு.

• 18 ஆண்டுகளில் இல்லாத அளவுக்கு முதல்முறையாக தன் தினசரி பயனாளர்களின் எண்ணிக்கை குறையவே, ``இனி ஃபேஸ்புக்கில் ஷார்ட் வீடியோக்களுக்கு அதிக முக்கியத்துவம் கொடுக்கப்போகிறோம்” என அறிவித்திருந்தார் மார்க் ஸூக்கர்பெர்க். அதன்படி, நேற்று முதல் இன்ஸ்டா போலவே, ஃபேஸ்புக்கிலும் `Reels’ வசதியைக் கொண்டுவந்துவிட்டார்.

• தேசிய வாத காங்கிரஸ் கட்சியின் மூத்த தலைவரும், மகாராஷ்டிர கேபினட் அமைச்சருமான நவாப் மாலிக்கை நேற்று கைது செய்திருக்கிறது அமலாக்கத்துறை. தாவூத் இப்ராஹிமுடன் தொடர்புடைய பணமோசடியில் மாலிக்கிற்கு பங்கு இருப்பதாக அமலாக்கத்துறை குற்றம்சாட்டியிருக்கிறது. பா.ஜ.க-வை அண்மைக்காலமாக கடுமையாக எதிர்த்தும், விமர்சித்தும் வந்தவர் மாலிக். குறிப்பாக ஆர்யன் கான் வழக்கில் மத்திய அரசுக்கு எதிரான பல ஆதாரங்களை வெளிக்கொண்டு வந்திருந்தார்.

On This day - பிப்ரவரி 24

- முன்னாள் தமிழக முதல்வர் ஜெயலலிதா பிறந்தநாள், 1948

- ஆப்பிள் நிறுவனத்தின் இணை நிறுவனர் ஸ்டீவ் ஜாப்ஸ் பிறந்தநாள், 1955

- ஒருநாள் போட்டி வரலாற்றில் முதல்முறையாக சச்சின் இரட்டை சதம் அடித்த தினம், 2010

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய TSL உள்ளாட்சித் தேர்தல் ஸ்பெஷல். எனவே இந்த தேர்தலின் முக்கியமான ஹைலைட்ஸ் இங்கே உங்களுக்காக…

தமிழக நகர்ப்புற உள்ளாட்சித் தேர்தலின் முடிவுகள் நேற்று வெளியாகியிருக்கின்றன. சுமார் 10 ஆண்டு காலத்திற்குப் பிறகு நடைபெற்ற இந்த தேர்தலில் மொத்தம்,

- 1,374 மாநகராட்சி வார்டு உறுப்பினர்கள்,

- 3,843 நகராட்சி வார்டு உறுப்பினர்கள்,

- 7,621 பேரூராட்சி வார்டு உறுப்பினர்கள் தேர்வு செய்யப்பட்டுள்ளனர்.

உள்ளாட்சி அமைப்புகளில் மொத்தம்,

21 மாநகராட்சிகள்,

138 நகராட்சிகள்,

490 பேரூராட்சிகளுக்கு விரைவில் இவர்களிலிருந்து தலைவர்கள் தேர்வு செய்யப்படவிருக்கின்றனர்.

இதில் முன்னணி கட்சிகளின் நிலை என்ன?

மெகா வெற்றி பெற்ற தி.மு.க

சட்டமன்றத் தேர்தலுக்காக அமைத்த அதே கூட்டணியுடனே, இந்த உள்ளாட்சித் தேர்தலையும் எதிர்கொண்டது தி.மு.க. இந்தக் கூட்டணி 21 (21) மாநகராட்சிகளையும், 133 (138) நகராட்சிகளையும் தனிப்பெரும்பான்மையுடன் கைப்பற்றியிருக்கிறது.

தகர்க்கப்பட்ட அ.தி.மு.க-வின் கோட்டை

கடந்தாண்டு நடைபெற்ற சட்டசபைத் தேர்தலில், மேற்கு மண்டலத்தில் உள்ள 57 சட்டமன்றத் தொகுதிகளில் 40-ஐ அ.தி.மு.க கூட்டணியிடம் இழந்திருந்தது தி.மு.க. குறிப்பாக கோவையில் 10 சட்டமன்றத் தொகுதிகளிலும் தோல்வியடைந்திருந்தது.

• ஆனால், இந்த உள்ளாட்சித் தேர்தலில் கோவையில் உள்ள 100 மாநகராட்சி வார்டுகளில் 95-க்கும் மேல் கைப்பற்றியிருக்கிறது தி.மு.க கூட்டணி. அ.தி.மு.க வெறும் 3-ல் மட்டுமே வென்றிருக்கிறது. இதையடுத்து முதல்முறையாக கோவையின் மேயர் பதவி தி.மு.க வசம் வந்திருக்கிறது.

• நகராட்சி மற்றும் பேரூராட்சி வார்டுகளிலும் பெரும்பான்மை வார்டுகள் தி.மு.க கூட்டணி வசம்தான். திருப்பூர், ஈரோடு, கரூர், சேலம், ஓசூர், தர்மபுரி ஆகிய மாவட்டங்களிலும் அ.தி.மு.க-வை பின்னுக்குத்தள்ளி, பெரும்பான்மை இடங்களைப் பெற்றிருக்கிறது.

மேற்கு மாவட்டங்களில், 9 மாதங்களில் நிகழ்ந்திருக்கும் தலைகீழ் மாற்றம் இது.

சரிந்த அ.தி.மு.க-வின் செல்வாக்கு

பா.ஜ.க, பா.ம.க ஆகிய கட்சிகளைத் தவிர்த்துவிட்டு களம்கண்ட அ.தி.மு.க, இந்தத் தேர்தலில் பெரும் பின்னடைவைச் சந்தித்திருக்கிறது. எந்த மாநகராட்சியையும் பெரும்பான்மையுடன் கைப்பற்றாத அ.தி.மு.க, நகராட்சியில் 2 (138) இடங்களை மட்டுமே பெற்றுள்ளது. மொத்தமுள்ள 7,621 பேரூராட்சி வார்டுகளில் 1206 இடங்களை மட்டுமே பெற்றுள்ளது.

• மேற்கு மண்டலத்தில் பின்னடைவை சந்தித்தது மட்டுமல்லாமல், முக்கிய தலைவர்களின் தொகுதிகளிலும் அக்கட்சி சோபிக்கவில்லை.

• உதாரணமாக, அ.தி.மு.க முன்னாள் அமைச்சர் வேலுமணி ஆதிக்கத்திலிருக்கும் தொண்டாமுத்தூரில் நகராட்சியை தி.மு.க-விடம் இழந்திருக்கிறது.

• இதேபோல, எடப்பாடி பழனிசாமியின் சொந்த வார்டிலேயே அ.தி.மு.க தோல்வியடைந்திருக்கிறது. இத்துடன் சேர்த்து, சேலத்தில் பெரும்பாலான நகராட்சி இடங்களையும் தி.மு.க கூட்டணியே வென்றிருக்கிறது.

• காலம்காலமாக அ.தி.மு.க-வின் செல்வாக்கு மிக்க மாவட்டமாக கருதப்படும் தேனியிலும் கோட்டைவிட்டிருக்கிறது அக்கட்சி. ஓ.பன்னீர்செல்வத்தின் சொந்த ஊரான பெரியகுளம் உள்பட 6 நகராட்சிகளையும் தி.மு.க-வே கைப்பற்றியிருக்கிறது. கம்பம், போடி, பெரியகுளம், சின்னமனூர் என அனைத்து இடங்களிலும் கணிசமான இடங்களைப் பிடித்திருக்கிறது தி.மு.க.

• இதேபோல முன்னாள் அமைச்சர்களான தங்கமணி, ஆர்.பி.உதயகுமார், ஜெயகுமார், ராஜேந்திர பாலாஜி ஆகியோர் சார்ந்த சட்டமன்றத் தொகுதிகளிலும், தி.மு.க-வே பெரும்பாலான உள்ளாட்சி அமைப்புகளை வென்றிருக்கிறது.

ஆக மொத்தம், இந்த தேர்தல் அ.தி.மு.க-விற்கு மிகப்பெரிய பின்னடைவைப் பரிசாகக் கொடுத்திருக்கிறது.

மலர்ந்ததா தாமரை?

அ.தி.மு.க கூட்டணியிலிருந்து பிரிந்து தனித்து களம் கண்டதால், இந்தமுறை பா.ஜ.க-வின் மீதும் எதிர்பார்ப்பு இருந்தது.

மொத்தமுள்ள 7,621 பேரூராட்சி வார்டுகளில் 230-ஐயும், 3,843 நகராட்சி வார்டுகளில் 56-ஐயும், 1,374 மாநகராட்சி வார்டுகளில் 22-ஐயும் கைப்பற்றியிருக்கிறது அக்கட்சி.

• இந்த 22 மாநகராட்சி வார்டுகளில் ஒன்று, சென்னை மாநகராட்சியின் 134-வது வார்டு. அந்த வார்டில் வென்ற உமா ஆனந்தன் காந்தியைக் கொலைசெய்த கோட்சேவுக்கு ஆதரவாக அண்மையில் பேசியவர் என்பது நேற்று சர்ச்சையாகியிருக்கிறது.

சரி, தமிழகத்தில் பா.ஜ.க வளர்ந்திருக்கிறதா?

• 2011-ம் ஆண்டு மொத்தம் 12,816 இடங்களுக்கு நடந்த, நகர்ப்புற உள்ளாட்சித் தேர்தலில் 226 இடங்களைக் கைப்பற்றியிருந்தது பா.ஜ.க. அதாவது, 1.76%.

• இந்தமுறை 12,838 இடங்களுக்கு நடந்த தேர்தலில் 308 இடங்களை கைப்பற்றியிருக்கிறது. இது 2.4%. இந்த 308-ல் 200 இடங்களை கன்னியாகுமரி மாவட்டத்திலிருந்து மட்டுமே வென்றிருக்கிறது பா.ஜ.க.

Note: உள்ளாட்சித் தேர்தல்களில் மாநில தேர்தல் ஆணையம் கட்சிவாரியாக வாக்கு சதவீதத்தை வெளியிடுவதில்லை என்பதால், இடங்களை வைத்து மட்டுமே கணக்கிடமுடிகிறது.

பிற கட்சிகளின் வெற்றி விவரங்களை மாநில தேர்தல் ஆணையத்தின் இந்த தளத்தில் காணலாம்.

- தேர்தல் வெற்றிகுறித்து நேற்று மக்களுக்கு நன்றி தெரிவித்த மு.க.ஸ்டாலின், இந்த வெற்றியை,``தமிழகத்தில் நடைபெறும் திராவிட மாடல் ஆட்சிக்கு மக்கள் கொடுத்திருக்கும் அங்கீகாரம்” எனக் குறிப்பிட்டார். தேசிய அளவில் தமிழகத்தின் வளர்ச்சி குறித்தும், தேசிய அரசியலில் தி.மு.க-வின் நோக்கம் குறித்தும் நடக்கும் உரையாடல்களில், அண்மைக்காலமாக, தி.மு.க-வினரால் முன்வைக்கப்படும் முக்கியமான அம்சமாக மாறியிருக்கிறது இந்த, `திராவிட மாடல்’.

- தி.மு.க, அ.தி.மு.க ஆகிய இரண்டு கட்சிகளும் வழக்கம்போல முதலிடத்தைப் பிடிக்க, யார் தமிழகத்தின் மூன்றாவது கட்சி எனக் கேள்வி எழுந்திருக்கிறது. `அதிகமான இடங்களைப் பிடித்ததால் நாங்கள்தான் மூன்றாமிடம்’ என காங்கிரஸ் சொல்ல, `தனித்துப் போட்டியிட்டு அதிக இடங்களை வென்றதால் நாங்கள்தான் முதலிடம்’ என பா.ஜ.க தலைவர் அண்ணாமலையும் இதற்கு உரிமை கோரியிருக்கிறார்.

ஆனால், வென்ற வார்டுகள் அடிப்படையில் காங்கிரஸ்தான் உண்மையில் அந்த இடத்தைப் பிடிக்கிறது.

இந்த இரு கட்சியினருக்கும் அதிகமாக இடங்களைப் பிடித்திருக்கின்றனர் சுயேச்சைகள்!

- வழக்கமாக சட்டமன்றத்தில், ஆட்சியின் மீது நம்பிக்கை வாக்கெடுப்பு நடக்கும்போது, எம்.எல்.ஏ-க்கள் விலைபோகாமல் இருக்க, ஆளுங்கட்சியினர் அவர்களை ரிசார்ட்டுகளில் தங்கவைப்பது வழக்கம். ஆனால், இந்த டெம்ப்ளேட் இப்போதெல்லாம் உள்ளாட்சித் தேர்தல்களுக்கே வந்துவிட்டது. நெல்லையில் மார்ச் 4-ம் தேதி நடக்கவிருக்கும் மேயர் மறைமுகத் தேர்தலுக்கு முன்பு, மாநகராட்சி கவுன்சிலர்களிடம் யாரும் குதிரைபேரம் நடத்திவிடக்கூடாது என்பதால், அவர்களை கேரளாவில் உள்ள ரிசார்ட்டுக்கு அழைத்துச் செல்லத் திட்டமிட்டுள்ளார் நெல்லை மத்திய மாவட்ட தி.மு.க செயலாளரான அப்துல் வஹாப்.

- கடந்தாண்டு நடந்த ஊரக உள்ளாட்சித் தேர்தலில் தி.மு.க சார்பில் நாமக்கல்லில் ஒரு வார்டில் போட்டியிட்ட திருநங்கை ரியா என்பவர் வெற்றி பெற்றிருந்தார். தமிழகத்தில் உள்ளாட்சித் தேர்தலில் வென்ற முதல் திருநங்கை அவர்தான். அதேபோல இந்தமுறை வேலூர் மாவட்டத்தின் நகராட்சி வார்டில், திருநங்கை கங்கா நாயக் என்பவர் வெற்றிபெற்றிருக்கிறார். இவரும் தி.மு.க வேட்பாளரே.

- கோவை மாநகராட்சி தேர்தலில் வாக்காளர்களுக்கு கட்சிகள் தாராளமாக பணப்பட்டுவாடா செய்வதாகவும், இதனால் வாக்கு எண்ணிக்கையை நிறுத்தி, நடந்த தேர்தலை ரத்துசெய்யவேண்டும் எனவும் ஈஸ்வரன் என்பவர் அண்மையில் சென்னை உயர்நீதிமன்றத்தில் வழக்கு தொடர்ந்திருந்தார். ஆனால், வாக்கு எண்ணிக்கைக்கு தடைவிதிக்க நீதிமன்றம் மறுத்துவிட்டது. மாறாக, ``வேட்பாளர்களின் வெற்றியானது இந்த வழக்கின் இறுதித்தீர்ப்புக்கு உட்பட்டதே” என அறிவித்தது. அதாவது, பணப்பட்டுவாடா புகார் காரணமாக, உயர்நீதிமன்றம் தேர்தலை ரத்துசெய்தாலோ, குறிப்பிட்ட வேட்பாளரின் வெற்றியை செல்லாது என அறிவித்தாலோ, அது இந்த முடிவுகளை பாதிக்கும். அதன்படி, நேற்று கோவை மாநகராட்சியில் வென்ற வேட்பாளர்களுக்கு அளிக்கப்பட்ட வெற்றிச்சான்றிதழிலும், ``இந்த வெற்றி உயர்நீதிமன்ற வழக்கின் இறுதித்தீர்ப்புக்கு உட்பட்டது” என்று குறிப்பிடப்பட்டுள்ளது.

- தமிழகத்தில் எங்கும் இல்லாத அளவுக்கு கோவையில்தான் தேர்தலில், ஹாட்பாக்ஸ், கொலுசு என தி.மு.க, அ.தி.மு.க கட்சிகள் போட்டிபோட்டுக்கொண்டு பரிசுப்பொருள்களையும் பணத்தையும் விநியோகித்தன. மொத்தம் 4 முறை தேர்தல் பார்வையாளர்களும் இங்கு மாற்றப்பட்டனர். எனவே உயர்நீதிமன்றத்தில் நிலுவையில் இருக்கும் இந்த வழக்கு விசாரணை முக்கியத்துவம் பெறுகிறது.

கோவையில் விநியோகிக்கப்பட்ட பணம் மற்றும் பரிசுப்பொருள்கள் தொடர்பாக கூடுதல் விவரங்களை அறிய விரும்பினால், இந்த வீடியோவைப் பார்க்கலாம்!

அவ்வளவுதான்!

The Subject Line-னோட இந்த எடிஷன் உங்களுக்குப் பிடிச்சிருந்தா, கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

🇳🇴 நார்வே ஏன் `நம்பர் 1’

வழக்கமான கோடைக்கால ஒலிம்பிக் போட்டிகளில் யார் நம்பர் 1 என்றால், அனைவருமே தயங்காது சீனாவை சொல்லிவிடுவோம். ஒவ்வொரு ஒலிம்பிக்கிலும் அனைத்து நாடுகளுக்கும் டஃப் கொடுத்து, பதக்கப்பட்டியலில் முதலிடம் பிடிப்பது சீனாவின் ஸ்டைல். ஆனால், அண்மையில் நடந்துமுடிந்த குளிர்கால ஒலிம்பிக்ஸில் சீனாவுக்கு கிடைத்திருப்பது 3-வது இடம்.

இத்தனைக்கும் குளிர்கால ஒலிம்பிக்கில் சீனாவின் அதிகபட்ச பதக்கங்களே இந்தமுறைதான். ஏன் இப்படி? காரணம், குளிர்கால ஒலிம்பிக்ஸில் கதையே வேறு. இங்கு நார்வேதான் 3 ஒலிம்பிக் சீசன்களாக டான். எப்படி சாதித்தது நார்வே? இரண்டு முக்கியமான காரணங்கள் இதற்கு சொல்லப்படுகிறது.

• ஒன்று, நார்வேயின் புவியியல் சூழல். வெறும் 50 லட்சம் மக்களை மட்டுமே கொண்டிருந்தாலும்கூட, நார்வேயின் பனிப்பிரதேசங்கள் அவர்கள் இயல்பாகவே குளிர்கால விளையாட்டைத் தேர்ந்தெடுக்கவும், அதில் சிறப்பாக பயிற்சி பெறவும் உதவுகின்றன.

• இரண்டாவது, நார்வேயின் பொருளாதாரம். மொத்த GDP படி பார்த்தால், உலகின் 35-வது பணக்கார நாடு நார்வே. தனிநபர் GDP படி பார்த்தால், முதல் 10 இடங்களுக்குள் வந்துவிடும். குளிர்கால ஒலிம்பிக் விளையாட்டுகளுக்குத் தேவையான விளையாட்டு பொருள்கள், பயிற்சி போன்ற செலவுகளையெல்லாம் இந்நாட்டு மக்களால் எளிதாக சமாளிக்க முடிகிறது.

சரி, அப்படியென்றாலும் ஆஸ்திரியா, சுவிட்சர்லாந்து, ரஷ்யா போன்ற நாடுகளிலும் இதேபோன்ற பனிப்பிரதேசங்கள்தானே இருக்கின்றன? அமெரிக்கா, சீனா போன்றவை நார்வேவைவிடவும் பணக்கார நாடுகளாயிற்றே? அவர்கள் ஏன் நம்பர் 1 ஆகவில்லை? காரணம், மேற்கண்டவற்றுடன் இணைந்த நார்வேயின் கூடுதல் மெனக்கெடல்.

• குறிப்பிட்ட விளையாட்டில் ஆர்வமுள்ள இளைஞர்களைத் தேர்ந்தெடுத்து அவர்களுக்கு பயிற்சி வழங்காமல், சிறு வயதிலிருந்தே ஏதாவதொரு விளையாட்டை அனைத்து சிறார்களையும் விளையாட ஊக்குவிக்கிறது. இத்தனைக்கும் சிறுவர்களுக்கு என அங்கு சாம்பியன்ஷிப் போட்டிகள்கூட கிடையாது. ஆனால், சுமார் 10,000 ஸ்போர்ட்ஸ் கிளப்கள் இருக்கின்றன. அவர்கள், மகிழ்ச்சியாக விளையாடவேண்டும் என்பது மட்டுமே இதன் நோக்கம். இப்படி 93% சிறார்கள் குளிர்கால விளையாட்டுகளில் தங்களை ஈடுபடுத்திக்கொண்டுள்ளனர். இவர்களிலிலிருந்தே அடுத்த தலைமுறை வீரர்களையும் உருவாக்குகிறது.

இப்படி இயற்கையாகவே அமைந்த புவியியல் சூழல், நாட்டின் பொருளாதாரம் ஆகியவை ஒருசில நாடுகளுக்கே அதிக வெற்றிவாய்ப்பை வழங்குவதாலும், பிற விளையாட்டுகளைப் போல சமவாய்ப்பு உறுதிசெய்யப்படாததாலும்தான், குளிர்கால ஒலிம்பிக்ஸை ஒட்டுமொத்த உலக நாடுகளுக்கான போட்டியாக கருதமுடியாது என விமர்சனங்களும் எழுகின்றன.

Share

🚨 என்ன நடக்கிறது ஷிமோகாவில்?

கர்நாடகா மாநிலம் ஷிமோகா மாவட்டத்தில் இந்துத்துவ இயக்க உறுப்பினர் ஒருவரின் கொலை மற்றும் அதைத் தொடர்ந்த வன்முறைகள் காரணமாக, நேற்று பதற்றம் சூழ்ந்திருக்கிறது. பஜ்ரங் தள் அமைப்பைச் சேர்ந்த 23 வயதான ஹர்ஷா என்ற இளைஞர் கடந்த ஞாயிறன்று, மர்ம நபர்களால் குத்திக் கொலை செய்யப்பட்டார்.

• கொலையாளிகளை காவல்துறையினர் அடையாளம் காணாத நிலையில், இதன் பின்னணியில் இஸ்லாமிய இயக்கங்கள் இருப்பதாகக் கூறியும், ஹர்ஷாவுக்கு நியாயம் வேண்டும் எனக் கூறியும் இந்துத்துவ இயக்க தொண்டர்கள் வன்முறைகளில் ஈடுபட்டனர். இந்நிலையில் நேற்று இரவு 3 பேர் இந்த கொலை சம்பவம் தொடர்பாக கைது செய்யப்பட்டுள்ளனர். ``இதற்குப் பின் பயங்கரவாத இயக்கங்கள் உள்ளனரா?” என விசாரித்து வருவதாகவும் அம்மாநில உள்துறை அமைச்சர் தெரிவித்திருக்கிறார்.

• ஏற்கெனவே கடந்த ஒரு மாதமாக ஹிஜாப் பிரச்னை காரணமாக, ஷிமோகாவில் பதற்றம் நிலவிவந்த நிலையில், தற்போது ஹர்ஷாவின் மரணம் மீண்டும் அங்கு இரு தரப்பினரிடையே பதற்றத்தை உண்டாக்கியிருக்கிறது.

• உயிரிழந்த ஹர்ஷா மீது, மதக்கலவரங்கள் மற்றும் மதரீதியான மோதல்களில் ஈடுபட்டது தொடர்பாக 5 வழக்குகள் பதிவாகியிருந்தது குறிப்பிடத்தக்கது.

🇷🇺 போருக்குத் தயாரா புடின்?

உக்ரைனின் அங்கமாக இருந்துவரும் டொனெட்ச்க் மற்றும் லுஹான்ஸ்க் ஆகிய கிழக்கு பகுதிகளை சுதந்திரப் பிரதேசங்களாக அங்கீகரிப்பதாக அறிவித்திருக்கிறார் புடின். இந்த இரு பகுதிகளும், ரஷ்ய ஆதரவு பெற்ற கிளர்ச்சியாளர்களின் ஆதிக்கத்தில் இருப்பவை.

• இதன்மூலம் மேலை நாடுகளுக்கு ஒரு விஷயத்தை தெளிவாகச் சொல்லிவிட்டார் புடின். ``இதற்கு முன் கையெழுத்தான எந்த ஒப்பந்தங்களும் இனி செல்லாது; அமைதிப் பேச்சுவார்த்தைகளும் இனி கிடையாது”.

ஏன் இந்த நடவடிக்கை முக்கியமாக பார்க்கப்படுகிறது?

• 2014-ம் ஆண்டு முதலே இந்தப் பகுதிகள் ரஷ்ய ஆதரவு கிளர்ச்சியாளர்களின் கட்டுப்பாட்டில் இருந்துவருகின்றன. ``இவற்றை தனிப்பிரதேசங்களாக அறிவிக்கக்கூடாது; இவை உக்ரைனின் அங்கங்களே” என்பது அமெரிக்கா, பிரான்ஸ் உள்ளிட்ட மேலை நாடுகளின் வாதம். இதற்கு மாறாக, இந்தப் பகுதிகளை தனிப்பிரதேசங்களாக அறிவித்தாலோ, அந்தப் பகுதிகளை தன்னுடன் இணைத்துக்கொள்ள முயற்சி செய்தாலோ, மேலை நாடுகளின் பொருளாதாரத் தடைகளுக்கு ரஷ்யா ஆளாக நேரிடும்.

• இந்தக் கட்டுப்பாட்டை நேற்று வரை பின்பற்றிவந்த புடின், இன்று திடீரென காற்றில் பறக்கவிட்டுவிட்டார். அந்த இரண்டு பகுதிகளையும், சுதந்திரம் பெற்ற தனிப்பிரதேசங்களாக அங்கீகரித்திருக்கிறார். இதன்மூலம் மேலை நாடுகளுனான அமைதிப் பேச்சுவார்த்தை முடிவுக்கு வந்திருக்கிறது.

• அதைவிட முக்கியம், புடின் அடுத்து என்ன செய்வார் என்பது. காரணம், தற்போது புடின் அங்கீகரித்திருக்கும் இருபிரதேசங்களின் எல்லையும் (கிளர்ச்சியாளர்கள் கோருவது) முழுமையாக ரஷ்ய ஆதரவு கிளர்ச்சியாளர்கள் வசம் இல்லை. குறிப்பிட்ட பகுதி மட்டுமே இவர்கள் வசம் இருக்கிறது. மீதி உக்ரைன் ராணுவத்தின் கட்டுப்பாட்டில்.

• இப்போது, இந்தப் பிரதேசங்களின் எல்லைகளை மீட்க, ரஷ்யா படைகளை அனுப்புமா, அல்லது இப்போது இருக்கும் பகுதிகளை மட்டுமே பாதுகாக்குமா என்பதுதான் அடுத்த கேள்வி. நேற்று, ரஷ்ய மக்களிடையே புடின் ஆற்றிய உரையை வைத்துப் பார்க்கையில் இரண்டாவதற்கே வாய்ப்பு அதிகம்!

• ஒருவேளை இந்தப் பிரதேசங்களின் எல்லைகளை மீட்க, ரஷ்ய படைகள் உள்ளே நுழைந்தால், அது உக்ரைன் மீதான நேரடி போர் அன்றி வேறில்லை. புடின் அதற்கான பணிகளைத் தொடங்கிவிட்டார். முழுமையாகத் தயாரா என்பது அடுத்தடுத்த நடவடிக்கைகளில் தெரிந்துவிடும்.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 788 (நேற்று முன்தினம்: 949) 🔻

  - அதிகபட்சமாக, சென்னையில்: 191 (223) 🔻

  - தமிழகம் முழுவதும் உயிரிழந்தவர்களின் எண்ணிக்கை: 1 (3) 🔻

• இந்தியாவில் நேற்று பதிவான கொரோனா பாதிப்பு: 16,051 (19,968) 🔻

• 🌦 இன்று மற்றும் நாளைக்கான வானிலை முன்னறிவிப்பு ☔️

• தமிழக நகர்ப்புற உள்ளாட்சித் தேர்தலுக்கான வாக்கு எண்ணிக்கை தமிழகம் முழுவதும் இன்று காலை 8 மணிக்கு தொடங்குகிறது. மொத்தம் 268 மையங்களில் வாக்கு எண்ணும் பணிகள் நடைபெறவிருக்கின்றன. உள்ளாட்சித் தேர்தல் முடிவுகளை tnsec.tn.nic.in என்ற இணையதளத்தில் நேரடியாகத் தெரிந்துகொள்ளலாம்.

• உள்ளாட்சி தேர்தலுக்கான வாக்குப்பதிவு அன்று, கள்ள ஓட்டு போட்டதாக குற்றம்சாட்டப்பட்ட தி.மு.க நபரை அ.தி.மு.க-வினர் தாக்கியதும், முன்னாள் அமைச்சர் ஜெயக்குமார் அவரை சாலையில் இழுத்துச்சென்றதும் கடும் கண்டனத்துக்குள்ளானது. இந்நிலையில் இந்த சம்பவம் தொடர்பாக சென்னை தண்டையார்பேட்டை காவல் நிலையத்தில் ஜெயக்குமார் மற்றும் 40-க்கும் மேற்பட்ட அ.தி.மு.க-வினர் மீது நேற்று மதியம் வழக்குப்பதிவு செய்யப்பட்டிருந்தது. இந்நிலையில் நேற்று இரவு ஜெயக்குமார் கைது செய்யப்பட்டார். இதை அ.தி.மு.க கண்டித்துள்ளது. இதேபோல பூத்தில் தன்னை தாக்கியதாக ஜெயக்குமாரின் ஓட்டுநர், 3 தி.மு.க தொண்டர்கள் மீது புகார் அளித்திருந்தார். அவர்களும் நேற்று இரவு கைது செய்யப்பட்டனர்.

• 5-வது மாட்டுத்தீவன வழக்கில் குற்றவாளியாக அறிவிக்கப்பட்டிருந்த முன்னாள் பீகார் முதல்வர் லாலு பிரசாத் யாதவிற்கு, 5 ஆண்டுகள் சிறைத்தண்டனையும் 60 லட்ச ரூபாய் அபராதமும் அறிவித்திருக்கிறது சி.பி.ஐ நீதிமன்றம். இதில் ஏற்கெனவே மூன்று ஆண்டுகளை அவர் சிறையில் கழித்துவிட்டதால், விரைவில் அவருக்கு பெயில் கிடைக்கவும் வாய்ப்புள்ளாது.

• 15 லட்சம் வாடிக்கையாளர்களைக் கொண்ட சுவிட்சர்லாந்தின் இரண்டாவது மிகப்பெரிய வங்கி, Credit Suisse. உலகின் பல மூலையிலிருந்தும் பணக்காரர்கள் இங்கு பணத்தை பதுக்கிவைத்தாலும், விதிமுறைப்படி முக்கியமான குற்றவாளிகளுக்கு இங்கு இடமில்லை. ஆனால், அண்மையில் சர்வதேச ஊடகங்களின் புலனாய்வில் வெளியான சுமார் 18,000-க்கும் மேற்பட்ட வங்கிக்கணக்கு விவரங்களின்படி, இந்த வங்கியில் பல சர்வதேச ஊழல் குற்றவாளிகளும், மனித உரிமை மீறல்களில் ஈடுபட்ட சர்வாதிகாரிகளும் பணத்தைப் பதுக்கி வைத்துள்ளது தெரியவந்துள்ளது. இந்தப் புலனாய்வு முடிவுகள், சுவிட்சர்லாந்து வங்கித்துறைக்கு சிக்கலை ஏற்படுத்தியிருக்கிறது. இந்தியா தொடர்பாக இந்தப் புலனாய்வில் இதுவரை எந்த தகவலும் வெளியாகவில்லை.

• 16 வயதே ஆன இந்தியன் கிராண்ட் மாஸ்டர் பிரக்ஞானந்தா, உலகின் நம்பர் 1 செஸ் வீரரான மேக்னஸ் கார்ல்சனை நேற்று நடந்த Airthings Masters செஸ் போட்டியில் வீழ்த்தியிருக்கிறார்.

  மொத்தம் 39 மூவ்களில் முடிவுக்கு வந்த கேம் மூலம், விஸ்வநாதன் ஆனந்த் மற்றும் ஹரிகிருஷ்ணாவுக்கு அடுத்து கார்ல்சனை வீழ்த்திய மூன்றாவது இந்தியர் என்ற பெருமையைப் பெற்றிருக்கிறார் பிரக்ஞானந்தா. 👏👏

• மத்திய அரசு எதிர்க்கட்சியினர் மற்றும் மக்களை உளவுபார்க்க, பெகாசஸ் உளவு மென்பொருளை பயன்படுத்தியதா என ஆராய உச்சநீதிமன்றம் ஓய்வுபெற்ற நீதிபதி ரவீந்திரன் தலைமையில் ஒரு குழு அமைத்திருந்தது. இந்தக் குழு தன் இடைக்கால அறிக்கையை நேற்று உச்சநீதிமன்றத்தில் தாக்கல் செய்திருக்கிறது. இதையடுத்து பெகாசஸ் தொடர்பான வழக்குகள் நாளை உச்சநீதிமன்றத்தில் விசாரணைக்கு வருகின்றன.

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

HIV-யால் பாதிக்கப்பட்ட ஒரு பெண்ணை, உலக அளவில் முதல்முறையாக சிகிச்சை மூலம் குணப்படுத்தியிருக்கின்றனர் அமெரிக்க விஞ்ஞானிகள். ஸ்டெம்செல் சிகிச்சையின் அடுத்தகட்ட பாய்ச்சலாகவும், HIV ஆராய்ச்சியில் புதிய நம்பிக்கையையும் அளித்துள்ளது இந்த செய்தி.

எப்படி நடந்தது இது?

நியூயார்க்கைச் சேர்ந்த அந்தப் பெண்ணுக்கு 2013-ம் ஆண்டு HIV தொற்று உறுதியானது. தொடர்ந்து 2017-ம் ஆண்டு ரத்தப்புற்றுநோயும் (லூக்கேமியா) உறுதியானது. இரட்டை பாதிப்புகளால் துவண்டிருந்த அந்தப் பெண்ணை ஸ்டெம்செல் சிகிச்சை மூலம் குணப்படுத்த முடிவானது. ஆனால், அங்கே ஒரு சிக்கல். என்ன?

• ஸ்டெம்செல் சிகிச்சையில் பொதுவாக, நோயாளியின் மரபணுவோடு முழுமையாக ஒத்துப்போகும் கொடையாளியின் செல்களை எடுத்து, எலும்பு மஜ்ஜை மாற்று அறுவை சிகிச்சை செய்வார்கள்.

• இதற்கு முன்பு இதுவரை 2 பேர் மேற்கண்ட ஸ்டெம்செல் சிகிச்சைமூலம், HIV-யிலிருந்து மீண்டிருக்கின்றனர். இருவருமே ஆண்கள். பெர்லினைச் சேர்ந்த டிமோத்தி என்பவர் 2011-லும், லண்டனைச் சேர்ந்த ஆடம்ஸ் என்பவர் 2020-லும் இதேபோல HIV-யிலிருந்து குணமானதாக அறிவிக்கப்பட்டனர். அவர்கள் இருவருக்குமே, பொருத்தமான கொடையாளிகள் கிடைத்திருந்தனர்.

• ஆனால், இந்தப் பெண்ணிற்கு அப்படியொரு கொடையாளி கிடைப்பது கடினமாக இருந்தது. இதைத் தீர்க்க, விஞ்ஞானிகள் மாற்றுமுறையைத் தேர்ந்தெடுத்தனர். அதன்படி, சிகிச்சையில் முதலில் குழந்தையின் தொப்புள்கொடியிலிருந்து கிடைக்கும் புதிய ஸ்டெம்செல்களைப் பயன்படுத்துவது எனவும், பின்னர் அந்தப் பெண்ணின் உறவினரிடமிருந்து (ஓரளவு பொருந்திப்போகும்) எடுக்கப்பட்ட ஸ்டெம்செல்லைப் பயன்படுத்துவது எனவும் முடிவெடுத்தனர். இதுவரைக்கும் AIDS & Cancer நோயாளிகளிடம் பயன்படுத்தப்படாத முறை இது. 2017-ம் ஆண்டு சிகிச்சை முடிந்தது.

ஆபரேஷன் சக்சஸா?

இந்த சிகிச்சை முடிந்து 3 வருடங்கள் கழித்து, 2020-ல் வழக்கமாக AIDS-க்கு எடுத்துக்கொள்ளும் மருந்துகளைக் கைவிட்டார் அந்தப் பெண். அதன்பிறகு ஓராண்டாகியும் உடலில் HIV வைரஸ் அதிகரிக்கவில்லை. ஆச்சர்யம் என்னவென்றால், அதன்பிறகு அவரது உடலில் ஒரு HIV வைரஸ்கூட இல்லை.

• இதையடுத்துதான், ``அவர் முழுமையாக குணமாகிவிட்டார். இருப்பினும் எதிர்காலத்தில் மீண்டும் வைரஸ் பாதிப்பு ஏற்படுமா என மட்டும் பார்க்கவேண்டும்” எனக் கடந்த வாரம் அறிவித்திருக்கின்றனர் விஞ்ஞானிகள்.

அப்படியெனில் HIV-க்கு தீர்வு கிடைத்துவிட்டதா?

இல்லை! இப்படிச் சொல்ல பல காரணங்கள் உண்டு. அவற்றில் முக்கியமானவை சில…

• இந்த ஸ்டெம்செல் சிகிச்சையானது அதிக ரிஸ்க் கொண்டது; எனவேதான், உயிரிழப்பைத் தவிர்க்க வேறு வழியே இல்லாத நபர்களுக்கு மட்டும் (உதாரணம்: அதிக புற்றுநோய் பாதிப்பு கொண்டவர்கள்) பரிந்துரைக்கப்படுகிறது.

• இது மிக மிக அதிக செலவு பிடிக்கும் சிகிச்சையும் கூட. எனவே HIV-யால் உலகம் முழுவதும் பாதிக்கப்பட்டிருக்கும் 3.8 கோடி பேரையும் இதனால் குணப்படுத்த முடியாது. அதுவும் HIV-யால் அதிகம் பாதிக்கப்பட்ட ஆப்பிரிக்காவில், இந்த சிகிச்சைகள் எந்தவொரு முன்னேற்றத்தையும் ஏற்படுத்தாது.

• இந்த சிகிச்சை HIV-யை மையப்படுத்தியதே அல்ல. புற்றுநோயால் பாதிக்கப்பட்ட, AIDS நோயாளிகளுக்கான சிகிச்சை மட்டுமே. இதுவரை மீண்ட 3 பேருமே புற்றுநோய் சிகிச்சையில்தான், HIV-யிலிருந்தும் குணமாகியிருக்கின்றனர். எனவே இதையே அனைத்து HIV நோயாளிகளிடமும் பயன்படுத்த முடியாது.

அப்படியெனில், இதில் கொண்டாட எதுவுமே இல்லையா?

கொண்டாடவும் சில காரணங்கள் உண்டு. அவற்றில் சில…

• HIV-க்கு எதிரான ஸ்டெம்செல் சிகிச்சையில் CCR5 delta 32 ஜீன் (HIV பாதிப்பை தடுக்கும் தன்மையுள்ளது இது) கொண்ட மற்றும் நோயாளியின் மரபணுவோடு முழுமையாக ஒத்துப்போகும் கொடையாளிகள் மிக முக்கியம். ஆனால், இந்தப் பெண்ணிற்கு அப்படிப்பட்ட கொடையாளிகள் இல்லாமலே சிகிச்சை வெற்றிகரமாக முடிந்திருக்கிறது.

• இதற்கு முன்பு ஸ்டெம்செல் சிகிச்சை மூலம் HIV-யிலிருந்து குணமான இரண்டுபேருக்குமே, சிகிச்சைக்குப் பின் கடுமையான பக்கவிளைவுகள் இருந்திருக்கின்றன. உடல்நலமும் குன்றியிருக்கிறது. ஸ்டெம்செல் சிகிச்சையில் இருக்கும் முக்கியமான பிரச்னை இது. ஆனால், மாற்றுமுறை ஸ்டெம்செல் சிகிச்சை பெற்ற இந்தப் பெண்ணிற்கு அப்படி எதுவுமே நடக்கவில்லை. சிகிச்சை முடிந்த 17-வது நாளே வீடு திரும்பிவிட்டார். இப்போது வரை ஆரோக்கியமாக இருக்கிறார். இந்த இரண்டும் விஞ்ஞானிகள் மத்தியில் புதிய நம்பிக்கையை உருவாக்கியிருக்கிறது. ஸ்டெம்செல் சிகிச்சையில் இது புதிய மைல்கல் என்றே பார்க்கப்படுகிறது.

• HIV-யானது ஆண் / பெண் இருபாலினரிடையேயும் ஒரே மாதிரி பாதிப்பை ஏற்படுத்துவதில்லை. உலக அளவில் HIV நோயாளிகளில் பாதிக்கும் மேற்பட்டவர்கள் பெண்கள்தான். இருப்பினும், HIV தொடர்பான ஆராய்ச்சிகளில் பெண் நோயாளிகளை ஈடுபடுத்தும் விகிதம் மிகக்குறைவாகவே (11% மட்டுமே) இருக்கிறது. இப்படியொரு சூழலில் நிகழ்ந்திருக்கும் இந்தப் பெண்ணின் வெற்றி, HIV ஆராய்ச்சியில் விஞ்ஞானிகளுக்கு புதிய தரவுகளைக் கொடுக்கவிருக்கிறது.

சரி, HIV-க்கு எப்போதுதான் மருந்து வரும்?

HIV-யை முழுமையாக உடலிலிருந்து விரட்ட அல்லது முன்கூட்டியே தடுக்க இதுவரைக்கும் எந்த தடுப்பு மருந்தும் இல்லை. ஆனால், அவற்றைக் கட்டுப்படுத்த ART (Anti-retroviral) மருந்துகள் உள்ளன. இவை வைரஸை வாழ்நால் முழுக்க கட்டுக்குள் வைத்திருக்கும். இவற்றின்மூலம் AIDS நோயாளி ஒருவர், சராசரி நபர் அளவுக்கான ஆயுட்காலத்தோடு வாழமுடியும். தற்போது இதுதான் HIV நோயாளிகளைக் காப்பாற்றிக் கொண்டிருக்கிறது.

• முழுமையாக HIV-க்கு மருந்து கண்டுபிடிப்பதில் இருக்கும் சவாலே, அந்த வைரஸின் தன்மைதான். கொரோனா போல மொத்தமாக ஒரே அடியாக, ஆன்டிபாடிகளுடன் போராடி அழியும் வைரஸ் அல்ல இது. பல நாள்கள் எந்த சத்தமும் இன்றி, மறைந்துகொண்டு இருந்து பின்னர் திருப்பித் தாக்கும் தன்மை கொண்டது.

• இதனால்தான், ART மருந்துகளால் ஒரேயடியாக HIV செல்களை உடலிலிருந்து வெளியேற்ற முடிவதில்லை.

இந்த `மறைந்திருக்கும் தாக்கும் மர்மத்திற்கு’ புதிய ஸ்டெம்செல் சிகிச்சை விடையளித்தால், நிச்சயம் HIV-க்கும் விரைவில் `குட்பை’ சொல்லலாம்.

அதுவரைக்கும், HIV-யால் பாதிக்கப்பட்டவர்களுக்கு உரிய ART சிகிச்சைகள் கிடைக்கச் செய்வதும், மக்களிடையே தடுப்பு முறைகள் குறித்தும் விழிப்புணர்வு ஏற்படுத்துவதும்தான் உலக நாடுகளின் முக்கிய பணி!

Share The Subject Line

1. உக்ரைனில் தற்போதைய நிலவரம் என்ன? அப்டேட்ஸ்

கடந்த இரண்டு நாள்களாக கிழக்கு உக்ரைன் பகுதியில் சிறிய அளவிலான தாக்குதல்கள் நடந்துவருகின்றன. ரஷ்யாவின் ஆதரவு பெற்ற கிளர்ச்சி படைகள், கிழக்கு உக்ரைனில் ஆங்காங்கே வெடிகுண்டு தாக்குதல் நடத்தியுள்ளதாக அங்கிருந்து வரும் தகவல்கள் தெரிவிக்கின்றன. இதையடுத்து அப்பகுதியிலிருந்து மக்கள் வெளியேற்றப்பட்டு வருகின்றனர்.

• ``புடினுக்கு என்ன வேண்டும் என்பதைத் தெரிந்துகொள்ள அவரை மீண்டும் நேரில் சந்தித்துப் பேசவும் தயார்” எனத் தெரிவித்திருக்கிறார் உக்ரைன் அதிபர் ஜெலன்ஸ்கி. ஆனால், இதற்கு ரஷ்யாவிடமிருந்து எந்த பதிலும் இன்னும் வரவில்லை.

• ``ரஷ்யா உக்ரைனைத் தாக்கினால், ரஷ்ய நிறுவனங்கள் டாலர் மற்றும் பிரிட்டிஷ் பவுண்டுகளை வைத்து வர்த்தகம் செய்வது தடைசெய்யப்படும்; இது ரஷ்யாவுக்கு மிகப்பெரிய பொருளாதார சேதத்தை உண்டாக்கும்” என நேற்று புதிய எச்சரிக்கை விடுத்திருக்கிறார் பிரிட்டன் பிரதமர் போரிஸ் ஜான்சன்.

• பிரான்ஸ் அதிபர் மேக்ரான் மற்றும் ரஷ்ய அதிபர் புடின் இருவரும் நேற்று தொலைபேசியில் பேசியிருக்கின்றனர். மோதலைத் தவிர்த்து மீண்டும் பேச்சுவார்த்தையில் கவனம் செலுத்துவது குறித்து இருவரும் விவாதித்தனர்.

• இந்த பரபரப்பான சூழ்நிலையில் உக்ரைனில் தங்கியிருக்கும் இந்தியர்கள் அனைவரையும் தற்காலிகமாக அங்கிருந்து வெளியேற அறிவுறுத்தியிருக்கிறது இந்திய வெளியுறவுத்துறை.

அண்மைய நிகழ்வுகளால் உக்ரைன் எல்லைகளில் இன்னமும் பதற்றம் கூடியிருக்கிறது.

2. நிறைவுற்ற உள்ளாட்சித் தேர்தல்

தமிழகத்தின் நகர்ப்புற உள்ளாட்சித் தேர்தல் 10 ஆண்டுகளுக்குப் பிறகு நடந்து முடிந்துள்ளது. மொத்தம் 12,838 இடங்களுக்கு இதிலிருந்து நிர்வாகிகள் தேர்வு செய்யப்படவிருக்கின்றனர்.

• தமிழகம் முழுவதுமாக மொத்தம் 60.7% வாக்குகள் பதிவாகியிருக்கின்றன. மாநகராட்சிகளில் அதிகபட்சமாக கரூரில் 75.84 சதவிகிதமும், குறைந்தபட்சமாக சென்னையில் 43.59% சதவிகித வாக்குகளும் பதிவாகியிருக்கின்றன.

• கடந்த 2011 உள்ளாட்சித் தேர்தல் அன்று 6 கொலைகள் நடந்திருக்கின்றன. ஆனால், இந்தமுறை அப்படி பெரியளவில் எந்தக் குற்றச்சம்பவங்களும் நடைபெறவில்லை. அதேசமயம் மொத்தமாக அமைதியாகவும் இல்லை. ஆங்காங்கே சில சலசலப்புகள் இருந்துள்ளன.

• தேர்தல் தொடர்பாக அன்றைய தினம் மொத்தம் 6 வழக்குகள் பதிவு செய்யப்பட்டுள்ளன. அதில் ஒன்று, மதுரை மேலூரில் ஹிஜாப் அணிந்துவந்த பெண்ணை, ஹிஜாபை கழற்றச் சொல்லி வாக்குவாதம் செய்த பா.ஜ.க பூத் ஏஜென்ட்டுடையது. மீதி வழக்குகள் வாக்குப்பதிவு இயந்திரங்களை ஆங்காங்கே ஆளுங்கட்சியினர் மற்றும் எதிர்க்கட்சியினர் சேதப்படுத்தியது தொடர்பானது.

• நாளை வாக்கு எண்ணிக்கை நடைபெறுவது குறிப்பிடத்தக்கது.

3. `மாட்டுச் சாணத்திலிருந்தும் வருமானம் பெறலாம்!’ - பிரதமர் மோடி

தேர்தல் பிரசாரத்தில் பிரதமர் மோடி அளித்த ஏதோவொரு வாக்குறுதி அல்ல இது. உத்தரப்பிரதேச விவசாயிகளின் இன்றைய தலையாய பிரச்னையும்கூட.

• 2017-ம் ஆண்டு யோகியின் அரசு உ.பி-யில் பதவியேற்றதும், இறைச்சிக்காக பசுக்கள் கொல்லப்படுவதை தடைசெய்தது. இது இறைச்சி உற்பத்தியாளர்களை முதலில் நேரடியாகப் பாதித்தது. ஆனால், பிரச்னை அதோடு நிற்கவில்லை.

• அதுவரைக்கும் பால் கறக்காத, வயதான மாடுகளை அடிமாடாக இறைச்சிக்காக அனுப்பிய அனைத்து விவசாயிகளையும் பாதித்தது. இதனால், வருமானம் தராத கால்நடைகளைப் பல விவசாயிகளும் கைவிட, அவை ஊருக்குள் பல்கிப்பெருகி அட்டகாசம் செய்யத்தொடங்கின.

• வயல்களில் பயிர்களை நாசம் செய்வது, மக்களைத் தாக்கி உயிரிழப்புகளை ஏற்படுத்துவது, சாலைகளைல் விபத்தை ஏற்படுத்துவது என உ.பி-யின் கிராமங்களில் இவற்றின் அட்டகாசம் எல்லை மீறிப்போய்க்கொண்டிருக்கிறது.

• மூன்று வேளாண்சட்டங்கள் விவசாயிகள் ஏற்படுத்திய அதிர்வுக்கு அடுத்து, இந்தப் பிரச்னை அங்கு விஸ்வரூபம் எடுத்திருக்கிறது. இதைப் பயன்படுத்திக்கொண்ட சமாஜ்வாதி, காங்கிரஸ் கட்சிகள், கால்நடைகளால் உயிரிழந்தவர்களுக்கு நஷ்ட ஈடும், கால்நடைகளின் எண்ணிக்கையைக் கட்டுப்படுத்த திட்டங்களையும் அறிவித்திருக்கின்றன.

• இந்நிலையில்தான், நேற்று மோடியும் முதல்முறையாக இந்தப் பிரச்னை குறித்து மேடையில் பேசியிருக்கிறார். தேர்தல் முடிந்ததும் இந்தப் பிரச்னையைக் கையாள புதிய திட்டம் அறிமுகப்படுத்தப்படும் எனவும், அதன்பின்னர் பால் தராத மாடுகளின் சாணத்திலிருந்துகூட வருமானம் பெறலாம் எனவும் வாக்குறுதியளித்திருக்கிறார். ஆனால், என்ன திட்டம், எப்படி செயல்படுத்தப்படும் என எதுவும் சொல்லவில்லை.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 949 (நேற்று முன்தினம்: 1,051) 🔻

• 50 நாள்களுக்குப் பிறகு மீண்டும் தொற்று பாதிப்பு 1000-க்கு கீழ் வந்திருக்கிறது.

  - அதிகபட்சமாக, சென்னையில்: 223 (238) 🔻

  - தமிழகம் முழுவதும் உயிரிழந்தவர்களின் எண்ணிக்கை: 3 (7) 🔻

• இந்தியாவில் நேற்று பதிவான கொரோனா பாதிப்பு: 19,968 (22,270) 🔻

• 🌦 இன்று மற்றும் நாளைக்கான வானிலை முன்னறிவிப்பு ☔️

• தேசிய அளவில் பா.ஜ.க-விற்கு எதிரான அணியை உருவாக்கும் முயற்சியில் ஈடுபட்டிருக்கிறார் தெலங்கானா முதல்வர் கே.சி.சந்திரசேகர ராவ். கே.சி.ஆரின் இந்த முயற்சிக்கு ஏற்கெனவே மம்தா பானர்ஜி, மு.க.ஸ்டாலின், தேவகவுடா ஆகியோர் ஆதரவு தெரிவித்திருந்த நிலையில், நேற்று மகாராஷ்டிராவில் உத்தவ் தாக்கரேவையும், சரத் பவாரையும் சந்தித்து அவர்களின் ஆதரவையும் பெற்றிருக்கிறார்.

• பஞ்சாபில் நேற்று ஒரே கட்டமாக சட்டமன்றத் தேர்தலுக்கான வாக்குப்பதிவு நடைபெற்றது. 65.32% வாக்குகள் பதிவாகியிருக்கின்றன. இது கடந்த தேர்தலை விடவும் 12% (77.40%) குறைவு. உ.பி-யில் மூன்றாம் கட்ட வாக்குப்பதிவும் நேற்று நடந்துமுடிந்திருக்கிறது. அங்கு இன்னும் 4 கட்டங்கள் மிச்சமிருக்கின்றன.

• ஏர்டெல், வோடஃபோன், ஜியோ நிறுவனங்கள், கடந்தாண்டு நவம்பர் மாதம் தங்கள் ப்ரீபெய்டு மொபைல் கட்டணங்களை 20 முதல் 25% வரை உயர்த்தியிருந்தன. இதனால், தங்கள் மொபைல் எண்களுக்கு கட்டணம் செலுத்தமுடியாமல், கடந்தாண்டு டிசம்பர் மாதம் மட்டும் நாடு முழுவதும் சுமார் 1.3 கோடி பேர் தங்கள் மொபைல் எண்களை இழந்துள்ளனர்.

• ஐ.பி.எல் தொடரின் டிவி மற்றும் டிஜிட்டல் ஒளிபரப்பு உரிமத்தை வைத்திருக்கும் ஸ்டார் இந்தியாவின் ஒப்பந்தம் இந்த ஆண்டுடன் முடிகிறது. இதையடுத்து அந்த ஒப்பந்தத்தைப் பெறுவதற்காக சோனி நிறுவனத்துடன் சேர்ந்து, புதிதாக ரிலையன்ஸ் மற்றும் அமேசான் நிறுவனங்களும் களத்தில் குதித்திருக்கின்றன. 2017-ம் ஆண்டு இரண்டு உரிமங்களையும் சேர்த்து, 5 ஆண்டுகளுக்கு 16,348 கோடி ரூபாய்க்கு ஏலம் எடுத்திருந்தது ஸ்டார் நிறுவனம். ஆனால், இந்தாண்டு போட்டியில் இதன் மதிப்பு 50,000 கோடி ரூபாயைத் தொடலாம் என எதிர்பார்க்கப்படுகிறது.

• தேசிய பங்குச்சந்தையில் (NSE) சில புரோக்கர்களுக்கு மட்டும் லாபம் தரும் வகையில் நடைபெற்ற கோலொகேஷன் முறைகேடு குறித்து 2018-ம் ஆண்டிலிருந்து விசாரித்து வருகிறது சி.பி.ஐ. ஆனால், எந்த ஆதாரமும் கிடைக்காமல் இருந்ததால் விசாரணையில் முன்னேற்றமே இல்லாமல் இருந்தது. இந்நிலையில் கடந்தவாரம் சித்ரா ராமகிருஷ்ணன் விவகாரம் குறித்து செபி அளித்திருக்கும் அறிக்கை, சி.பி.ஐ விசாரணைக்கு மீண்டும் உயிர்கொடுத்திருக்கிறது. NSE-ன் முன்னணி நிர்வாகிகளை விரைவில் விசாரிக்கவிருக்கிறது.

• விராட் கோலி டெஸ்ட் கிரிக்கெட் கேப்டன்ஷிப்பிலிருந்து விலகியதற்குப் பின் யார் அடுத்த டெஸ்ட் கேப்டன் எனக் கேள்வி எழுந்தது. இந்நிலையில், அதற்கும் ரோஹித் ஷர்மாவையே நியமித்திருக்கிறது பி.சி.சி.ஐ.

  இதன்மூலம் 3 ஃபார்மேட்களுக்கும் ரோஹித் கேப்டனாகிறார். டெஸ்ட் போட்டியில் துணை கேப்டனாக பும்ரா நியமிக்கப்பட்டிருக்கிறார். இலங்கைக்கு எதிரான டெஸ்ட் அணியில் ரஹானே, புஜாரா இருவருக்கும் இடமில்லை.

• மேற்கிந்தியத் தீவுகளுக்கு எதிராக நேற்று நடந்த 3-வது T20 போட்டியிலும் வென்று, தொடரை 3-0 என்ற கணக்கில் முழுமையாகக் கைப்பற்றியது இந்தியா. முதலில் விளையாடிய இந்தியா 184 ரன்கள் எடுத்திருந்தது. அடுத்து விளையாடிய மேற்கிந்தியத் தீவுகள், 20 ஓவர்களில் 167 ரன்கள் மட்டுமே எடுத்து தோல்வியைத் தழுவியது.

• கனடாவின் தலைநகரான ஒட்டாவாவில் கடந்த சில வாரங்களாக நடைபெற்றுவரும் தடுப்பூசி மற்றும் கோவிட் கட்டுப்பாட்டுக்கு எதிரான போராட்டங்கள் இறுதிக்கட்டத்தை எட்டியுள்ளன. போராட்டத்தின் மையமாக, அந்நாட்டின் பாராளுமன்றத்தின் முன் சாலைகளில் நிறுத்தப்பட்டிருக்கும் டிரக்குகள் மற்றும் அங்கு கூடியிருந்த போராட்டக் காரர்களை வெளியேற்றும் இறுதி முயற்சியில் ஈடுபட்டிருக்கிறது அந்நாட்டு காவல்துறை. இதன்பிறகு மீண்டும் அனைத்து சாலைகளும் காவல்துறையின் கட்டுப்பாட்டில் வந்துவிடும்.

Share

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இந்த வார TSL-ன் ரீவைண்ட் எடிஷன் இது. இந்த 4 TSL Explainers-ஐ இந்த வாரம் படிக்க மிஸ் பண்ணியிருந்தா, இன்றைக்கு கட்டாயம் படிச்சிடுங்க!

1. 🗳 ஏன் உள்ளாட்சித் தேர்தலில் நோட்டா இல்லை?

2. 🌈 காவல்துறையினருக்கு புதிய விதி; தமிழக அரசின் நடவடிக்கை ஏன் முக்கியம்?

3. 🇺🇦 ரஷ்யா - உக்ரைன் பிரச்னை: இந்தியாவுக்கு என்ன பாதிப்பு?

4. 📮`பச்சக்கிளி' கடிதமும் NSE பங்குச்சந்தை கதையும்!

🗳 ஏன் உள்ளாட்சித் தேர்தலில் நோட்டா இல்லை?

நகர்ப்புற உள்ளாட்சித் தேர்தலுக்கான வாக்குப்பதிவு இன்னும் கொஞ்ச நேரத்தில் தொடங்கவிருக்கிறது. இதற்கு முந்தைய தேர்தல்களில் இடம்பெற்றிருந்த, நோட்டா (NOTA) ஆப்ஷனும், வாக்களித்ததை சரிபார்க்க உதவும் விவிபாட் இயந்திரங்களும் இந்த தேர்தலில் இருக்காது என அறிவித்திருக்கிறது மாநில தேர்தல் ஆணையம்.

• முதன்முதலாக தமிழகத்தில் 2013-ம் ஆண்டு ஏற்காடு சட்டமன்றத் தொகுதி இடைத்தேர்தலில்தான் நோட்டா அறிமுகம் செய்யப்பட்டது. அன்று முதல் அனைத்து தேர்தல்களிலும், வாக்காளர்கள் எந்த வேட்பாளருக்கும் வாக்களிக்க விருப்பமில்லை எனில் நோட்டாவை தேர்வு செய்ய வாய்ப்பளிக்கப்பட்டிருந்தது. இந்நிலையில்தான் நோட்டா இன்றி நடக்கிறது இந்த நகர்ப்புற உள்ளாட்சித் தேர்தல்.

என்ன காரணம்? விடைசொல்கிறது இந்த TSL Brief.

🌈 காவல்துறையினருக்கு புதிய விதி; தமிழக அரசின் நடவடிக்கை ஏன் முக்கியம்?

தமிழக காவல்துறையின் நடத்தை விதிமுறைகளில் நேற்று புதிய திருத்தம் ஒன்றைக் கொண்டுவந்திருக்கிறது தமிழக அரசு. LGBTIQ+ (Lesbian, Gay, Bisexual, Transgender, Queer, Intersex, Asexual) சமூகத்தினரின் நலனுக்கான பணிகளில், மாநில அரசு சரியான திசையில் நகர்வதற்கான அறிகுறி இது. என்ன திருத்தம் இது?

காவல்துறையினர் நடத்தை விதிகளில் புதிதாக 24-C என்ற பிரிவைச் சேர்த்திருக்கிறது தமிழக அரசு.

இதன்படி, காவல்துறையினர் LGBTIQ+ சமூகத்தைச் சேர்ந்தவர்களையோ, LGBTIQ+ சமூகத்திற்காகப் பணியாற்றுபவர்களையோ எந்த விதத்திலும் துன்புறுத்தக்கூடாது. அதேசமயம், அவர்களிடம் முறையான வழக்கு விசாரணைகளை மேற்கொள்ளவோ, சட்ட நடவடிக்கைகள் எடுக்கவோ தடையில்லை. இந்த விதிமுறையை மீறினால் தண்டனை உறுதி. இதுதான் அந்தத் திருத்தம் சொல்லும் செய்தி.

தமிழக அரசின் இந்த நடவடிக்கையை நேற்று வெகுவாகப் பாராட்டியிருக்கிறது சென்னை உயர்நீதிமன்றம். அந்தளவுக்கு இந்த சட்டத்திருத்தம் ஏன் முக்கியமானது? விளக்குகிறது இந்த TSL Explainer.

Share

🇺🇦 ரஷ்யா - உக்ரைன் பிரச்னை: இந்தியாவுக்கு என்ன பாதிப்பு?

சீனாவில் நடைபெறும் குளிர்கால ஒலிம்பிக் போட்டிகள் நாளை நிறைவடைகின்றன. இந்தப் போட்டிகள் முடிவதற்குள்ளாகவே ரஷ்யா உக்ரைன் மீது படையெடுக்க வாய்ப்புள்ளது எனக் கூறி, தன்னாட்டு மக்களை உடனடியாக அங்கிருந்து வெளியேறச் சொல்லியிருந்தது அமெரிக்கா. பிரிட்டன், எஸ்டோனியா, லத்திவியா, நார்வே ஆகிய நாடுகளும் இதேபோல தங்கள் நாட்டு மக்களை அறிவுறுத்தியிருக்கின்றன.

• உக்ரைன் எல்லைகளில் குவிக்கப்பட்டிருக்கும் ரஷ்ய படைவீரர்களின் எண்ணிக்கை, 1 லட்சத்திலிருந்து 1,30,000 ஆக உயர்ந்திருக்கிறது. முன்பைவிட, பெரியளவில் முகாம்களையும் அமைத்திருக்கிறது ரஷ்யா.

• ``எனவே இன்னும் சில நாள்கள்தான்” என எச்சரிக்கின்றன மேலை நாடுகள். ஆனால், ரஷ்யாவோ அமைதி காக்கிறது.

• ஒருவேளை ரஷ்யா உக்ரைன் மீது போர் தொடுத்து, அதில் அமெரிக்கா மற்றும் ஐரோப்பிய நாடுகளும் நேரடியாக தலையிட்டால் நிச்சயம் இரண்டாம் உலகப்போருக்குப் பின்னர் மிகப்பெரிய மோதலாக இது இருக்கும். ஐரோப்பாவின் அமைதி குலையும். உலகப் பொருளாதாதத்தில் பெரியளவில் தாக்கம் ஏற்படுத்தும்.

இவற்றைத் தாண்டி இந்தியாவுக்கு ஏதேனும் பாதிப்புகள் ஏற்படுமா? விரிவாக அலசுகிறது இந்த TSL Explainer.

Share

📮`பச்சக்கிளி' கடிதமும் NSE பங்குச்சந்தை கதையும்!

வடிவேலுவின் `பச்சக்கிளி’ காமெடியையே விஞ்சும் ஒரு சம்பவம் மும்பையில் நடந்திருக்கிறது. அதுவும் சாதாரண இடத்தில் இல்ல. இந்தியாவின் மிகப்பெரிய பங்குச்சந்தையான NSE (National Stock Exchange)-ல்.

என்ன நடந்தது?

2013 முதல் 2016-ம் ஆண்டு வரை NSE-ன் CEO-வாக இருந்தவர் சித்ரா ராமகிருஷ்ணன். இவர் 90-களில் தொடக்கத்திலிருந்தே NSE-ன் தோற்றம் & வளர்ச்சியில் முக்கியப் பங்காற்றியவர். இந்த சித்ரா சுமார் 20 ஆண்டுகளுக்கும் மேல், கம்பெனியின் முக்கியமான முடிவுகளை, முகம்தெரியாத இமயமலையில் வாழ்வதாக நம்பப்படும் ஒரு சாமியாரின் அறிவுரையைக் கேட்டு எடுத்திருக்கிறார். கம்பெனி ரகசியங்களை அவருடன் பகிரவும் செய்திருக்கிறார். இந்த விவரங்கள் அனைத்தையும் கடந்த வாரம் தன் விசாரணை அறிக்கையில் வெளியிட்டிருக்கிறது செபி.

• இந்தியாவின் மிகப்பெரிய ஒரு பங்குச்சந்தையின் தலைவர் இப்படியும் செய்வாரா என இந்த சம்பவத்தை வியப்போடு பார்க்கிறது உலகம். கூடவே, இந்த விவகாரத்தில் இன்னும் நிறைய முடிச்சுகளும் அவிழாமல் இருக்கின்றன என்பதால், பல கேள்விகளுக்கு விடை தெரியவும் காத்திருக்கின்றனர் பலரும்.

வருமான வரித்துறையினர், சிபிஐ உள்பட பலரும் இந்த விவகாரத்தில் விசாரணையைத் தொடங்கியிருக்கும் இந்நேரத்தில், இந்த முன்கதையைத் தெரிந்துகொள்வது மிகவும் முக்கியமானது.

Share The Subject Line

அவ்வளவுதான்!

TSL-ன் தினசரி நியூஸ்லெட்டர்ஸ் பிடிச்சிருந்தா உங்களின் நண்பர்களுக்கும் அதை ஷேர் பண்ணுங்க. TSL பற்றிய உங்கள் அனுபவங்கள், கருத்துகளைப் பகிர்ந்துக்க நினைச்சா எனக்கு மெயில் அனுப்புங்க! 😀

இனி இரும்பவும், திங்கள் கிழமை காலை 7 மணிக்கு அன்றைய தினத்தின் முக்கியமான செய்திகளோட சந்திக்கிறேன்.

Happy Weekend 🍕

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

இந்த TSL Edition உங்களுக்குப் பிடிச்சிருந்தா மறக்காம லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

தமிழக காவல்துறையின் நடத்தை விதிமுறைகளில் நேற்று புதிய திருத்தம் ஒன்றைக் கொண்டுவந்திருக்கிறது தமிழக அரசு. LGBTIQ+ (Lesbian, Gay, Bisexual, Transgender, Queer, Intersex, Asexual) சமூகத்தினரின் நலனுக்கான பணிகளில், மாநில அரசு சரியான திசையில் நகர்வதற்கான அறிகுறி இது. இந்த திருத்தம் ஏன் முக்கியமானது என்பதை இன்றைய TSL-ல் பார்ப்போம்.

என்ன திருத்தம் இது?

காவல்துறையினர் நடத்தை விதிகளில் புதிதாக 24-C என்ற பிரிவைச் சேர்த்திருக்கிறது தமிழக அரசு.

இதன்படி, காவல்துறையினர் LGBTIQ+ சமூகத்தைச் சேர்ந்தவர்களையோ, LGBTIQ+ சமூகத்திற்காகப் பணியாற்றுபவர்களையோ எந்த விதத்திலும் துன்புறுத்தக்கூடாது. அதேசமயம், அவர்களிடம் முறையான வழக்கு விசாரணைகளை மேற்கொள்ளவோ, சட்ட நடவடிக்கைகள் எடுக்கவோ தடையில்லை. இந்த விதிமுறையை மீறினால் தண்டனை உறுதி. இதுதான் அந்தத் திருத்தம் சொல்லும் செய்தி.

இது ஏன் முக்கியத்துவம் பெறுகிறது?

இதைப் புரிந்துகொள்ள, கடந்தாண்டு ஜூன் மாதம் சென்னை உயர்நீதிமன்றம் அளித்த ஒரு தீர்ப்பைப் பற்றி அறிந்துகொள்வது அவசியமாகிறது. அது என்ன? வழக்கின் சுருக்கம் இதுதான் 👇

• மதுரையைச் சேர்ந்த இரண்டு தன்பாலீர்ப்பு பெண்கள் (Lesbian), தங்கள் காதல் காரணமாக சென்னைக்கு இடம்பெயர்கின்றனர். ஆனால், இதற்கு இருவரது வீட்டிலும் எதிர்ப்பு எழவே, பெற்றோர்கள் தங்கள் பிள்ளைகளைக் காணவில்லை என காவல்துறையில் புகார் அளிக்கின்றனர். இதையடுத்து காவல்துறையினர் அந்த தம்பதியை வீடுதேடி வந்து விசாரிக்கின்றனர். அவர்களுக்கு அடைக்கலம் அளித்த ஒரு வழக்கறிஞரையும் அச்சுறுத்துகின்றனர்.

• இதைத் தொடர்ந்து, பாதுகாப்பு கருதி, அவர்கள் இருவரும் சென்னை உயர்நீதிமன்றத்தை நாட, இந்த வழக்கை தீர விசாரித்து மிக முக்கியமான தீர்ப்பொன்றை எழுதினார் சென்னை உயர்நீதிமன்ற நீதிபதி ஆனந்த் வெங்கடேஷ். இந்த இரு பெண்களின் பிரச்னை என மட்டும் சுருக்காமல், மொத்த LGBTIQ+ சமூகத்தினரும் எதிர்கொள்ளும் பிரச்னைகளுக்கும் தீர்வைத் தேடச்சொன்னது அந்த தீர்ப்பு.

• திருநர் சமூகத்திற்கு வழங்கப்படும் அறிவியல்பூர்வமற்ற போலி மருத்துவத்தை தடைசெய்யச் சொன்னது, காவல்துறையினரிடமிருந்து LGBTIQ+ சமூகத்திற்கு பாதுகாப்பு வழங்கச் சொன்னது, மருத்துவ படிப்புகளில் LGBTIQ+ சமூகத்திற்கு எதிரான பாடங்களை நீக்கச்சொன்னது எனப் பல்வேறு அம்சங்கள் அதில் இடம்பெற்றிருந்தன.

சட்டமியற்றுபவர்கள் LGBTIQ+ சமூகத்தின் பிரச்னைகளைப் புரிந்துகொண்டு, காவல்துறையிடமிருந்து அவர்கள் சந்திக்கும் பிரச்னைகளுக்கு எதிராக ஒரு சட்டம் இயற்றவேண்டும் எனவும் அப்போது குறிப்பிட்டிருந்தார் நீதிபதி ஆனந்த் வெங்கடேஷ். அதன்படிதான், நேற்று தமிழக அரசு சட்டத்திருத்தம் மேற்கொண்டு விதிமுறைகளில் மாற்றம் செய்திருக்கிறது.

இதனால் LGBTIQ+ சமூகத்தினருக்கு என்ன நன்மை?

மேலே பார்த்த தம்பதிகளின் உதாரணத்தையே எடுத்துக்கொள்வோம். அந்த இடத்தில் வழக்கமான ஆண் - பெண் காதல் என்றால் காவல்துறை என்ன செய்திருக்கும்? 18 வயதுக்கு மேற்பட்டவர்களாக இருந்து, சுய விருப்பத்தின்பேரில் வீட்டைவிட்டு வெளியேறியிருந்தால், சட்டப்படி எதுவும் செய்யாமல் விட்டிருக்கும் (சட்டத்திற்கு வெளியே நடக்கும் கட்டப்பஞ்சாயத்துகள் விதிவிலக்குகள்).

• ஆனால், LGBTIQ+ சமூகத்தினருக்கு இப்படி நடப்பதில்லை. அவர்களின் பெற்றோரின் விருப்பத்தின்பேரிலோ அல்லது தாமாகவோ, காவல்துறையினர் தேவையற்ற செயல்களில் ஈடுபடுகின்றனர். மிரட்டுவது, கட்டாயமாகப் பெற்றோருடன் அனுப்பிவைப்பது, துன்புறுத்துவது போன்ற செயல்களையும் செய்கின்றனர்.

• இதுபோக LGBTIQ+ செயற்பாட்டாளர்களும் அவ்வப்போது தங்கள் பணிகளுக்காக காவல்துறையின் துன்புறுத்தல்களுக்கு ஆளாவது நடக்கிறது. எனவேதான், காவல்துறையினரின் அத்துமீறல்களிலிருந்து LGBTIQ+ சமூகத்தினரை பாதுகாக்க சட்டமியற்றவும், அவர்களுக்கு LGBTIQ+ சமூகத்தினர் குறித்த விழிப்புணர்வு ஏற்படுத்தவும் உத்தரவிட்டிருந்தார் நீதிபதி.

``LGBTIQ+ சமூகம் சந்திக்கும் ஒடுக்குமுறைகளை, அவர்கள் மீதான நம் புரிதலின்மையும், அறியாமையும் வைத்து ஒருபோதும் நியாயப்படுத்த முடியாது” எனவும் தெரிவித்திருந்தார்.

• அந்தவகையில் காவல்துறையினரை எச்சரிக்கும் வகையில் முதல் முயற்சியை எடுத்திருக்கிறது தமிழக அரசு. இப்படியொரு சட்டத்திருத்தம் செய்திருப்பது இந்தியாவிலேயே இதுதான் முதல்முறையும்கூட.

அடுத்து என்ன?

சட்டத்தோடு சேர்த்து LGBTIQ+ சமூகத்தினரை கையாள காவல் துறையினருக்கு பயிற்சிகளும் வழங்கவேண்டும் என்பது அடுத்த எதிர்பார்ப்பு. ஆனால், இதைத்தாண்டியும் இன்னும் நிறைய இருக்கின்றன.

``தன்பாலின உறவு என்பது குற்றமல்ல” என 2018-ம் ஆண்டு மிக முக்கியமான தீர்ப்பளித்தது உச்சநீதிமன்றம். இது அவர்களை `குற்றவாளி’ என்ற பார்வையிலிருந்து மட்டும்தான் விடுவித்தது. (இன்னமும்கூட அவர்களின் திருமணங்களுக்கு சட்ட அங்கீகாரம் இல்லை.)

• இந்த சமூகத்தில் அனைத்துவிதமான ஒடுக்குமுறைகளிலிருந்தும் பால்புதுமையினரைக் (LGBTIQ+) காப்பது, கல்வி, வேலைவாய்ப்பு ஆகியவற்றில் உரிய பிரதிநிதித்துவம் பெறச் செய்வது, அனைத்து இடங்களிலும் அவர்களுக்கான சமவாய்ப்பை உறுதிசெய்வது ஆகியவையே முக்கியமான அடுத்த கட்டங்கள்.

அந்த திசையை நோக்கி விரைவில் அனைத்து மாநில அரசாங்கங்களும், மத்திய அரசும் நடைபோடத்தொடங்கும் என நம்புவோம்! 🌈

Share The Subject Line

1. என்ன சொன்னார் சிங்கப்பூர் பிரதமர்?

சிங்கப்பூர் நாடாளுமன்ற விவாதத்தின்போது, அந்நாட்டு பிரதமர் லீ ஹிசன் லூங் பேசிய விஷயங்கள் இந்தியாவில் சர்ச்சையைக் கிளப்பியிருக்கின்றன. நாட்டின் ஜனநாயக நிலை பற்றி ஓரிடத்தில் குறிப்பிட்டுப் பேசிய அவர்,

• ``ஒரு தேசத்தை அதன் விடுதலையிலிருந்து தொடங்கி, கொஞ்சம் கொஞ்சமாக கட்டமைத்த தலைவர்கள் துணிச்சலானவர்களாகவும், மிகச்சிறந்த மனிதர்களாகவும் இருந்தனர். இஸ்ரேலின் டேவிட் பென் குரியன், இந்தியாவின் நேரு போன்றவர்கள் அப்படிப்பட்டவர்களே. ஆனால், காலம் மாற மாற அந்த நாடுகளில் நிலைமையும் மாறியிருக்கிறது. இன்று, நேருவின் இந்தியாவில் 50%-க்கும் மேற்பட்ட எம்.பி-க்கள் மீது குற்றவழக்குகள் நிலுவையில் இருக்கின்றன” எனப் பேசினார்.

• இதில், நேருவைப் புகழ்ந்து பேசியதை வைத்தும், அண்மையில் பிரதமர் மோடி நேருவை விமர்சித்ததை வைத்தும் காங்கிரஸ் கட்சியினர் பா.ஜ.க-வை விமர்சித்து வந்தனர்.

• ஆனால் இன்னொருபுறமோ, லூங்கின் கமென்ட்களால் கடுப்பான மத்திய அரசு, சிங்கப்பூர் தூதரகத்திற்கு நோட்டீஸ் அனுப்பியிருக்கிறது. `` இந்திய எம்.பி-க்கள் குறித்த சிங்கப்பூர் பிரதமரின் கருத்துகள் தேவையற்றவை எனவும், இதுகுறித்து அந்நாட்டிடம் விளக்கம் கேட்கப்படும்” எனவும் தெரிவித்திருக்கிறது இந்திய வெளியுறவுத்துறை.

2. யார் அந்த சாமியார்?

முகம் தெரியாத ஓர் இமயமலை சாமியாரிடம், NSE பங்குச்சந்தையின் ரகசியங்கள் அனைத்தையும் பகிர்ந்துகொண்டவர் அதன் முன்னாள் சி.இ.ஓ, சித்ரா ராமகிருஷ்ணன். இவர்மூலம், NSE-ல் அதிக ஆதாயம் அடைந்த ஆனந்த் சுப்ரமணியம்தான் சாமியாராக சித்ராவை ஏமாற்றியிருக்கிறார் என்றது செபியின் விசாரணை அறிக்கை.

• ஆனாலும், ஆனந்த்தான் குற்றவாளி என்பதற்கு எந்த ஆதாரங்களையும் அதில் வெளியிடவில்லை. இந்நிலையில் ஆனந்த் மற்றும் சித்ரா ராமகிருஷ்ணன் ஆகிய இருவரது வீடுகளிலும் நேற்று வருமான வரித்துறையினர் ரெய்டு நடத்தினர்.

• இந்த ரெய்டில் கிடைக்கும் ஆவணங்களை சேகரித்து, சித்ரா மற்றும் ஆனந்தின் பணப்பரிமாற்றங்களை வைத்தும், அந்த சாமியார் பயன்படுத்திய மின்னஞ்சல் முகவரியை வைத்தும், கூடிய விரைவில் அந்த சாமியார் யார் என்பதைக் கண்டறிய திட்டமிட்டிருக்கிறது வருமான வரித்துறை.

3. தேசிய ஹைட்ரஜன் பாலிசி எதற்காக?

எப்படி வீட்டுக்குத் தேவையான மின்சாரத்தை சூரிய ஒளி, காற்றாலை என புதுப்பிக்கத்தக்க ஆற்றல் மூலம் உற்பத்தி செய்து, பசுமை இல்ல வாயுக்களைக் குறைக்கிறோமோ… அதேபோல தொழிற்சாலைகளுக்குத் தேவையான ஹைட்ரஜனையும் புதுப்பிக்கத்தக்க ஆற்றல் மூலம் தயார் செய்து, பசுமை இல்ல வாயுக்களைக் குறைக்கவேண்டும் என்பது அரசின் இலக்கு. அதில் ஒரு திட்டம்தான் பசுமை ஹைட்ரஜன்.

• பொதுவாக ஹைட்ரஜனானது, பெட்ரோல் சுத்திகரிப்பு ஆலைகளிலும், அமோனியாவானது உரத் தொழிற்சாலைகளிலும் பயன்பட்டு வருகிறது. ஆனால், இப்போது பயன்படுத்தப்படுபவை இயற்கை எரிவாயு மற்றும் நாப்தாவிலிருந்து தயாரிக்கப்படும் Grey Hydrogen. இதுவே புதுப்பிக்கத்தக்க ஆற்றலிலிருந்து தயாரிக்கப்பட்டால் அது, Green Hydrogen (பசுமை ஹைட்ரஜன்).

• இந்த பசுமை ஹைட்ரஜனின் உற்பத்தியைப் பெருக்கவும், தொழிற்சாலைகளில் அதன் பயன்பாட்டை ஊக்குவிக்கும் வகையிலும் முதல்முறையாக, நாட்டின் தேசிய ஹைட்ரஜன் பாலிசியை நேற்று வெளியிட்டுள்ளது மத்திய அரசு.

இந்தியாவின் எரிசக்தி வளர்ச்சியில் பசுமை ஹைட்ரஜனின் பங்கு என்ன, இதன் பின் இருக்கும் போட்டிகள் ஆகியவை குறித்து வரும் TSL எடிஷன்களில் காண்போம்.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 1,252 (நேற்று முன்தினம்: 1,310) 🔻

  - அதிகபட்சமாக, சென்னையில்: 285 (296) 🔻

  - தமிழகம் முழுவதும் உயிரிழந்தவர்களின் எண்ணிக்கை: 6 (10) 🔻

• இந்தியாவில் நேற்று பதிவான கொரோனா பாதிப்பு: 30,757 (30,615) 🔺

• 🌦 இன்று மற்றும் நாளைக்கான வானிலை முன்னறிவிப்பு ☔️

• முதல்வர் வீட்டின் முன்பு, அதிகாரிகளின் பாதுகாப்பை மீறிச்சென்று, போராட முயன்ற ABVP அமைப்பைச் சேர்ந்த 32 பேரை கைது செய்து புழல் சிறையில் அடைத்திருக்கிறது காவல்துறை. இவர்களைச் சிறையில் சென்று சந்தித்ததற்காக, கீழ்ப்பாக்கம் மருத்துவமனை புற்றுநோய்ப் பிரிவின் தலைவர் பொறுப்பிலிருந்த மருத்துவர் சுப்பையா சஸ்பெண்ட் செய்திருக்கிறது சுகாதாரத்துறை. அரசியல் நடவடிக்கைகளில் ஈடுபடுவது என்பது அரசு ஊழியர்களின் விதிகளுக்கு எதிரானது என்பதால் இந்த நடவடிக்கை.

• முதல்வர் ஸ்டாலினின் சுயசரிதையான `உங்களில் ஒருவன்’ வரும் 28-ம் தேதி சென்னையில் வெளியிடப்படவிருக்கிறது. இந்த நிகழ்ச்சியில் ராகுல் காந்தி, உமர் அப்துல்லா, பினராயி விஜயன், தேஜஸ்வி யாதவ் ஆகிய நாட்டின் முக்கிய எதிர்க்கட்சித் தலைவர்கள் கலந்துகொள்ளவிருக்கின்றனர்.

• தமிழக அரசின், `மகளிர்க்கு கட்டணமில்லா பேருந்து’ திட்டத்தைக் கேள்விப்பட்டு பாராட்டிவிட்டு, உள்ளாட்சித் தேர்தலில் தி.மு.க-வுக்கு ஆதரவாக கோவையில் பிரசாரத்தில் ஈடுபட்டிருந்தார் ருமேனிய நாட்டைச் சேர்ந்த நெகோட்டா ஸ்டீபன் மேரியஸ் என்பவர். முதல்வர் மு.க.ஸ்டாலினை புகழ்ந்து பேட்டியும் கொடுத்திருந்தார். ஆனால், பிசினஸ் விசாவில் வந்துவிட்டு, இங்கு அரசியல் பிரசாரத்தில் ஈடுபடுவது விசா விதிமுறைகளுக்கு எதிரானது என்பதால், அவரை இன்று நேரில் ஆஜராகி விளக்கமளிக்க உத்தரவிட்டுள்ளது இந்திய குடியேற்றத்துறை.

• தேனியில் அமைக்க திட்டமிடப்பட்டிருந்த நியூட்ரினோ ஆய்வுமையம் குறித்த தன் நிலைப்பாட்டை நேற்று உச்சநீதிமன்றத்தில் தெரிவித்திருக்கிறது தமிழக அரசு. அதில், ``சூழலியல் முக்கியத்துவம் வாய்ந்த மேற்குத் தொடர்ச்சி மலைப்பகுதியில் இந்த திட்டம் வருவதாலும், இதை அனுமதித்தால் இங்கிருக்கும் புலிகள் மற்றும் பிற பல்லுயிர்கள் பாதிக்கப்படும் என்பதாலும், தமிழக அரசு இந்த திட்டத்தை எதிர்க்கிறது” எனத் தெரிவித்துள்ளது.

• பஞ்சாப் தேர்தலையொட்டி காங்கிரஸ் கட்சிக்காக வீடியோ கான்ஃபரன்சிங் வழியாக, நேற்று பிரசாரம் மேற்கொண்டார் முன்னாள் பிரதமர் மன்மோகன் சிங். அப்போது பேசிய அவர், ``வெளிநாட்டுத் தலைவர்களை கட்டிப்பிடிப்பதாலும், அவர்கள் அழைக்காமலே சென்று பிரியாணி சாப்பிடுவதாலோ மட்டும், வெளியுறவுக் கொள்கையில் முன்னேற்றம் ஏற்பட்டுவிடாது. ஓராண்டுக்கும் மேலாக சீனா நம் இடத்தை ஆக்கிரமித்து வைத்திருக்கிறது. ஆனால், அதைப் பற்றி அரசு பேச மறுக்கிறது. உலக அரங்கில் இந்தியாவின் நண்பர்கள் நம்மை கைவிட்டுவிட்டனர். இந்த அரசுக்கு சுத்தமாகப் பொருளாதாரமும் தெரியவில்லை” எனக் கடுமையாக விமர்சித்தார். பஞ்சாப் தேர்தலுக்கு இன்னும் 2 நாள்களே உள்ளன.

• சர்வதேச சந்தையில் கச்சா எண்ணெய் விலை உயர்வு காரணமாக, விமானங்களுக்கான எரிபொருள் (Aviation turbine fuel) விலை, இந்த ஆண்டில் 4-வது முறையாக உயர்ந்துள்ளது. நேற்று 5.2% விலை உயர்ந்து டெல்லியில், ஒரு கிலோ லிட்டர் எரிபொருள் 90,519.79 ரூபாய்க்கு விற்பனையானது. இந்திய வரலாற்றில் இதுவரை இதுதான் உச்சபட்ச விலை. இதைத் தொடர்ந்து மீண்டும் விமானக் கட்டணங்கள் உயரும் சூழல் ஏற்பட்டுள்ளது.

• நாட்டில் தினசரி நீதிமன்ற நடவடிக்கைகளை நேரலை செய்யும் நீதிமன்றங்களில் ஒன்று, கர்நாடகா உயர்நீதிமன்றம். பிற வழக்குகளைப் போலவே, கடந்த ஒரு வாரமாக இங்கு நடந்துவரும் ஹிஜாப் தொடர்பான வழக்கும், நீதிமன்றத்தின் யூடியூப் பக்கத்தில் நேரலை செய்யப்பட்டு வருகிறது. இந்த வழக்கின் விசாரணைகள் இதுவரை இல்லாத அளவுக்கு யூடியூபில் கவனம் பெற்றிருக்கின்றன. பிற வழக்குகளின் யூடியூப் வியூஸ் எண்ணிக்கை சில ஆயிரக்கணக்கில் மட்டுமே இருக்க, ஹிஜாப் வழக்கின் வியூஸோ லட்சங்களைத் தொடுகிறது தினமும்.

  எப்போதும் பத்திரிகையாளர்கள் மட்டுமே கவனிக்கும் இதுபோன்ற நீதிமன்ற நேரலைகளை, மக்களும் முதன்முதலாக இந்த வழக்கில் ஆர்வமாக கவனிக்கின்றனர். நீதிமன்றத்தின் செயல்பாடுகளை அவர்கள் உணர்ந்துகொள்ளவும் இது உதவுகிறது.

Share

- TNPSC குரூப் 2 மற்றும் குரூப் 2A தேர்வுகளுக்கான தேதிகள் இன்று மதியம் 12:30 மணிக்கு அறிவிக்கப்படவுள்ளது. மொத்தம் 5,831 காலிப் பணியிடங்களுக்காக இந்த தேர்வு நடத்தப்படவிருக்கிறது.

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

ஆன்லைனில் சிறு கடன்கள் வழங்கும் ஸ்டார்ட்அப் நிறுவனம் தனி (Dhani). இந்நிறுவனத்தின் ஆப் மூலமாகப் பலரது பான் எண்களும் தவறாகப் பயன்படுத்தப்பட்டு, ஆள்மாறாட்டம் செய்து கடன்கள் வாங்கப்பட்டுள்ளது அண்மையில் தெரியவந்துள்ளது.

என்ன நடந்தது?

ஊடகவியலாளரான ஆதித்யா கல்ரா, அண்மையில் தன்னுடைய கிரெடிட் ரிப்போர்ட்டை செக் செய்திருக்கிறார். அப்போது, அவருக்குத் தெரியாமலேயே IVL Finance (Dhani-யின் தாய் நிறுவனம்) என்ற நிறுவனத்தில், அவரின் பான் எண்ணைப் பயன்படுத்தி கடன் வழங்கப்பட்டுள்ளதும், அந்தக் கடன் இன்னமும் பாக்கி இருப்பதும் தெரியவந்திருக்கிறது.

• இதை அவர் உடனே ட்விட்டரில் சொல்ல, இதேபோல பாதிக்கப்பட்ட பலரும் அவரின் ட்வீட்டில் ரிப்ளை செய்தனர். அதன்பின்புதான் இந்த விவகாரத்தில் மிகப்பெரிய `அடையாளத் திருட்டு’ (Identity Theft) நடந்திருப்பது உறுதியானது.

• இதைத் தொடர்ந்து, பாதிக்கப்பட்டவர்கள் Dhani வாடிக்கையாளர் சேவை மையம், சைபர் கிரைம், ரிசர்வ் வங்கி எனப் பல இடங்களிலும் புகார் அளித்திருக்கின்றனர்.

எப்படி பான் எண் தவறாகப் பயன்படுத்தப்பட்டது?

பொதுவாக ஆன்லைன் சேவைகளில் பான் எண்ணை Verify செய்யவேண்டுமென்றால், பான் கார்டை போட்டோ எடுத்து அப்லோடு செய்யச் சொல்வார்கள். ஆதாருடன் இணைந்த சேவை என்றால் மொபைல் OTP வரும். அதன்பிறகே பான் எண்ணைப் பயன்படுத்த முடியும்.

• ஆனால், Dhani நிறுவனம் சில விண்ணப்பங்களில் அப்படி எந்த Verification-ம் செய்யாமல், பான் எண்ணை மட்டும் வைத்துக்கொண்டே கடன்களை வழங்கியிருப்பதாகத் தெரிகிறது. இதனால், குற்றவாளிகள் வேறொரு நபரின் பான் எண்ணைப் பயன்படுத்தி, தவறான மொபைல் எண், தவறான முகவரி ஆகியவற்றைக் கொடுத்து கடன்களைப் பெற்றிருக்கின்றனர்.

சம்பந்தப்பட்டவர்களுக்கு என்ன பாதிப்பு?

• இதில் அடையாளத் திருட்டு மட்டுமே பிரச்னையில்லை. யாரின் பான் எண் கொடுக்கப்பட்டு கடன் வாங்கப்பட்டுள்ளதோ, அவர்களின் வீட்டுக்கே சென்று, Dhani ஏஜென்ட்கள் கடன்களை திரும்ப வசூலிக்க முயற்சி செய்திருக்கின்றனர். யாரோ வாங்கிய கடனுக்கு, வங்கிகள் உங்கள் வீட்டுக்கதவைத் தட்டினால் எப்படியிருக்கும்? அப்படித்தான் இதிலும் நடந்திருக்கிறது.

• இன்னொன்று, இப்படி யாரின் பான் எண்ணெல்லாம் பயன்படுத்தப்பட்டுள்ளதோ, அவர்களின் கிரெடிட் ஸ்கோர் (சிபில் ஸ்கோர்) இந்த கடன் பாக்கியால் குறைந்திருக்கிறது. இது அவர்கள் எதிர்காலத்தில் நிஜமாகவே கடன்வாங்கச் செல்லும்போது சிக்கலை ஏற்படுத்தும்.

என்ன சொல்கிறது Dhani?

கடந்த ஒரு வருடத்தில் சுமார் 35 லட்சம் பேருக்கு சிறுகடன்கள் வழங்கியிருப்பதாகவும், அதில் 99.9% சரியான நபர்களுக்கே வழங்கப்பட்டுள்ளதாகவும் தெரிவித்துள்ளது அந்நிறுவனம். ஆனால், மொத்தம் எத்தனைபேர் பாதிக்கப்பட்டுள்ளனர் எனத் தெரிவிக்கவில்லை.

• தற்போது இந்தப் பிரச்னையை பெரிதானதை அடுத்து வாடிக்கையாளர்களின் புகார்களைப் பெற்று நடவடிக்கைகள் எடுத்து வருகிறது. விரைவில் ரிசர்வ் வங்கியும் Dhani நிறுவனம் மீது விசாரணை நடத்த வாய்ப்புள்ளது.

உங்கள் பான் எண் பத்திரமா?

அண்மைக்காலங்களில் உங்களின் கிரெடிட் ஸ்கோர் திடீரென குறைந்திருப்பதாக உணர்ந்தாலோ அல்லது Dhani நிறுவனத்திடமிருந்து கடன் குறித்து ஏதேனும் சந்தேகத்துக்குரிய மெசேஜ்கள் வந்திருந்தாலோ, நீங்களும் உங்கள் கிரெடிட் ரிப்போர்ட்டை செக் செய்துகொள்ளலாம்.

• Cibil, Experian, Equifax உள்ளிட்ட நிறுவனங்கள் இந்த கிரெடிட் ரிப்போர்ட் வசதியை அளிக்கின்றன. இவற்றின் இணையதளங்களுக்குச் சென்று ரிப்போர்ட்டைப் பார்க்கலாம்.

• ஒருவேளை உங்கள் ரிப்போர்ட்டில் தேவையற்ற கடன்கள் ஏதேனும் இடம்பெற்றிருப்பின், அதை உடனே சம்பந்தப்பட்ட நிறுவனங்களுக்கு புகாராக அனுப்பலாம். பெரியளவிலான பிரச்னைகள் எனில் நேரடியாக ரிசர்வ் வங்கிக்கும் ஆன்லைனில் புகார் செய்யலாம்.

Share The Subject Line

1. முடிவை நோக்கி மூன்றாம் அலை

`மூன்றாம் அலைக்கான நாட்கள் வெகுதொலைவில் இல்லை!’ எனக் கடந்த டிசம்பர் 30-ம் தேதி TSL-ல் குறிப்பிட்டிருந்தோம். அன்றிலிருந்து தொடர்ந்து உயர்ந்த இந்தியாவின் கொரோனா தொற்று எண்ணிக்கை, ஜனவரி 20-ம் தேதி அன்று 3,47,254 ஆக உச்சம் தொட்டது.

• அதன்பிறகு கொஞ்சம் கொஞ்சமாக இறங்குமுகம்தான். தமிழ்நாட்டிலும் ஜனவரி 26-ம் தேதியிலிருந்து தொற்று எண்ணிக்கை குறைந்துவருகிறது.

• இதையடுத்து, கள நிலவரத்தைப் பரிசீலித்து, மூன்றாம் அலைக்காக விதிக்கப்பட்ட கூடுதல் கட்டுப்பாடுகளை தளர்த்துமாறு, மாநில அரசுகளுக்கு கடிதம் எழுதியுள்ளது மத்திய சுகாதாரத்துறை.

• உலக சுகாதார நிறுவனமும் (WHO) உலகளவில் முந்தைய வாரத்தைவிட, கடந்த வாரம் 19% கொரோனா தொற்றுகள் குறைந்துள்ளதை உறுதிசெய்துள்ளது. முந்தைய கொரோனா வேரியன்ட்களைவிடவும், ஓமிக்ரான் குறைந்தளவே பாதிப்பை ஏற்படுத்தியுள்ளதாகவும் தெரிவித்துள்ளது.

• இந்த ஆண்டு ஜூலை மாதத்திற்குள் உலகம் முழுவதும் 70% பேருக்கு தடுப்பூசி செலுத்திவிட்டால், இனிமேல் வரும் வேரியன்ட்களுக்குப் பெரியளவில் அஞ்சத் தேவையிருக்காது எனச் சொல்லியிருக்கிறார் WHO இயக்குநர் டெட்ரோஸ்.

இது சாத்தியமாவது வளர்ந்த நாடுகளின் கைகளில்தான் இருக்கிறது.

2. அமெரிக்காவை கலாய்க்கும் ரஷ்யா

இந்த வாரம் முழுக்க உலகை பதற்றத்தில் வைத்திருந்த ரஷ்யா, தற்போது அந்தப் பழியை அமெரிக்க மற்றும் ஐரோப்பிய ஊடகங்கள் மீது போட்டுள்ளது. ``பிப்ரவரி 16-ம் தேதி நாங்கள் உக்ரைனைத் தாக்குவோம் என்றார்கள்; ஆனால், எதுவும் நடக்கவில்லையே?” எனக் கேட்டிருக்கிறது ரஷ்யா.

• அதுவும் ரஷ்ய வெளியுறவுத்துறை செய்தித்தொடர்பாளரான மரியா ஸக்கரோவா, ``நாங்கள் எப்போதெல்லாம், இந்த வருடம் உக்ரைன் மீது படையெடுப்போம் என்ற பட்டியலை வெளியிட்டால், நான் அதற்கேற்ப விடுமுறை எடுக்க வசதியாக இருக்கும்” என ஊடகங்களைக் கலாய்த்திருக்கிறார்.

• இன்னொருபுறம், ரஷ்யா தான் சொன்னபடி நடந்துகொள்ளவில்லை எனக் குற்றம்சாட்டியிருக்கின்றன மேலை நாடுகள். உக்ரைன் எல்லைகளிலிருந்து, குறிப்பிட்ட அளவிலான படைகளைத் திரும்பப்பெற்றுக்கொள்வதாக ரஷ்யா நேற்று முன்தினம் அறிவித்திருந்தது.

• ஆனால், இப்போதுவரை அப்படி ரஷ்யா செய்யவே இல்லை. வெறுமனே பொய் சொல்லியிருக்கிறது எனக் குற்றம்சாட்டியிருக்கிறது அமெரிக்கா. NATO-வும் இதையே சொல்லியிருக்கிறது.

• ரஷ்ய அதிபர் புடின், மீண்டும் பேச்சுவார்த்தைகளில் மும்முரம் காட்டி வருவதால் இப்போதைக்கு உடனே, தாக்குதல் எதுவும் இருக்காது என எதிர்பார்க்கப்படுகிறது.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 1,310 (நேற்று முன்தினம்: 1,325) 🔻

  - அதிகபட்சமாக, சென்னையில்: 296 (303) 🔻

  - தமிழகம் முழுவதும் உயிரிழந்தவர்களின் எண்ணிக்கை: 10 (14) 🔻

• இந்தியாவில் நேற்று பதிவான கொரோனா பாதிப்பு: 30,615 (27,409) 🔺

• 45-வது சென்னை புத்தகக் காட்சியை நேற்று நந்தனம் ஒய்.எம்.சி.ஏ மைதானத்தில் தொடங்கிவைத்தார் முதலமைச்சர் மு.க.ஸ்டாலின். இந்த விழாவில் புதிய தகவல் ஒன்றையும் பகிர்ந்துகொண்டார் அவர். இந்த பிப்ரவரி மாத இறுதியில் தன்னுடைய சுயசரிதையான, `உங்களில் ஒருவன்’-ஐ வெளியிடவிருப்பதாகவும், பள்ளிப்பருவம் முதல் மிசாவில் சிறை சென்றது வரையிலான அனுபவங்கள் இந்த முதல் பாகத்தில் இருக்கும் எனவும் தெரிவித்திருக்கிறார்.

• நேற்று நடைபெற்ற, குளிர்கால ஒலிம்பிக் பனிச்சறுக்கு போட்டியில், இந்திய வீரரான ஆரிஃப் கான் முழு பந்தய தூரத்தையும் கடக்கத் தவறினார். இதையடுத்து இந்தியாவுக்கு இருந்த ஒரே பதக்க வாய்ப்பு முடிவுக்கு வந்தது. 13 தங்கப் பதக்கங்களுடன் நார்வே பதக்கப்பட்டியலில் முதலிடத்தில் இருக்கிறது.

• பாலிவுட்டின் `டிஸ்கோ கிங்’ என அறியப்பட்ட பப்பி லஹிரி நேற்று மும்பையில் காலமானார். அவருக்கு வயது 69. உடல்நலக்குறைவு காரணமாக, 29 நாள்கள் மருத்துவமனையில் தங்கி சிகிச்சைபெற்றுவந்தார் பப்பி. டிஸ்கோ இசையை இந்தியாவில் பிரபலப்படுத்தியதில் முக்கியமானவர் இவர். `பாடும் வானம்பாடி’, `அபூர்வ சகோதரிகள்’ ஆகிய தமிழ்ப்படங்களுக்கும் 80-களில் இசையமைத்துள்ளார்.

• டெல்லி, பெங்களூரு மற்றும் குர்கானில் உள்ள வாவே (Huawei) மொபைல் நிறுவன அலுவலகங்களில் நேற்று வருமான வரித்துறையினர் சோதனை நடத்தினர். ஆனால், எதற்காக இது என்பது குறித்து எதுவும் சொல்லவில்லை. இதற்கு முன்பே ஷியோமி, ஒப்போ ஆகிய சீன நிறுவனங்களில் இதேபோல வருமான வரித்துறையினர் வரி ஏய்ப்பு தொடர்பாக ரெய்டு நடத்தினர். தற்போது வாவே-வும் வரி ஏய்ப்பில் ஈடுபட்டிருக்கலாம் என்ற கோணத்தில்தான் ரெய்டு நடந்துள்ளது.

• நேற்று கொல்கத்தாவில் நடந்த, மேற்கிந்தியத் தீவுகளுக்கு எதிரான முதல் T20 போட்டியில், இந்தியா 6 விக்கெட் வித்தியாசத்தில் வெற்றிபெற்றது. முதலில் பேட் செய்த மேற்கிந்தியத் தீவுகள் 7 விக்கெட் இழப்பிற்கு 157 ரன்கள் எடுத்திருந்தது. அதிகபட்சமாக பூரன் 61 ரன்கள் எடுத்திருந்தார். 158 ரன்களை சேஸ் செய்த இந்தியாவுக்கு ரோஹித்தும் (40), இஷான் கிஷனும் (35) நல்ல ஓப்பனிங் தர, 18.5 ஓவர்களில் இந்தியா இலக்கை எட்டியது. தன்னுடைய முதல் போட்டியிலேயே கட்டுக்கோப்பாக பந்துவீசி (4-0-17-2), ஆட்டநாயகன் விருதை தட்டிச் சென்றார் ரவி பிஷ்னோய். அடுத்த போட்டி நாளை நடக்கிறது.

- பிரசாரம் இன்றுடன் நிறைவு: உள்ளாட்சித் தேர்தலுக்கான பிரசாரங்கள் இன்று மாலை 6 மணியுடன் முடிவுக்கு வருகின்றன. வாக்குப்பதிவு ஜனவரி 19-ம் தேதி நடக்கிறது.

- ஹெல்மெட் கட்டாயம்: மத்திய மோட்டார் வாகன திருத்தச்சட்டம் 2022-ன்படி, இனிமேல் டூவிலர்களில் 4 வயதுக்குட்பட்ட குழந்தைகளுக்கும் ஹெல்மெட் கட்டாயம் என அறிவித்துள்ளது மத்திய போக்குவரத்து துறை அமைச்சகம். மேலும், 4 வயதுக்குட்பட்ட குழந்தைகள் இருந்தால், டூவிலரின் வேகம் 40 கி.மீ-க்குள் மட்டுமே இருக்கவேண்டும் எனவும் உத்தரவிட்டுள்ளது.

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

வரும் பிப்ரவரி 19-ம் தேதி நடக்கவிருக்கும் நகர்ப்புற உள்ளாட்சித் தேர்தலில், வாக்குப்பதிவு இயந்திரங்களில் நோட்டா (NOTA) ஆப்ஷனும், வாக்களித்ததை சரிபார்க்க உதவும் விவிபாட் இயந்திரங்களும் இருக்காது எனத் தெரிவித்துள்ளது மாநில தேர்தல் ஆணையம்.

• முதன்முதலாக தமிழகத்தில் 2013-ம் ஆண்டு ஏற்காடு சட்டமன்றத் தொகுதி இடைத்தேர்தலில்தான் நோட்டா அறிமுகம் செய்யப்பட்டது. அன்று முதல் அனைத்து தேர்தல்களிலும், வாக்காளர்கள் எந்த வேட்பாளருக்கும் வாக்களிக்க விருப்பமில்லை எனில் நோட்டாவை தேர்வு செய்ய வாய்ப்பளிக்கப்பட்டிருந்தது.

• ஆனால், ``இந்த விதிகள் இந்திய தேர்தல் ஆணையத்தால் நடத்தப்படும் தேர்தல்களுக்கு (சட்டமன்ற / நாடாளுமன்ற) மட்டுமே பொருந்தும். உள்ளாட்சித் தேர்தல்களை நடத்துபவை மாநில தேர்தல் ஆணையங்களே. எனவே உள்ளாட்சித் தேர்தல்களிலும் நோட்டாவைக் கொண்டுவர வேண்டும் என்ற கட்டாயமில்லை.” என்கின்றனர் தேர்தல் ஆணைய அதிகாரிகள்.

• ``ஒருவேளை உள்ளாட்சித் தேர்தல்களிலும் நோட்டாவைக் கொண்டுவர வேண்டுமெனில், தமிழ்நாட்டின் உள்ளாட்சி அமைப்புகளின் விதிமுறைகளில், மாநில அரசின் ஒப்புதலுடன் திருத்தம் கொண்டுவரவேண்டும். இப்போது ஏற்கெனவே உச்சநீதிமன்றம் விதித்துள்ள கெடுவின்படி மிகக்குறுகிய காலத்தில் தேர்தலை நடத்துவதால், இந்த தேர்தலில் அதற்கெல்லாம் வாய்ப்பில்லை. இந்த தேர்தல் முடிந்துதான் அதுபற்றி பரிசீலிக்கவேண்டும்” எனவும் `தி இந்து’ பத்திரிகையிடம் தெரிவித்துள்ளனர் அதிகாரிகள்.

இந்தக் காரணம் சரிதானா?

நோட்டாவை இடம்பெறச் செய்யவேண்டும் என்பது, மாநில தேர்தல் ஆணையத்திற்கு கட்டாயம் இல்லைதான். அதேபோல அதை இடம்பெறச் செய்ய தடையும் இல்லை. மாநில அரசின் உதவியில்லாமல், தேர்தல் ஆணையமேகூட அதைச் செய்யலாம் என்கின்றது மகாராஷ்டிர மாநில தேர்தல் ஆணையம்.

• அப்படித்தான் மகாராஷ்டிராவில் உள்ளாட்சித் தேர்தலில் நோட்டா இடம்பெற்றிருக்கிறது.

• ஆனால், தமிழக தேர்தல் ஆணையம் தயங்குகிறது. தற்போது நோட்டா இல்லாததால், யாருக்கும் வாக்களிக்க விருப்பம் இல்லையெனில், 49-O போல தனி படிவம் ஒன்றை வாங்கி, அவர்கள் எதிர்ப்பை பதிவுசெய்யவேண்டும். ஆனால், இது வாக்காளரின் ரகசியத்தை பாதிக்கும் செயல் என விமர்சிக்கப்படுகிறது.

மிகவும் குறைவான வாக்காளர்கள் கொண்ட ஊராட்சி அமைப்புகளின் தேர்தல் முடிவுகளில், நோட்டா வாக்குகள் ஏதேனும் பாதிப்பை ஏற்படுத்த வாய்ப்புள்ளது என்ற அச்சமும்கூட, மாநில தேர்தல் ஆணையம் தயங்குவதற்கு ஒரு காரணம்.

Share The Subject Line

1. படைகளைப் பின்வாங்கிய ரஷ்யா?

``பிப்ரவரி 16-ம் தேதி ரஷ்யாவின் தாக்குதல் தொடங்கப்போகிறது” எனச் சொல்லி உலகம் முழுவதையும் நேற்று அலெர்ட் செய்திருந்தார் உக்ரைன் அதிபர். ஆனால், இதுவரை அப்படி எதுவும் நடக்கவில்லை.

• இந்நிலையில், ரஷ்ய - உக்ரைன் எல்லையும் பயிற்சி பெற்றுக்கொண்டிருந்த சில படைகள், திரும்பப்பெறப்பட்டுள்ளன எனத் தெரிவித்திருக்கிறது ரஷ்யா.

• கடந்த இரண்டு நாள்களாக பதற்றம் அதிகரித்துக்கொண்டே வந்தநிலையில், ரஷ்யாவின் இந்த அறிவிப்பு கொஞ்சம் பதற்றத்தை தணித்திருக்கிறது. இருப்பினும், ``ரஷ்யாவின் நடவடிக்கைகளை வரவேற்கிறோம்; ஆனால், அதுகுறித்து இன்னும் உறுதியான ஆதாரங்கள் எதுவும் எங்களுக்கு கிடைக்கவில்லை” எனச் சொல்லியிருக்கிறார் ஐ.நா-வுக்கான அமெரிக்க தூதர்.

• அமெரிக்க அதிபர் ஜோ பைடனும், ரஷ்யா தாக்குதல் நடத்த இன்னும் நிறைய வாய்ப்புள்ளது எனத் தெரிவித்திருக்கிறார்.

ஏன் மோதத் தயாராகிறது ரஷ்யா? மேலைநாடுகளின் கூட்டமைப்பான NATO-வில் அண்டைநாடான உக்ரைன் சேரவே கூடாது என்பதுதான் ரஷ்யாவின் முக்கிய கோரிக்கை. ஆனால், இந்தக் கோரிக்கையை மேலை நாடுகள் மறுக்கவே, தற்போது மல்லுக்கட்ட தயாராகிவருகிறது.

2. நெருக்கடி நிலையை அமல்படுத்திய கனடா

கட்டாய கோவிட் தடுப்பூசி விதிமுறைகளை எதிர்த்து கனடாவின் தலைநகரில் நூற்றுக்கணகான டிரக் டிரைவர்கள் 2 வாரங்களுக்கும் மேலாகப் போராடி வருகின்றனர்.

• போராட்டத்தைக் கைவிடச் சொல்லி, அந்நாட்டு பிரதமர் ஜஸ்டின் ட்ரூடோ பலமுறை கேட்டுக்கொண்டும் போராட்டம் கட்டுக்குள் வராதரால், அங்கு நெருக்கடி நிலையை அமல்படுத்தியிருக்கிறார் ஜஸ்டின்.

• இதன்மூலம், இனிமேல் போராட்டத்தில் ஈடுபடுபவர்களின் வங்கிக்கணக்குகளை முடக்கப்படும். அவர்களின் வாகன இன்ஷூரன்ஸ்களும் ரத்து செய்யப்படும்.

• 1988-ம் ஆண்டுக்குப் பிறகு இப்படி கனடாவில் நெருக்கடி நிலை சட்டம் அமல்படுத்துவது இதுவே முதல்முறை.

• கடந்தாண்டு இந்தியாவில் நடைபெற்ற விவசாயப் போராட்டங்களின்போது, ``கனடா எப்போதும் அமைதியான போராட்டங்களுக்கு ஆதரவளிக்கும்” எனத் தெரிவித்திருந்தார் ஜஸ்டின். இதோடு ஒப்பிட்டு, தற்போது கனடாவில் போராட்டங்களுக்கு எதிராக எடுக்கப்படும் கடும் நடவடிக்கைகள் விமர்சனத்துக்குள்ளாகியுள்ளன.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 1,325 (நேற்று முன்தினம்: 1,634) 🔻

  - அதிகபட்சமாக, சென்னையில்: 303 (341) 🔻

  - தமிழகம் முழுவதும் உயிரிழந்தவர்களின் எண்ணிக்கை: 14 (17) 🔻

• இந்தியாவில் நேற்று பதிவான கொரோனா பாதிப்பு: 27,409 (34,113) 🔻

• தஞ்சை பள்ளி மாணவி தற்கொலை வழக்கை விசாரிக்க சி.பி.ஐ-க்கு உச்சநீதிமன்றம் அனுமதியளித்திருந்த நிலையில், நேற்று, முதல் தகவல் அறிக்கையைப் (FIR) பதிவு செய்திருக்கிறது சி.பி.ஐ. இதில், பள்ளியின் விடுதிக்காப்பாளர் சகாயமேரி குற்றவாளியாகச் சேர்க்கப்பட்டுள்ளார். இதையடுத்து விரைவில் வழக்கில் சி.பி.ஐ விசாரணை தொடங்குகிறது.

• அரசு கருவூலத்திலிருந்து ₹139.35 கோடி ரூபாயை கையாடல் செய்ததற்காக, மாட்டுத்தீவன ஊழல் வழக்கில் குற்றவாளியாக அறிவிக்கப்பட்டிருக்கிறார் லாலு பிரசாத் யாதவ். அவர் குற்றவாளி எனத் தீர்ப்பளிக்கப்பட்ட 5-வது மாட்டுத்தீவன ஊழல் வழக்கு இது. இவருக்கான தண்டனை விவரங்கள் வரும் பிப்ரவரி 21-ம் தேதி அறிவிக்கப்படவிருக்கின்றன. இதற்கு முன்பு 4 மாட்டுத்தீவன ஊழல் வழக்கில் குற்றவாளியாக அறிவிக்கப்பட்டு மொத்தம் 14 ஆண்டுகள் சிறைத்தண்டனை பெற்றிருந்தார் லாலு. தற்போது, பெயிலில் வெளியே இருக்கிறார்.

• நாடாளுமன்ற நிகழ்வுகளை ஒளிபரப்பும் Sansad TV-யின் யூடியூப் பக்கம் நேற்று ஹேக் செய்யப்பட்டது. இதையடுத்து யூடியூப் நிறுவனம் சேனலை சஸ்பெண்ட் செய்ய, பின்னர் அரசின் நடவடிக்கைகளைத் தொடர்ந்து சேனல் மீட்கப்பட்டது.

• முன்னாள் அமைச்சரும், காங்கிரஸ் கட்சியின் மிக மூத்த தலைவருமான அஷ்வனி குமார் நேற்று அக்கட்சியிலிருந்து ராஜினாமா செய்தார். ஜோதிராதித்யா சிந்தியா, ஜிதின் பிரசாதா, ஆர்.பி.என் சிங் வரிசையில், அண்மைக் காலங்களில் காங்கிரஸிலிருந்து விலகும் முக்கிய தலைவர்களில் 4-வது நபர் அஷ்வனி குமார். ராஜினாமாவுக்குப் பிறகு ஊடகங்களில் பேசிய அவர், ``குறைந்துவரும் காங்கிரஸின் வாக்கு சதவீதம், மக்கள் செல்வாக்கு ஆகியவை அக்கட்சி மக்களின் எதிர்பார்ப்பை பூர்த்தி செய்யவில்லை என்பதை உணர்த்துகிறது” எனத் தெரிவித்திருக்கிறார்.

• டெல்லியில் கடந்தாண்டு குடியரசு தினத்தன்று செங்கோட்டையில் நடந்த கலவரத்தில் முக்கிய குற்றவாளியாக குற்றம்சாட்டப்பட்டவரும், நடிகருமான தீப் சித்து நேற்று சாலை விபத்தில் பலியானார். நண்பருடன் காரில் சென்றுகொண்டிருக்கும்போது டிரக்கில் மோதி விபத்து நிகழ்ந்துள்ளது.

• எதிர்காலத்தில் டென்னிஸ் தொடர்களில் பங்கேற்க கோவிட் தடுப்பூசி கட்டாயமாக்கப்பட்டால், அவற்றிலிருந்து விலக நேரிடலாம் எனத் தெரிவித்திருக்கிறார் ஜோகோவிச். தடுப்பூசி எடுத்துக்கொள்ளாத காரணத்தால், அண்மையில் ஆஸ்திரேலிய ஓபன் டென்னிஸ் தொடரிலிருந்தும், ஆஸ்திரேலியாவிலிருந்தும் வெளியேற்றப்பட்டார் ஜோகோவிச். இந்நிலையில், ``நான் தடுப்பூசிக்கு எதிரானவன் அல்ல; சிறுவயதில் அவற்றை எடுத்திருக்கிறேன். மேலும், தடுப்பூசிக்கு எதிராகப் பிரசாரம் செய்பவனும் கிடையாது. தனிநபர்களுக்கு அவர்களின் உடல்மீது இருக்கும் உரிமை தொடர்பான விஷயமாகவே இதைப் பார்க்கிறேன். அந்த உரிமையானது, டென்னிஸ் சாம்பியன்ஷிப்களைவிடவும் எனக்கு முக்கியம்” என பி.பி.சி-க்கு பேட்டியளித்திருக்கிறார் ஜோகோவிச்.

- LIC பாலிசிதாரர்கள் கவனத்திற்கு: அடுத்த மாதம் வெளியாகவிருக்கும் IPO-வில் பாலிசிதாரர்களுக்கு 10% வரை சலுகை விலையில் ஒதுக்க முடிவு செய்துள்ளது LIC. ஆனால், இதன்கீழ் விண்ணப்பிக்க வேண்டுமென்றால், இந்த மாதம் 28-ம் தேதிக்குள் LIC இணையதளத்தில் PAN விவரங்களை அப்டேட் செய்யவேண்டும் எனக் கூறியிருக்கிறது. கூடவே டீமேட் கணக்கும் அவசியம்.

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

சீனாவில் நடைபெறும் குளிர்கால ஒலிம்பிக் போட்டிகள் வரும் 20-ம் தேதி நிறைவடைகின்றன. இந்தப் போட்டிகள் முடிவதற்குள்ளாகவே ரஷ்யா உக்ரைன் மீது படையெடுக்க வாய்ப்புள்ளது எனக் கூறி, தன்னாட்டு மக்களை உடனடியாக அங்கிருந்து வெளியேறச் சொல்லியிருக்கிறது அமெரிக்கா. பிரிட்டன், எஸ்டோனியா, லத்திவியா, நார்வே ஆகிய நாடுகளும் இதேபோல தங்கள் நாட்டு மக்களை அறிவுறுத்தியிருக்கின்றன.

• உக்ரைன் எல்லைகளில் குவிக்கப்பட்டிருக்கும் ரஷ்ய படைவீரர்களின் எண்ணிக்கை, 1 லட்சத்திலிருந்து 1,30,000 ஆக உயர்ந்திருக்கிறது. முன்பைவிட, பெரியளவில் முகாம்களையும் அமைத்திருக்கிறது ரஷ்யா.

• ``எனவே இன்னும் சில நாள்கள்தான்” என எச்சரிக்கின்றன மேலை நாடுகள். ஆனால், ரஷ்யாவோ அமைதி காக்கிறது.

• ஒருவேளை ரஷ்யா உக்ரைன் மீது போர் தொடுத்து, அதில் அமெரிக்கா மற்றும் ஐரோப்பிய நாடுகளும் நேரடியாக தலையிட்டால் நிச்சயம் இரண்டாம் உலகப்போருக்குப் பின்னர் மிகப்பெரிய மோதலாக இது இருக்கும். ஐரோப்பாவின் அமைதி குலையும். உலகப் பொருளாதாதத்தில் பெரியளவில் தாக்கம் ஏற்படுத்தும்.

இவற்றைத் தாண்டி இந்தியாவுக்கு ஏதேனும் பாதிப்புகள் ஏற்படுமா?

நிச்சயமாக. மாணவர்கள், ஊழியர்கள் என சுமார் 20,000-க்கும் மேற்பட்ட இந்தியர்கள் உக்ரைனில் வசிக்கின்றனர். இவர்களின் பாதுகாப்பை உறுதிசெய்வது முதல் பணி. இது மட்டுமே உக்ரைன் பிரச்னையால் இந்தியா சந்திக்கும் நேரடி சவால். ஆனால், மறைமுகமாக இன்னும் பல சவால்கள் இந்தியாவுக்கு காத்திருக்கின்றன. அவை என்ன?

மொத்தம் 3 முக்கிய சவால்கள்.

1. ரஷ்யாவுடனான நட்பு

2016 - 20 காலகட்டத்தில் இந்தியா இறக்குமதி செய்த பாதுகாப்பு தளவாடங்களில் சுமார் 50% ரஷ்யாவிலிருந்து வந்தவை. இந்திய விமானப்படையில் இருக்கும் 71% ஜெட் விமானங்களும் ரஷ்யாவிலிருந்து வந்தவை அல்லது ரஷ்ய உதவியுடன் தயாரிக்கப்பட்டவையே. அண்மையில் இந்தியா வந்து சேர்ந்த ஏவுகணை பாதுகாப்பு தொழில்நுட்பமும் (S-400 ட்ரையம்ப்) ரஷ்யாவுடையதே.

• இவற்றை இங்கு குறிப்பிடக் காரணம், நம் நாட்டின் பாதுகாப்பு படைகளில் ரஷ்யாவின் ஆதிக்கம் எவ்வளவு இருக்கிறது என்பதை உணர்த்தவே!

• இதுமட்டுமன்றி, சர்வதேச அளவில் பல விவகாரங்களில் இந்தியாவின் நம்பிக்கைக்குரிய நண்பனாகவும் இருக்கிறது ரஷ்யா. இந்த உறவுக்கு, உக்ரைன் பிரச்னையால் சிக்கல் ஏற்படலாம்.

• இப்போதுவரை, `உக்ரைனில் அமைதி நிலவவேண்டும் என்பதே எதிர்பார்ப்பு’ எனச் சொல்லி, அமெரிக்கா - ரஷ்யா இருவர் பக்கமும் சாயாமல் இருக்கிறது இந்தியா. ஆனால், நாளையே உக்ரைன் பிரச்னை உச்சம் தொடும்பட்சத்தில் ஏதேனும் ஒரு பக்கம் சாய்ந்தாக வேண்டும்; இல்லையெனில், இரண்டு பக்கமும் அதிருப்தியைச் சந்தித்தாக வேண்டும். சரி, உக்ரைன் விவகாரத்தில் ரஷ்யாவை ஆதரித்தால் என்னாகும்?

2. அமெரிக்காவுடன் உரசல்?

வேறென்ன? அமெரிக்காவுடனான உறவு இன்னும் சிக்கலாகும். ஆசியாவில் மட்டுமன்றி உலகம் முழுவதும் சீனாவின் ஆதிக்கம் அதிகரித்து வரும் சூழலில், அதை எதிர்கொள்வதற்காக Quad அமைப்பில் இந்தியாவுடன் இணைந்து பணியாற்றி வருகிறது அமெரிக்கா.

• தீராத எல்லைப் பிரச்னை, இலங்கை - பாகிஸ்தான் உள்ளிட்ட அண்டை நாடுகளில் ஆதிக்கம் என சீனாவால் நெருக்கடியை சந்திக்கும் இந்தியாவுக்கு, அமெரிக்காவின் நட்பு எப்போதும் விட இப்போது மிக அவசியம்.

• மேலும், ரஷ்யாவுடன் ஆயுத ஒப்பந்தம் மேற்கொள்ளும் நாடுகளின்மீது CAATSA (Countering America's Adversaries Through Sanctions Act) சட்டத்தின்படி, அமெரிக்கா பொருளாதாரத் தடை விதிக்கும். ரஷ்யாவுடனான S-400 ட்ரையம்ப் ஒப்பந்தத்தைக் காரணம்காட்டி இந்தியா மீதும் பொருளாதாரத் தடை விதிக்கலாம் என எதிர்பார்க்கப்பட்டது.

• ஆனால், இந்தியாவுடனான நட்புறவு காரணமாக அதைத் தள்ளி வைத்திருக்கிறது. ஒருவேளை உக்ரைன் விவகாரத்தில் இந்தியா, ரஷ்யா பக்கம் சாய்ந்தால், இந்தப் பொருளாதாரத் தடைக்கு வாய்ப்பு அதிகம் என்கின்றனர் நிபுணர்கள்.

இந்த S-400 ட்ரையம்ப்-ன் முக்கியத்துவம் குறித்த TSL Explainer

3. சீனாவின் ஆதிக்கம்

உக்ரைன் மீது ரஷ்யா படையெடுத்தால், அமெரிக்கா, ஐரோப்பிய நாடுகள் ஆகியவை அந்நாட்டின்மீது கடுமையான பொருளாதார தடைகளை விதிக்கும். இது இயல்பாகவே, ரஷ்யாவை சீனாவை நோக்கித் தள்ளும்.

• இப்படி, அமெரிக்காவை பொது எதிரியாகக் கருதும் இரண்டு நாடுகளும் ஒன்றிணைவது அமெரிக்கா, இந்தியா ஆகிய இருநாட்டுக்கும் பின்னடைவே.

• ஆஸ்திரேலியா, ஜப்பான், அமெரிக்கா ஆகிய நாடுகளுடன் இணைந்து சீனாவின் ஆதிக்கத்தைக் கட்டுப்படுத்த உருவாக்கிய Quad அமைப்பும் நீர்த்துப்போகும். பசிபிக் பிராந்தியத்தில் சீனாவின் மீது கவனம் செலுத்திவந்த அமெரிக்கா, மீண்டும் ஐரோப்பாவில் ரஷ்யா மீதே அதிக கவனம் செலுத்தவேண்டிய சூழல் உருவாகும்.

• மேலும், ஒருவேளை இந்தியா அமெரிக்காவை ஆதரித்தால், அதனால் ஒருபக்கம் ரஷ்யாவின் நட்பையும் இழந்து, மறுபக்கம் சீனா ஆதாயமடையவும் வழி செய்தது போலாகி விடும்.

உக்ரைன் மீது ரஷ்யா படையெடுக்கும்பட்சத்தில், அமெரிக்கா, ரஷ்யா, சீனா என்கிற 3 காய்களை இந்தியாவை எப்படி நகர்த்துகிறது என்பதைப் பொறுத்தே, உலக அரங்கில் இதன் முடிவும் பின்விளைவுகளும் தெரியவரும்.

இந்த மூன்றுமே இந்தியாவின் தேச பாதுகாப்பு, வர்த்தகம், வெளியுறவுக்கொள்கை என மூன்று முக்கியமான விஷயங்களுடன் தொடர்புடையவை என்பதால், உக்ரைன் விவகாரத்தில் இந்தியாவின் நடவடிக்கை உற்றுநோக்கப்படுகிறது.

ரஷ்யா உக்ரைன் விவகாரம் குறித்த முதல்கட்ட TSL Explainer

Share The Subject Line

1. சரிந்த பங்குச்சந்தை; உயரும் தங்கம் விலை

உக்ரைனில் எப்போது வேண்டுமானாலும் ரஷ்யா ஊடுருவலாம் என்ற அமெரிக்காவின் எச்சரிக்கையைத் தொடர்ந்து உலகம் முழுவதும் நேற்று பங்குச்சந்தைகள் சரிவை சந்தித்தன.

• இந்தியாவில் சென்செக்ஸ் 1,747 புள்ளிகளும், நிஃப்டி 532 புள்ளிகளும் சரிந்தன. மொத்தம் 2897 பங்குகளின் விலைகள் நேற்று இறக்கம் கண்டன. நேற்றைய வர்த்தக நேர முடிவில் பங்குச்சந்தை நிலவரம் 👇

  Sensex - 56405.84

  Nifty - 16842.80

• கச்சா எண்ணெய் விலை உயர்வு, எகிறும் பணவீக்கம், வெளியேறும் வெளிநாட்டு முதலீடு எனப் பல நிச்சயமற்ற தன்மை நிலவுவதால், முதலீட்டாளர்கள் பங்குச்சந்தை முதலீடுகளை பாதுகாப்பான பாண்டுகளை நோக்கியும், தங்கத்தை நோக்கியும் திருப்பிவிடுகின்றனர்.

• இதனால், தங்கம் விலையும் உயர்ந்துள்ளது. 24 கேரட் தங்கம் ஒரு சவரன் விலை, கடந்த வெள்ளிக்கிழமையன்று 39,808 ரூபாயாக இருந்தது. ஆனால், திடீரென 800 ரூபாய்க்கும் மேல் உயர்ந்து சனிக்கிழமையன்று 40,648 ரூபாயைத் தொட்டது. நேற்று அதிலிருந்து சற்று இறங்கி 40,488 ரூபாய்க்கு வர்த்தகமானது.

2. உயரும் பணவீக்கம்

நாட்டின் சில்லறை விலை பணவீக்கம் (CPI) கடந்த ஜனவரி மாதம், ரிசர்வ் வங்கி நிர்ணயித்திருந்த 6% என்ற வரம்பைக் கடந்து, 6.01% ஆக பதிவாகியுள்ளது.

• உணவுப் பொருள்களின் தொடர் விலை உயர்வு காரணமாக, இந்தளவுக்கு பதிவாகியுள்ளது. கடந்த மாதமும் விலைவாசி தொடர்ந்து உயர்ந்துவந்ததை இது உணர்த்துகிறது.

• இதேபோல தொழிற்சாலைகள், உற்பத்தி நிலையங்களில் நிர்ணயிக்கப்படும் மொத்த விலையின் பணவீக்கம் (WPI) இதே ஜனவரி மாதத்தில் 12.96% ஆக பதிவாகியிருக்கிறது. பொருள்களின் உற்பத்திச் செலவு இன்னும் குறையவில்லை என்பதை இது உணர்த்துகிறது. எனவே இன்னும் விலைவாசி கட்டுக்குள் வரவில்லை.

3. ஹிஜாப் வழக்கு அப்டேட்ஸ்

கர்நாடகாவில் மாணவிகள் கல்வி நிலையங்களில் ஹிஜாப் அணிய அனுமதிக்கோரிய வழக்கு நேற்று அம்மாநில உயர்நீதிமன்றத்தில் விசாரணைக்கு வந்தது. மாணவிகள் தரப்பிலிருந்து வாதங்கள் முன்வைக்கப்பட்டன. மற்றபடி வழக்கில் பெரிதாக எந்த முன்னேற்றமும் இல்லை. இன்றும் விசாரணை நடைபெறுகிறது.

• அதேசமயம், கர்நாடகாவின் சில இடங்களில் மாணவிகள் மட்டுமன்றி, ஆசிரியர்களையும் பள்ளி வாயிலிலேயே வைத்து புர்காவை நீக்கச் சொன்ன சம்பவம் சர்ச்சையாகியிருக்கிறது.

• வழக்கு விசாரணை முடியும் வரை, மாணவர்கள் மட்டும்தான் எந்தவொரு மத அடையாளம் தொடர்பான உடைகளையும் அணியக்கூடாது என்றது உயர்நீதிமன்றம். ஆனால், இந்த சம்பவங்களில் ஆசிரியர்களையும் புர்காவை நீக்கச்சொல்லி பள்ளி நிர்வாகங்கள், வாயில்களிலேயே வைத்து வற்புறுத்தியது விமர்சனத்துக்குள்ளாகியிருக்கிறது.

• 10-ம் வகுப்பு வரையிலான பள்ளிகள் மட்டுமே கர்நாடகாவில் நேற்று திறக்கப்பட்டிருந்தன. இந்நிலையில், நாளை முதல் அனைத்து பள்ளி, கல்லூரிகளையும் திறக்க உத்தரவிட்டுள்ளது கர்நாடகா அரசு. கல்வி நிலையங்களுக்கு அருகில் காவல்துறையினர் பாதுகாப்பும் பலப்படுத்தப்பட்டுள்ளது.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 1,634 (நேற்று முன்தினம்: 2,296) 🔻

  - அதிகபட்சமாக, சென்னையில்: 341 (461) 🔻

  - தமிழகம் முழுவதும் உயிரிழந்தவர்களின் எண்ணிக்கை: 17 (11) 🔺

• இந்தியாவில் நேற்று பதிவான கொரோனா பாதிப்பு: 34,113 (44,877) 🔻

• தஞ்சை மாணவி தற்கொலை வழக்கை சி.பி.ஐ-க்கு மாற்றிய உத்தரவை எதிர்த்து தமிழக டி.ஜி.பி உச்சநீதிமன்றத்தில் மேல்முறையீடு செய்திருந்தார். இந்த வழக்கை நேற்று விசாரித்த உச்சநீதிமன்றம், தமிழக டி.ஜி.பி-யின் கோரிக்கை குறித்து பதிலளிக்குமாறு மாணவியின் பெற்றோர்களுக்கு நோட்டீஸ் அனுப்பியுள்ளது. 3 வாரங்களுக்குள் அவர்கள் இதற்கு விளக்கமளிக்கவேண்டும். அதேசமயம், சி.பி.ஐ இந்த வழக்கு விசாரணையைத் தொடர தடையில்லை எனவும் தெரிவித்துள்ளது.

• நவம்பர் 2021 முதல் சென்னை உயர்நீதிமன்றத்தின் கூடுதல் பொறுப்பு தலைமை நீதிபதியாக செயலாற்றிவந்த முனீஷ்வர்நாத் பண்டாரி, நேற்று சென்னை உயர்நீதிமன்றத்தின் தலைமை நீதிபதியாகப் பதவியேற்றுக்கொண்டார். இந்தாண்டு செப்டம்பருடன் இவரின் பதவிக்காலம் முடிகிறது.

• தேசப் பாதுகாப்புக்கு ஊறு விளைவிப்பதாகக் கூறி 54 செயலிகளுக்கு நேற்று தடைவிதித்துள்ளது மத்திய அரசு. சீனாவுடன் கல்வான் பள்ளத்தாக்கில் ஏற்பட்ட மோதலையடுத்து கடந்தாண்டு ஜூன் மாதம் டிக்டாக் உள்ளிட்ட 59 செயலிகளையும், பின்னர் செப்டம்பரில் 118 செயலிகளையும் தேசப்பாதுகாப்பை காரணம் காட்டி தடைசெய்திருந்தது இந்தியா. தற்போது மீண்டும் அதேபோல 54 செயலிகள் தடைசெய்யப்பட்டுள்ளன.

• இந்த வருடத்தின் முதல் மிஷனை வெற்றிகரமாக முடித்திருக்கிறது இஸ்ரோ. EOS - 04, the INS-2TD, INSPIREsat-1 ஆகிய 3 செயற்கைக்கோள்களை நேற்று வெற்றிகரமாக சுற்றுவட்டப்பாதையில் நிலைநிறுத்தியிருக்கிறது. அனைத்து காலநிலைகளிலும் பூமியின் தெளிவான படங்களை எடுத்தல், புவியின் பல்வேறு பரப்புகளின் வெப்பநிலையைக் கணக்கிடுதல் ஆகிய பணிகளுக்காக இந்த செயற்கைக்கோள்கள் விண்ணில் செலுத்தப்பட்டுள்ளன.

• ஏன் இந்தமுறை ரெய்னாவை ஏலத்தில் எடுக்கவில்லை என்பதற்கு விடைசொல்லியிருக்கிறார் CSK-வின் CEO காசி விஸ்வநாதன். ``கடந்த 12 ஆண்டுகளாக சிறப்பாக விளையாடிவந்த வீரர் ரெய்னா. ஆனால், ஒரு வீரரை டீமில் எடுப்பதற்கு ஃபார்ம் மிக முக்கியம். நாம் எது மாதிரியான டீமை கட்டமைக்கிறோம் என்பதும் முக்கியம். அதைவைத்துப் பார்க்கையில் தற்போதைய அணிக்கு ரெய்னா சரியாகப் பொருந்தமாட்டார். அதனால்தான் அவரை எடுக்கவில்லை” எனத் தெரிவித்திருக்கிறார்.

• துருக்கி ஏர்லைன்ஸ் நிறுவனத்தின் முன்னாள் தலைவராக இருந்த இல்கர் ஐசியை, ஏர் இந்தியாவின் புதிய CEO-வாக நியமித்திருக்கிறது டாடா குழுமம்.

• இந்தியாவில் உள்நாட்டு செமிகண்டக்டர் உற்பத்தியை ஊக்குவிப்பதற்காக 76,000 கோடி மதிப்பீட்டில் PLI திட்டத்தை அறிவித்திருந்தது மத்திய அரசு. தற்போது அந்த திட்டத்தின்கீழ் முதல் நிறுவனமாக வேதாந்தா குழுமம், ஃபாக்ஸ்கான் நிறுவனத்தோடு சேர்ந்து இந்தியாவில் செமிகண்டக்டர் உற்பத்தியைத் தொடங்கவிருக்கிறது. தமிழகத்தில் செமிகண்டக்டர் உற்பத்தியைத் தொடங்கச்சொல்லி தமிழக அரசும் ஃபாக்ஸ்கான் நிறுவனம் உள்பட பல நிறுவனங்களுக்கு இதற்கு முன்பு அழைப்பு விடுத்திருந்தது குறிப்பிடத்தக்கது.

  Share

On This Day, Feb 15

- உலகப் புகழ்பெற்ற வானியல் அறிஞரான கலிலியோ கலிலி பிறந்தநாள், 1564

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

வடிவேலுவின் `பச்சக்கிளி’ காமெடியையே விஞ்சும் ஒரு சம்பவம் மும்பையில் நடந்திருக்கிறது. அதுவும் சாதாரண இடத்தில் இல்ல. இந்தியாவின் மிகப்பெரிய பங்குச்சந்தையான NSE (National Stock Exchange)-ல்.

என்ன நடந்தது?

2013 முதல் 2016-ம் ஆண்டு வரை NSE-ன் CEO-வாக இருந்தவர் சித்ரா ராமகிருஷ்ணன். இவர் 90-களில் தொடக்கத்திலிருந்தே NSE-ன் தோற்றம் & வளர்ச்சியில் முக்கியப் பங்காற்றியவர். இந்த சித்ரா சுமார் 20 ஆண்டுகளுக்கும் மேல், கம்பெனியின் முக்கியமான முடிவுகளை, முகம்தெரியாத இமயமலையில் வாழ்வதாக நம்பப்படும் ஒரு சாமியாரின் அறிவுரையைக் கேட்டு எடுத்திருக்கிறார். இந்த விவரங்கள் அனைத்தையும் கடந்த வெள்ளிக்கிழமையன்று தன் விசாரணை அறிக்கையில் வெளியிட்டிருக்கிறது செபி.

என்ன விசாரணை, என்ன அறிக்கை? 📃

கதையே இங்குதான் தொடங்குகிறது. பங்குச்சந்தையில் IPO வெளியிடவேண்டும் என்பது NSE-ன் நீண்டகால திட்டம். இதற்கான பணிகளை 2016 வாக்கில் தீவிரமாக மேற்கொண்டுவந்தது அந்நிறுவனம். ஆனால், அச்சமயத்தில்தான் Colocation முறைகேட்டில் சிக்கியது. சில குறிப்பிட்ட புரோக்கர்கள் மட்டுமே பலனடையும் வகையில் நடந்த மோசடி இது.

• இதுகுறித்து எழுந்த புகாரில் செபி NSE-யை விசாரிக்க, முறைகேடு நடந்தது உறுதியானது. அபராதமும் விதிக்கப்பட்டது. இந்த சமயத்தில் சித்ராவும் CEO பொறுப்பிலிருந்து ராஜினாமா செய்தார். NSE-ன் IPO கனவும் தள்ளிப்போனது.

• இதே காலகட்டத்தில் செபி இன்னொரு பிரச்னை தொடர்பாகவும் விசாரணையைத் தொடங்கியது. அது, 2013-ம் ஆண்டு NSE-ன் CSA (Chief Strategic Advisor)-வாக நியமிக்கப்பட்ட ஆனந்த் சுப்ரமணியம் தொடர்பானது.

யார் இவர்?

இந்தக் கேள்விதான் பலரின் சந்தேகங்களுக்கு தொடக்கப்புள்ளி. 2013 வரைக்கும் பங்குச்சந்தை வட்டாரத்திற்கு அதிக பரிச்சயமில்லாதவர், ஆனந்த். ஆனால், திடீரென NSE-ன் CSA-வாக 2013-ம் ஆண்டு 1.5 கோடி ரூபாய் சம்பளத்திற்கு நியமிக்கப்பட்டார். இதற்கு முன் வேறொரு நிறுவனத்தில் அவர் பெற்றுக்கொண்டிருந்த சம்பளம் ஆண்டுக்கு 15 லட்சம் மட்டுமே. அதிர்ச்சி இதோடு நிற்கவில்லை.

• 2014-லிலேயே ஆனந்திற்கு அப்ரைசல் கிடைக்கிறது. 20% உயர்வுடன் சம்பளம் 2.01 கோடி ரூபாயாக உயர்கிறது. 💰

• அதற்கு அடுத்த 5 வாரத்திலேயே இன்னொரு அப்ரைசல்; இப்போது 15% உயர்வு. சம்பளம் 2.31 கோடி ரூபாய். இப்படியே போக 2015-ம் ஆண்டு அவரின் ஆண்டு சம்பளம் (CTC) 5 கோடி ரூபாயைத் தொடுகிறது. இதெல்லாம் பங்குச்சந்தையில் பழுத்த அனுபவம் கொண்ட NSE-ன் மூத்த ஊழியர்களுக்கே கிடைக்காத சம்பளம்! 😳

• CEO-வான சித்ராவுக்கு அருகிலேயே கேபின், வாரத்திற்கு 3 நாள் மட்டும் வேலை, First Class விமானப் பயணம் எனப் பல சலுகைகள் அடுத்தடுத்து ஆனந்திற்கு கிடைக்கின்றன. CEO-வான சித்ராவுக்கு இருக்கும் அதிகாரங்கள், சலுகைகள் என அனைத்தும் ஆனந்திற்கு குவிய, விரைவில் Group Operating Officer-ராகவும் பதவி உயர்வு பெறுகிறார். இதையடுத்துதான், NSE-யிலிருந்து ஆனந்த் தொடர்பாக மொட்டை கடுதாசிகள் புகார்களாக செபிக்குப் பறக்கின்றன. 📮

இதுதொடர்பாக நடந்த விசாரணையில்தான் எல்லா விஷயங்களும் தெரியவந்திருக்கின்றன.

சரி, ஏன் ஆனந்திற்கு இவ்வளவு சலுகைகள்? 🤔

இங்குதான் சூட்சுமமே! பங்குச்சந்தையில் அனுபவமே இன்றி NSE-க்குள் ஆனந்த் நுழைந்தது முதல் அடுத்தடுத்து அங்கு உச்சிக்கு சென்றது வரை எதுவுமே தற்செயலாகவோ, தகுதியின் அடிப்படையிலோ நடந்ததல்ல. மாறாக, அந்த மர்ம சாமியாரின் வேலைகளால் நடந்தது.

• சுமார் 20 ஆண்டுகளுக்கும் மேலாக சித்ரா ஒரு சாமியாரிடம் அறிவுரை கேட்டு நடக்கிறார் என மேலே பார்த்தோம் அல்லவா? அந்த சாமியாரிடம் நிர்வாகத்தின் ஒவ்வொரு முடிவு தொடர்பாகவும் அறிவுரை கேட்டிருக்கிறார் சித்ரா.

• அந்த சாமியாரின் மின்னஞ்சல் முகவரியான rigyajursama@outlook.com-க்கு NSE-யின் நிர்வாக விவரங்கள், எதிர்காலத் திட்டங்கள், கம்பெனி ரகசியங்கள், இவ்வளவு ஏன்… பணியாளர்களின் அப்ரைசல் விவரம் 😲 முதற்கொண்டு அனைத்தையும் பகிர்ந்திருக்கிறார். பதிலுக்கு அந்த சாமியாரும் சித்ராவுக்கு ஒவ்வொரு இடத்திலும் அறிவுரை வழங்கியிருக்கிறார்.

• அப்படி ஒரு அறிவுரை மூலமாகத்தான் ஆனந்த் உள்ளே நுழைந்தார்; ஆனந்தின் பதவி உயர்வு, வாரத்திற்கு 3 நாள் வேலை என எல்லா சலுகைகளும் அவரின் சித்து வேலைகளே! இதை இருவருக்குமிடையேயான மின்னஞ்சல் உரையாடல்கள் மூலம் உறுதிப்படுத்தியிருக்கிறது செபி.

இதெப்படி சாத்தியம்? 🧐

இரண்டே சாத்தியங்கள்தான்; ஒன்று, சித்ரா அந்தளவுக்கு ஆன்மிக நம்பிக்கையில் மூழ்கியிருந்து, அந்த மர்ம சாமியாரின் விளையாட்டில் ஏமாந்திருக்கவேண்டும். அல்லது சித்ரா தெரிந்தே, ஏதோ ஒரு ஆதாயத்திற்காக ஆனந்திற்கு கூடுதல் சலுகைகள் வழங்கியிருக்கவேண்டும்.

• ``நிர்வாக விஷயத்திற்காக பிற நபர்கள் தங்கள் நண்பர்களிடமோ, ஆலோசகர்களிடமோ ஆலோசனைகள் பெறுவதில்லையா? அப்படித்தான் இதுவும். இது என் பணியை சிறப்பாக செய்ய உதவியது. வேறு எந்த ஆதாயமும் நான் அடையவில்லை” என இதற்கு முட்டுக்கொடுத்திருக்கிறார் சித்ரா.

• இந்த விஷயம் NSE-யின் பிற நிர்வாகிகளுக்குத் தெரிந்துமேகூட, கம்பெனி பெயர் கெட்டுவிடக்கூடாது என நேரடியாக செபியிடம் புகார் அளிக்காமல் கமுக்கமாக இருந்திருக்கின்றனர். சிலபல மொட்டைக் கடுதாசிகள்தான் செபியை விசாரணை வரை இழுத்து வந்திருக்கிறது.

யார் அந்த சாமியார்?

வேறு யார்? ஆனந்தாகத்தான் இருக்கமுடியும் என்கிறது செபி. தனிப்பட்ட முறையில் சித்ராவின் நம்பிக்கைக்குரிய ஊழியராகவும், இன்னொருபுறம் முகம்தெரியாத சாமியாருமாக இரண்டு வாழ்க்கை நடத்தி ஆதாயம் அடைந்திருக்கிறார். இந்தியாவின் மிகப்பெரிய பங்குச்சந்தையான NSE-ன் CEO-வை ஒரு பொம்மைபோல ஆட்டுவித்திருக்கிறார் என்றிருக்கிறது செபி (இன்னும் இதை வேறு ஆதாரங்கள் வழி உறுதிப்படுத்தவில்லை; மின்னஞ்சல் உரையாடல்களை வைத்துமட்டுமே இந்த முடிவுக்கு வந்திருக்கிறது).

சரி, இனி என்ன நடக்கும்?

• முறையாக நியமனங்களை மேற்கொள்ளாதது, NSE-ன் முக்கிய தகவல்களை 3-ம் நபருக்கு கசியவிட்டது ஆகிய குற்றங்களுக்காக சித்ரா, ஆனந்த், முன்னாள் NSE CEO விஜய் நரேன் ஆகிய மூவருக்கும் தலா 2 கோடி ரூபாய் அபராதம் விதித்திருக்கிறது செபி. மேலும், அடுத்த 3 ஆண்டுகளுக்கு பங்குச்சந்தை தொடர்பான எந்தவொரு நிறுவனங்கள் பக்கமும் எட்டிப்பார்க்கவே கூடாது எனவும் உத்தரவிட்டுள்ளது (நரேனுக்கு மட்டும் 2 ஆண்டுகள்).

• கூடவே அடுத்த 6 மாதங்களுக்கு எந்தவொரு புதிய சேவையையும் தொடங்கக்கூடாது என NSE-க்கும் குட்டு வைத்திருக்கிறது.

இப்படியாக, ஒரு ஹைடெக் பச்சைக்கிளி Episode-ஐ வெளிச்சத்திற்கு கொண்டுவந்திருக்கிறது செபி. அவ்வளவு பெரிய பங்குச்சந்தை நிர்வாகத்தில் எப்படி இந்த இருவரும் யாரின் தடங்கலுமின்றி, நினைத்ததையெல்லாம் சாதித்திருக்கின்றனர் என ஆச்சர்யமாகப் பார்க்கிறது வர்த்தக உலகம்.

Share The Subject Line

1. மேற்கு வங்க ஆளுநர் vs தமிழக முதல்வர்

மாநில சட்டமன்ற கூட்டத்தொடர்கள் முறைப்படி குறிப்பிட்ட நாள்களுக்குப் பிறகு நிறைவடைய வேண்டும். அப்படி இல்லாமல் நீண்டநாள்களுக்கு ஒத்திவைக்கப்பட்டிருக்கும் பட்சத்தில், அதற்கடுத்த கூட்டத்தொடருக்கு முன்பு கவர்னர் முந்தைய தொடரை முடித்துவைக்கவேண்டும். புதிய கூட்டத்தொடருக்கு அவரின் அனுமதியும் பெறவேண்டும்.

• இதன்படி, கடந்தாண்டு நடந்த மேற்கு வங்க மாநில சட்டமன்றக் கூட்டத்தொடரை ஜனவரி 12-ம் தேதி முடித்துவைத்தார் அம்மாநில கவர்னர் ஜக்தீப் தன்கர். இதுகுறித்த அறிவிப்பையும் வெளியிட்டார்.

• ஆனால் இதற்கு, ``இது உயர்பொறுப்பில் உள்ள ஓர் ஆளுநர் செய்யும் செயல் அல்ல. அரசியல் மரபுகளுக்கு எதிரானது” எனக் கண்டனம் தெரிவித்தார் தமிழக முதல்வர் மு.க.ஸ்டாலின். இதையடுத்து, இந்த விமர்சனத்திற்கு விளக்களித்த ஜக்தீப், ``மாநில அமைச்சரவையின் பரிந்துரையின்பேரில்தான் அந்த நடவடிக்கையே எடுத்தேன்; தமிழக முதல்வரின் விமர்சனத்தில் உண்மை இல்லை” எனத் தெரிவித்தார். இதை திரிணமுல் காங்கிரஸின் செய்தித் தொடர்பாளவும் உறுதி செய்திருக்கிறார்.

• இந்நிலையில் நேற்று மாலை, மேற்கு வங்க முதல்வர் மம்தா பானர்ஜி தன்னிடம் உரையாடியதாகவும், பா.ஜ.க ஆட்சியில் இல்லாத மாநிலங்களில் கவர்னர்களின் அரசியல் தலையீடு குறித்து தன்னிடம் விவாதித்ததாகவும் ட்வீட் செய்திருக்கிறார் ஸ்டாலின். விரைவில் டெல்லியில் எதிர்க்கட்சியைச் சேர்ந்த முதல்வர்களின் சந்திப்பு நடக்கும் எனவும் தெரிவித்திருக்கிறார்.

2. முடிந்த ஐ.பி.எல் ஏலம்; சென்னை நிலவரம் என்ன?

2022-ம் ஆண்டு ஐ.பி.எல்-லுக்கான மெகா ஏலம் கடந்த இரண்டு நாள்களாக நடந்து முடிந்திருக்கிறது. சென்னைக்கு சில சோகங்கள்; சில ஆறுதல்கள்.

• டூப்ளெசியை RCB-யிடமும், ஷர்துலை DC-யிடமும் பறிகொடுத்தது CSK. ரெய்னாவையும் CSK கண்டுகொள்ளாமல்விட, இந்த சீசனில் Unsold ப்ளேயராக முடிந்திருக்கிறார் சின்ன தல!

• தீபக் சஹார், அம்பத்தி ராயுடு, பிராவோ,உத்தப்பா, ஜகதீசன், ஹரி நிஷாந்த் என மற்றவர்கள் ரீ-யூனியனில் கன்ஃபார்ம். ஷிவம் துபே, ஆடம் மில்னே, டேவன் கான்வே, கிறிஸ் ஜோர்டான், மஹீஷ் தீக்‌ஷனா ஆகியோர் சென்னையின் குறிப்பிடத்தக்க புதுவரவுகள்.

அதிக தொகைக்கு ஏலம் போன வீரர்களின் பட்டியல் 👇

CSK Squad 👇

• முழுமையாக அனைத்து அணி வீரர்கள் விவரங்களையும் பார்க்க இங்கே பார்க்கலாம். (Espn Cricinfo)

• மொத்தம் 14 தமிழக வீரர்கள் இந்தாண்டு ஐ.பி.எல்-லில் விளையாடுகின்றனர் 👇

• ஏலத்தின் முதல் நாள், ஏலம் நடத்துபவரான ஹியூக் எட்மடீஸ், குறைந்த ரத்த அழுத்தம் காரணமாக திடீரென மயங்கி விழுந்தார். உடனே அவருக்கு மருத்துவ சிகிச்சையளிக்கப்பட்டது. இதையடுத்து சாரு ஷர்மா ஏலத்தை நடத்திச் சென்றார். இந்நிலையில், நேற்று ஏலத்தின் கடைசி நேர செசஷனில் கலந்துகொண்டு வெற்றிகரமாக ஏலத்தை முடித்துவைத்தார் ஹியூக். திரும்பிவந்த ஹியூக்கை அனைவரும் எழுந்துநின்று வாழ்த்தினர்.

3. சென்சொடைன் விளம்பரங்களுக்கு ஏன் தடை?

நீங்கள் டிவி பார்ப்பவராக இருந்தால் சென்சொடைன் டூத்பேஸ்ட் விளம்பரத்தைப் பார்க்காமல் கடந்திருக்க முடியாது. குறிப்பிட்ட சில விதிமுறைகளை மீறியதாகக் கூறி இந்த டூத்பேஸ்ட் விளம்பரங்களுக்கு தடைவிதித்துள்ளது மத்திய நுகர்வோர் பாதுகாப்பு ஆணையம் (CCPA). மேலும், விளம்பரத்தில் சொல்லப்பட்ட விஷயங்களின் உண்மைத் தன்மை குறித்தும் CCPA ஆராயவிருக்கிறது.

• இந்தியாவில் பிராக்டீஸ் செய்யும் மருத்துவர்கள் யாரும் எந்தவொரு பொருளையும், மருந்துரையும் விளம்பரங்களில் பரிந்துரைக்கக்கூடாது. இந்த விதியிலிருந்து தப்பிக்கும்விதமாக வெளிநாட்டு மருத்துவர்கள் சென்சொடைனைப் பரிந்துரைக்கும்படி விளம்பரம் செய்திருக்கிறது அந்நிறுவனம். இது விதிகளுக்கு எதிரானது எனச் சொல்லி விளம்பரங்களுக்கு தடை விதித்திருக்கிறது CCPA.

• மேலும், `உலகின் நம்பர் 1 டூத்பேஸ்ட்’, `உலகம் முழுக்க பல் மருத்துவர்கள் பரிந்துரைக்கும் டூத்பேஸ்ட், `60 நொடிகளில் நிவாரணம் தரும் டூத்பேஸ்ட்’ என அந்நிறுவனம் விளம்பரத்தில் சொன்ன விஷயங்கள் குறித்தும் ஆராயவிருக்கிறது. இவற்றில் பொய் சொல்லியிருப்பது உறுதியானால், 10 லட்ச ரூபாய் அபராதமும், ஒரு வருடம் விளம்பரங்கள் மேற்கொள்ள அந்நிறுவனத்திற்கு தடையும் விதிக்கப்படும்.

Share

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 2,296 (நேற்று முன்தினம்: 2,812) 🔻

  - அதிகபட்சமாக, சென்னையில்: 461 (546) 🔻

  - தமிழகம் முழுவதும் உயிரிழந்தவர்களின் எண்ணிக்கை: 11 (17) 🔻

• இந்தியாவில் நேற்று பதிவான கொரோனா பாதிப்பு: 44,877 (50,407) 🔻

• ☔️ Rain Alert: இன்று மற்றும் நாளைக்கான வானிலை முன்னறிவிப்பு 🌦

• உக்ரைன் விவகாரம் தொடர்பாக ரஷ்ய அதிபர் புடினும், பிரான்ஸ் அதிபர் மேக்ரானும் அண்மையில் மாஸ்கோவில் சந்தித்து விவாதித்தனர். அப்போது அவர்கள் இருவருக்கும் இடையே போடப்பட்டிருந்த நீண்ட மேஜை பலரது கவனத்தையும் ஈர்த்தது. ஆனால், இதற்குப் பின்னால் இருக்கும் காரணம்தான் சுவாரஸ்யமானது.

புடினோடு நெருக்கமாக அமர்ந்து வழக்கம்போல உரையாட வேண்டுமென்றால், RT-PCR டெஸ்ட் எடுக்கவேண்டும் எனச் சொல்லியிருக்கிறது ரஷ்யா. இல்லையெனில், குறைந்தது 6 அடி இடைவெளியில்தான் உரையாட வேண்டும் எனச் சொல்லியிருக்கிறது. மேக்ரான் இரண்டாவது ஆப்ஷனைத் தேர்ந்தெடுத்திருக்கிறார். காரணம், RT-PCR டெஸ்ட் எடுத்தால் ரஷ்யர்கள் மேக்ரானின் DNA விவரங்களைச் சேகரித்து விடுவர் என்ற அச்சமாம்! 👀

• பஜாஜ் குழுமத்தின் தலைவரும், நாட்டின் முன்னணி தொழிலதிபருமான ராகுல் பஜாஜ் சனிக்கிழமையன்று காலமானார். கடைசி நாள்களில் இதய நோய் மற்றும் நிமோனியாவால் பாதிக்கப்பட்டிருந்தார். அவருக்கு வயது 83.

• உத்தரப் பிரதேசத்தில் இன்று இரண்டாம்கட்ட வாக்குப்பதிவு 55 தொகுதிகளில் நடைபெறவிருக்கிறது. உத்தரகாண்டில் 70 தொகுதிகளிலும், கோவாவில் 40 தொகுதிகளிலும் ஒரே கட்டமாக வாக்குப்பதிவு நடைபெறவிருக்கிறது.

• கடந்த வார விடுமுறைக்குப் பின், 10-ம் வகுப்பு வரையிலான மாணவர்களுக்கு, கர்நாடகாவில் இன்று பள்ளிகள் திறக்கப்படுகின்றன. இந்நிலையில் நேற்று உடுப்பி மாவட்டத்தில் நடந்த அமைதிப் பேச்சுவார்த்தையில் ஒரு சுமுக முடிவு எட்டப்பட்டிருக்கிறது. இதன்படி, இதற்கு முன்புவரை எந்தெந்த பள்ளிகளெல்லாம் குறிப்பிட்ட சீருடைகள் இல்லையோ, ஏற்கெனவே ஹிஜாப் அணிய அனுமதிக்கப்பட்டதோ, அங்கெல்லாம் மாணவிகள் இன்று முதல் தொடர்ந்து ஹிஜாப் அணியலாம் என முடிவு செய்யப்பட்டுள்ளது. இதுகுறித்த வழக்கு அம்மாநில உயர்நீதிமன்றத்தில் இன்று விசாரணைக்கு வருகிறது.

• இந்தியாவில் இயங்கிவரும் மனித உரிமை ஆர்வலர்கள், செயற்பாட்டாளர்கள், பத்திரிகையாளர்கள், கல்வியாளர்கள், வழக்கறிஞர்கள் ஆகியோர் மீது `ModifiedElephant’ என்ற மால்வேர் மூலம் சைபர் தாக்குதல் நடந்துள்ளது எனத் தெரிவித்துள்ளது அமெரிக்க சைபர் பாதுகாப்பு நிறுவனமான சென்டினல் ஒன். அரசால் கைது செய்யப்படுபவர்களும், இந்த மால்வேரால் தாக்கப்படுபவர்களும் பல சமயங்களில் ஒரே நபராக இருக்கின்றனர் எனவும் அந்நிறுவனம் தெரிவித்துள்ளது.

• இந்தியாவின் மிகப்பெரிய வங்கி மோசடி இது என்கிறது CBI. குஜராத்தில் இயங்கிவரும் கப்பல் தயாரிப்பு நிறுவனமான ABG நிறுவனம், SBI உள்பட மொத்தம் 28 வங்கிகளிடம் 22,842 கோடி ரூபாய் கடனாகப் பெற்றிருக்கிறது. ஆனால், இந்த தொகையை வங்கிகளிடம் சொன்ன காரணங்களின்றி, வேறு பயன்பாடுகளுக்காகத் திருப்பிவிட்டதாக குற்றச்சாட்டு எழவே, இதுகுறித்து CBI-யிடம் புகார் அளித்திருக்கிறது SBI. தற்போது இந்த விவகாரத்தில் வழக்குப்பதிவு செய்து CBI விசாரணையைத் தொடங்கியிருக்கிறது.

- ஆண்ட்ராய்டு 13 வெர்ஷனின் டெவலப்பர் பிரிவ்யூவை வெளியிட்டுவிட்டது கூகுள். இந்த முறை பிரைவசி விஷயங்களில் அதிகம் கவனம் செலுத்தி, அதற்கேற்ப UI-களில் சில மாற்றங்கள் செய்திருக்கிறது. இதன் பீட்டா வெர்ஷன் ஏப்ரலில் வரும் என எதிர்பார்க்கப்படுகிறது. இப்போதைக்கு Pixel 6, Pixel 6 Pro, Pixel 5a 5G, Pixel 5, Pixel 4a (5G), Pixel 4a, Pixel 4 XL மற்றும் Pixel 4 மொபைல் யூசர்கள் மட்டும் பிரிவ்யூவை டவுன்லோடு செய்யலாம்.

- நீண்ட நாள்களாக எதிர்பார்த்த LIC-யின் IPO ஒருவழியாக இறுதிக்கட்டத்தை நெருங்கிவிட்டது. IPO-வுக்கு அனுமதி கேட்டு நேற்று செபியிடம் முறைப்படி விண்ணப்பித்திருக்கிறது LIC. விரைவில் இந்த அலுவல் பணிகளையெல்லாம் முடித்து, இந்த நிதியாண்டிலேயே 5% பங்குகளை விற்று சுமார் 75,000 கோடி ரூபாய் திரட்ட முடிவு செய்துள்ளது மத்திய அரசு. இந்தியாவின் மிகப்பெரிய IPO-வுக்காக சந்தை வெயிட்டிங்!

On This Day, Feb 14

- உலக காதலர் தினம் 💜

- சொத்துக்குவிப்பு வழக்கில் சசிகலா, சுதாகரன், இளவரசி ஆகிய மூவரும் குற்றவாளிகள் என உச்சநீதிமன்றம் தீர்ப்பளித்த தினம், 2017. இதையடுத்து பிப்ரவரி 15-ம் தேதி மூவரும் சிறைசென்றனர். ஜெயலலிதா அச்சமயம் உயிருடன் இல்லை என்பதால், அவரின் வழக்கு நின்றுபோனது.

- புல்வாமாவில் நடந்த தீவிரவாத தாக்குதலில் 40 CRPF வீரர்கள் உயிரிழந்த தினம், 2019

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இந்த வார TSL-ன் ரீவைண்ட் எடிஷன் இது. இந்த 4 TSL Explainers-ஐ இந்த வாரம் படிக்க மிஸ் பண்ணியிருந்தா, இன்றைக்கு கட்டாயம் படிச்சிடுங்க!

1. 🧕 அரசியல் + மதம்; கர்நாடகா ஹிஜாப் சர்ச்சை ஏன்?

2. 🇮🇱 இஸ்ரேலிலும் தொடங்கிய `பெகாசஸ்' புயல்

3. 🛕 உத்தரப்பிரதேச தேர்தல் சொல்லப்போகும் மெசேஜ்!

4. 💴 மாறாத ரெப்போ விகிதங்கள்; நமக்கு நல்லதா கெட்டதா?

🧕 அரசியல் + மதம்; கர்நாடகா ஹிஜாப் சர்ச்சை ஏன்?

- ஹிஜாப் அணிந்து வரும் மாணவிகளை பள்ளிக்குள் அனுமதிக்கலாமா?

- சீருடை விதிகள் அதற்கு இடம் தரலாமா?

- சீருடை விதிகள் அனுமதி மறுத்தாலும், அதைத் தாண்டி ஹிஜாப் அணிய மாணவிகளுக்கு சட்டப்படி உரிமை உண்டா?

கடந்த ஒரு மாதத்திற்கும் மேலாக கர்நாடகாவில் விவாதமாகியிருக்கும் கேள்விகள் இவை. உடுப்பியில் உள்ள ஒரு அரசுப்பள்ளியில், 8 மாணவிகளை வைத்து தொடங்கப்பட்ட இந்தப் பிரச்னை, இன்று கர்நாடகாவின் பல மாவட்டங்களில் இந்து மாணவர்கள் vs இஸ்லாமிய மாணவர்கள் என்பது வரை நீண்டிருக்கிறது.

கர்நாடக பள்ளிகள் முன்பு, காவல்துறை அணிவகுப்பு நடத்தும் அளவுக்கு பதற்றம் சூழ்ந்திருக்கிறது. இந்தப் பிரச்னை எங்கே எப்படி தொடங்கியது? இதன் பின் உள்ள அரசியல் காரணங்கள் என்ன? விரிவாக விளக்குகிறது இந்த TSL Explainer.

இந்த வாரம் கர்நாடகாவில் நடந்த காவித்துண்டு போராட்டங்களும், மாணவிகள் மீதான அடக்குமுறையும் தேசத்தையே அதிரச் செய்தது. அப்படிப்பட்ட சம்பவங்களின் வீடியோ தொகுப்புகளை இந்த TSL Edition-ல் காணலாம்.

🇮🇱 இஸ்ரேலிலும் தொடங்கிய `பெகாசஸ்' புயல்

``You can't keep snakes in your backyard and expect them to only bite your neighbour”

ஹிலரி கிளின்டனின் இந்த வாசகம், இப்போதைய இஸ்ரேல் அரசியலுக்கு அப்படியே பொருந்தும்.

எதிர்க்கட்சித் தலைவர்கள், பத்திரிகையாளர்கள், நீதிபதிகள், செயற்பாட்டாளர்கள் எனப் பலரையும் பெகாசஸ் உளவு மென்பொருள் மூலம் அரசு உளவுபார்த்ததாக எழுந்திருக்கும் குற்றச்சாட்டுகள் இந்திய அரசியலில் சில மாதங்கள் முன்பு புயலைக் கிளப்பின. இதேபோல அமெரிக்கா, பிரான்ஸ் உள்ளிட்ட நாடுகளிலும் பெகாசஸ் மூலம் உளவு பார்க்கப்பட்ட விவகாரம் பரபரப்பைக் கிளப்பி, தற்போது அங்கு விசாரணைகளும் நடைபெற்று வருகின்றன.

இந்த பெகாசஸ் குறித்த TSL Explainer-ஐ இங்கே படிக்கலாம்.

இப்படி வெளிநாடுகள் பெகாசஸ் விவகாரத்தில் தீவிரமாக இருந்தாலும், இஸ்ரேலில் இதனால் எந்த பரபரப்பும் இல்லை. பெகாசஸ் உளவு மென்பொருள் மூலம் உலக அரசியலில் இஸ்ரேல் ஆதிக்கம் செலுத்தியதாக செய்திகள் வெளியானபோதுகூட இஸ்ரேலில் அவை பெரிதாக எதிரொலிக்கவில்லை.

ஆனால், இந்த வாரம் இஸ்ரேல் ஊடகங்களில் பெகாசஸ் விவகாரம் தலைப்புச் செய்தியாகியிருக்கிறது. பிற நாடுகளைப் போலவே இஸ்ரேல் மக்களும் பெகாசஸ் விவகாரத்தை உற்று கவனிக்கத் தொடங்கியிருக்கின்றனர். ஏன் இந்த திடீர் மாற்றம்? விடைசொல்கிறது இந்த TSL Explainer.

Share

🛕 உத்தரப்பிரதேச தேர்தல் சொல்லப்போகும் மெசேஜ்!

நாடு முழுக்க எப்போதும் எதிர்பார்ப்பை ஏற்படுத்தும் தேர்தல்களில் ஒன்று, உத்தரப்பிரதேச மாநில சட்டமன்றத் தேர்தல். 403 உறுப்பினர்களைக் கொண்ட மெகா சட்டசபை, தேசிய அரசியலில் ஏற்படுத்தும் விவாதங்கள், நாடாளுமன்றத் தேர்தல்களுக்கு 2 ஆண்டுகள் முன் வருவது என இந்த எதிர்பார்ப்பிற்கு பல காரணங்கள். அப்படிப்பட்ட உ.பி தேர்தலில் முதல்கட்ட வாக்குப்பதிவு நேற்று முன்தினம் முடிந்திருக்கிறது.

`இந்த உ.பி சட்டமன்றத் தேர்தல் 2024-ம் ஆண்டு மக்களவைத் தேர்தலுக்கான முன்னோட்டம்’ என மட்டும் மேலோட்டமாகச் சொல்லப்பட்டாலும், தற்போதைய அரசியல் சூழலில் அதைத் தாண்டியும் சில முக்கியமான விஷயங்களை உ.பி தேர்தல் முடிவுகள் முடிவு செய்யவிருக்கின்றன. அவை என்னென்ன? விரிவாக விளக்குகிறது இந்த TSL Explainer.

💴 மாறாத ரெப்போ விகிதங்கள்; நமக்கு நல்லதா கெட்டதா?

ரெப்போ மற்றும் ரிவர்ஸ் ரெப்போ வட்டி விகிதங்களை தொடர்ந்து 10-வது முறையாக மாற்றாமல் விட்டிருக்கிறது ரிசர்வ் வங்கி.

• கோவிட்டின் பாதிப்பிலிருந்து பொருளாதாரம் மீளத்தொடங்கி, தற்போது விலைவாசி உயர்வு நடுத்தர மக்களையும், ஏழைகளையும் பாதிக்கத் தொடங்கியிருக்கிறது. இந்த சமயத்தில் எப்படியும் ரிசர்வ் வங்கி ரிவர்ஸ் ரெப்போவை ஏற்றும் என்றுதான் எதிர்பார்க்கப்பட்டது. ஆனாலும், ஏற்றவில்லை.

ரெப்போவுக்கும் நமக்கும் என்ன தொடர்பு? 🏦

இந்தியப் பொருளாதாரத்தில் பணப்புழக்கத்தை அதிகரிக்கவும், குறைக்கவும் ரிசர்வ் வங்கி கையில் வைத்திருக்கும் ஆயுதம்தான் இந்த ரெப்போ வட்டி விகிதங்கள். நமக்குத் தெரிந்தோ, தெரியாமலோ இவை தினந்தோறும் நம் நிதி வாழ்க்கையில் தாக்கம் செலுத்தி வருகின்றன. எப்படி? இந்த முடிவு நம்மை எப்படி பாதிக்கும், நம் நிதி திட்டமிடல்கள் எப்படி இதனால் மாறலாம்? எளிமையாக விளக்குகிறது இந்த TSL Edition.

Share The Subject Line

அவ்வளவுதான்!

TSL-ன் தினசரி நியூஸ்லெட்டர்ஸ் பிடிச்சிருந்தா உங்களின் நண்பர்களுக்கும் அதை ஷேர் பண்ணுங்க. TSL பற்றிய உங்கள் அனுபவங்கள், கருத்துகளைப் பகிர்ந்துக்க நினைச்சா எனக்கு மெயில் அனுப்புங்க! 😀

இனி இரும்பவும், திங்கள் கிழமை காலை 7 மணிக்கு அன்றைய தினத்தின் முக்கியமான செய்திகளோட சந்திக்கிறேன்.

Happy Weekend 🍕

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

இந்த TSL Edition உங்களுக்குப் பிடிச்சிருந்தா மறக்காம லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

ரெப்போ மற்றும் ரிவர்ஸ் ரெப்போ வட்டி விகிதங்களை தொடர்ந்து 10-வது முறையாக மாற்றாமல் விட்டிருக்கிறது ரிசர்வ் வங்கி.

• கோவிட்டின் பாதிப்பிலிருந்து பொருளாதாரம் மீளத்தொடங்கி, தற்போது விலைவாசி உயர்வு நடுத்தர மக்களையும், ஏழைகளையும் பாதிக்கத் தொடங்கியிருக்கிறது. இந்த சமயத்தில் எப்படியும் ரிசர்வ் வங்கி ரிவர்ஸ் ரெப்போவை ஏற்றும் என்றுதான் எதிர்பார்க்கப்பட்டது. ஆனாலும், ஏற்றவில்லை.

• இந்த முடிவு நம்மை எப்படி பாதிக்கும், நம் நிதி திட்டமிடல்கள் எப்படி இதனால் மாறலாம் என்பதை இன்றைய TSL-ல் காண்போம்.

ரெப்போவுக்கும் நமக்கும் என்ன தொடர்பு? 🏦

இந்தியப் பொருளாதாரத்தில் பணப்புழக்கத்தை அதிகரிக்கவும், குறைக்கவும் ரிசர்வ் வங்கி கையில் வைத்திருக்கும் ஆயுதம்தான் இந்த ரெப்போ வட்டி விகிதங்கள். நமக்குத் தெரிந்தோ, தெரியாமலோ இவை தினந்தோறும் நம் நிதி வாழ்க்கையில் தாக்கம் செலுத்தி வருகின்றன. எப்படி? அதற்கு முன்பு இரண்டிற்கும் இடையேயான வித்தியாசத்தைப் பார்த்துவிடுவோம்.

👉 ரெப்போ: ரிசர்வ் வங்கி, பிற வங்கிகளுக்கு வழங்கும் குறுகிய கால கடன்களுக்கான வட்டி விகிதம். இந்த ரெப்போ வட்டிவிகிதம் அதிகமானால்…

• வங்கிகள் ரிசர்வ் வங்கியிடம் வாங்கும் கடன்களைக் குறைக்கும்.

• இதனால், வங்கிகளிடையே பணப்புழக்கம் குறைந்து, சந்தையிலும் பணப்புழக்கம் குறையும்.

• உங்களுக்கு வங்கிகள் வழங்கும் கடன்களின் (வீட்டுக்கடன், வாகன கடன்) வட்டி விகிதம் அதிகரிக்கும்.

• வங்கியில் டெபாசிட் செய்திருக்கும் பணத்திற்கும் வட்டி விகிதங்கள் குறையும்.

👉 ரிவர்ஸ் ரெப்போ: இது ரிசர்வ் வங்கி, வங்கிகளிடமிருந்து பெற்றுக்கொள்ளும் பணத்திற்கு தரும் வட்டி. இந்த ரிவர்ஸ் ரெப்போ வட்டி விகிதம் அதிகமானால்…

• வங்கிகள் ரிசர்வ் வங்கியிடம் அதிகப் பணத்தைக் கொடுத்து சேமிக்கும். இதனால் சந்தையில் பணப்புழக்கம் குறையும். வாடிக்கையாளர்களுக்கு கடன் வழங்குவதும் குறையும்.

• இதுவே ரிவர்ஸ் ரெப்போ குறைந்தால், மேற்கண்டவை அப்படியே தலைகீழாக நடக்கும்.

விளக்கங்கள் போதும்; இனி விஷயத்திற்கு வருவோம். 🎯

2020-ம் ஆண்டு இந்தியப் பொருளாதாரத்தை கொரோனா முற்றிலுமாக முடக்கியபோது, நாட்டில் பணப்புழக்கம் குறைந்தது. இதை சரிசெய்ய வேண்டுமல்லவா? அதற்காக எப்போதும் இல்லாத அளவிற்கு ரெப்போ வட்டி விகிதத்தை 4.0% ஆகவும், ரிவர்ஸ் ரெப்போவை 3.35% ஆகவும் குறைத்தது ரிசர்வ் வங்கி. (இதுவே பிப்ரவரி 2020-ல் இரண்டும் முறையே 5.15% மற்றும் 4.90%)

• இதனால் வங்கி சேமிப்புகளுக்கான வட்டி விகிதங்கள் குறைந்தன. இதன்மூலம், வங்கிகளில் மக்கள் அதிகம் பணத்தை சேமிக்காமல், அவற்றை செலவிடவும் முதலீடு செய்யவும் ரிசர்வ் வங்கி ஊக்குவித்தது.

• இதேபோல வங்கிகளும் கடன் வட்டி விகிதங்களைக் குறைத்தன. இதனால், வீட்டுக்கடன் உள்பட பல கடன்களுக்கான வட்டி விகிதங்கள் குறையவே, கடன் வாங்குவோர் எண்ணிக்கை உயர்ந்தது. இதனால் பணப்புழக்கமும் அதிகரிக்கத் தொடங்கியது. இவையனைத்தும் 2020 மற்றும் 2021-ன் கதை.

இப்போது அப்படியே 2022-க்கு வருவோம். தற்போது கொரோனாவின் பாதிப்பு குறைய ஆரம்பித்து கொஞ்சம் கொஞ்சமாக பொருளாதாரம் மீளத் தொடங்கிவிட்டது. இரண்டு ஆண்டுகளாக பணப்புழக்கம் அதிகரித்து, அதனால் தற்போது பணவீக்கமும் (Inflation) உயரத் தொடங்கிவிட்டது. எனவே பணப்புழக்கத்தை ஊக்குவிக்கும் பணியைக் கொஞ்சம் குறைத்து, மீண்டும் ரிசர்வ் வங்கி இயல்பு நிலைக்குத் திரும்பத் தொடங்கும் என எதிர்பார்க்கப்பட்டது.

• அண்மையில் நடந்த Monetary Policy Committee (MPC) கூட்டத்தில், ரிவர்ஸ் ரெப்போவை மட்டுமாவது 20 புள்ளிகள் அதிகரிக்கும் எனவும் எதிர்பார்க்கப்பட்டது. ஆனால், ரிசர்வ் வங்கி அப்படிச் செய்யவில்லை.

என்ன காரணம்?

``கொரோனாவின் பாதிப்பு குறைந்துவிட்டதுதான். ஆனால், ஓமிக்ரானால் ஏற்பட்ட பாதிப்புகளிலிருந்து சர்வதேச சந்தைகள் இன்னும் முழுமையாக மீளவில்லை. உலக வர்த்தகத்தில் 2020-ம் ஆண்டு தொடங்கிய ஏற்பட்ட லாஜிஸ்டிக்ஸ் பிரச்னைகளும் இன்னும் முழுமையாக சரியாகவில்லை. உலக அரசியல் நிகழ்வுகளும் நம்பிக்கை தரும்படி இல்லை. எனவே இந்தியப் பொருளாதாரம் பழைய நிலைக்குத் திரும்ப இன்னும் சில காலம் தேவைப்படுகிறது” எனக் கருதுகிறது ரிசர்வ் வங்கி.

இதனால்தான் ரெப்போவை அப்படியே விட்டு, இன்னும் பொருளாதாரம் கொஞ்சம் மீளட்டும் எனக் காத்திருக்கிறது.

இதனால் என்ன பாதிப்புகள் ஏற்படும்?

கடந்த ஆண்டு டிசம்பர் மாத நிலவரப்படி இந்தியாவின்,

- மொத்த சில்லறை பணவீக்கம் (Retail Inflation) - 5.59%

- மொத்த விலை பணவீக்கம் (Wholesale Price Inflation) - 13.56%

ரிசர்வ் வங்கியின் நேற்றைய முடிவால் இன்னும் சில மாதங்களுக்கு பணவீக்கம் / விலைவாசி உயர்ந்தேதான் இருக்கும். இப்போதைக்கு குறைய வாய்ப்பில்லை. இந்த ஆண்டின் இறுதியில்தான் பணவீக்கம் கொஞ்சம் கட்டுக்குள் வரும் எனச் சொல்கிறது ரிசர்வ் வங்கி. எனவே நுகர்வோரின் விலைவாசிப் பிரச்னை இன்னும் தொடரும்.

வேறு யார் பாதிக்கப்படுவார்கள்?

தொழில் நிறுவனங்கள்தான். எரிபொருள் மற்றும் மூலப்பொருள்கள் விலை உயர்வு காரணமாக உற்பத்தியாளர்கள் மற்றும் தொழில்நிறுவனங்களின் உற்பத்திச் செலவு கணிசமாக உயர்ந்திருக்கிறது. ஆனாலும்கூட, பொருளாதார மந்தநிலை காரணமாக, அவற்றை உடனே வாடிக்கையாளர்களுக்கு கடத்த முடிவதில்லை.

உதாரணமாக, ஒரு உணவகத்தில் பிரியாணி தயாரிக்க 80 ரூபாய் செலவாகிறது என வைத்துக்கொள்வோம். அதை 100 ரூபாய்க்கு உரிமையாளர் விற்பனை செய்கிறார். தற்போது விலைவாசி உயர்வால் தயாரிப்பு செலவு 90 ஆகியிருக்கும். ஆனாலும், அந்த 10 ரூபாயை இந்த சமயத்தில் ஏற்றினால் வாடிக்கையாளர்கள் வரமாட்டார்கள் என ஏற்றாமலே வைத்திருப்பார். அல்லது 5 ரூபாய் மட்டும் ஏற்றியிருப்பார். இப்படி சந்தையில் Demand இன்னும் கொரோனாவுக்கு முந்தைய நிலைக்கு முழுமையாகச் செல்லவில்லை என்பதால் நிறுவனங்கள்தான் நஷ்டக் கணக்கை தாங்கிக் கொள்கின்றன

ஆட்டோமொபைல், கட்டுமானம், உலோகங்கள், சிறு குறு தொழில்நிறுவனங்கள் என எல்லா இடங்களுக்கும் இந்த உதாரணம் பொருந்தும். தொழில்நிறுவனங்களே நஷ்டத்தை தாங்கிக்கொள்ளும் இந்த நிலையைச் சரிசெய்ய ரிசர்வ் வங்கியும் சரி, அண்மையில் தாக்கல் செய்யப்பட்ட பட்ஜெட்டும் சரி; பெரியளவில் எந்தவொரு நடவடிக்கையும் எடுக்கவில்லை. (பிரிட்டன் ரெப்போவை ஏற்றியிருக்கிறது; அமெரிக்காவும் விரைவில் ஏற்றவிருக்கிறது) எனவே இவர்களுக்கும் சிக்கல்கள் தொடர்கின்றன.

ரிசர்வ் வங்கி முடிவால் நன்மைகளும் உண்டுதானே?

நிச்சயமாக. ஏற்கெனவே பார்த்ததுபோல, இனியும் சில மாதங்களுக்கு வீட்டுக்கடன், வாகன கடன், தனிநபர் கடன் ஆகியவை குறைந்த வட்டியில் கிடைக்கும். இந்த வாய்ப்பைப் பயன்படுத்தி கடன்பெறலாம். வீட்டுக்கடன்கள் 6.65%-யிலிருந்துகூட கிடைக்கின்றன.

• ஏற்கெனவே வாங்கிய வீட்டுக் கடன் இன்னமும் 5 ஆண்டுகளுக்கும் மேல் மிச்சம் இருக்கிறது எனில், அதன் வட்டி விகிதமானது BPLR, MCLR ஆகியவற்றின்படி மாற்றியமைக்கப்படுகிறதா என உறுதி செய்துகொள்ளலாம். அப்படி இருப்பின் அதை EBLR - External Benchmark-Linked Rate-க்கு வங்கியில் விண்ணப்பித்து மாற்றிக்கொள்வதன் மூலம், நீங்கள் கட்டும் வட்டிவிகிதத்தையும் குறைத்துக்கொள்ளலாம்.

இப்படி நன்மையும் சிக்கல்களும் சேர்ந்த கலவையாக அமைந்திருக்கிறது ரிசர்வ் வங்கியின் நடவடிக்கை!

Share The Subject Line

1. கர்நாடக ஹிஜாப் வழக்கில் என்ன நடந்தது?

பள்ளி, கல்லூரி மாணவிகள் ஹிஜாப் அணிந்துகொள்வது தொடர்பான வழக்கு நேற்று கர்நாடக உயர்நீதிமன்றத்தில் 3 நீதிபதிகள் அடங்கிய அமர்வின் முன் விசாரணைக்கு வந்தது.

• விசாரணையை முடித்து இறுதியாக உத்தரவு பிறப்பித்த நீதிபதிகள், ``நாளை முதல் பள்ளிகள் திறக்கப்படலாம். இந்த வழக்கு விசாரணை மொத்தமாக முடியும் வரை, பள்ளிகளுக்கு ஹிஜாப், காவித்துண்டு உள்பட எந்தவொரு மத அடையாள உடைகளையும் அணிந்துகொண்டு மாணவர்கள் பள்ளிகளுக்குச் செல்லக்கூடாது. பள்ளிகளில் அமைதி நிலவவேண்டும்” எனத் தெரிவித்துள்ளனர்.

• ஆனால், அரசியலமைப்புச் சட்டம் மத சுதந்திரத்திற்காக தந்த உரிமைகளை இப்படி தற்காலிகமாக நீதிபதிகள் பறிப்பது தவறானது என இந்த உத்தரவுக்கு விமர்சனங்களும் எழுந்துள்ளன. மீண்டும் இந்த வழக்கு திங்கள் கிழமைக்கு விசாரணைக்கு வருகிறது.

• இந்நிலையில், ``வரும் திங்கள் முதல் 10-ம் வகுப்பு வரையிலான மாணவர்களுக்கு மட்டும் பள்ளிகள் திறக்கப்படுகின்றன. பள்ளி வளாகங்களில் எந்த மத உடைகளுக்கும் அனுமதியில்லை. 11-ம் வகுப்புக்கு மேற்பட்ட மாணவர்கள் குறித்து பிறகு முடிவெடுக்கப்படும்” எனத் தெரிவித்திருக்கிறார் அம்மாநில முதல்வர் பசவராஜ் பொம்மை.

2. நிறைவடைந்த முதல்கட்ட வாக்குப்பதிவு

உத்தரப்பிரதேசத்தின் 11 மாவட்டங்களில் நேற்று முதல்கட்ட வாக்குப்பதிவு நிறைவுற்றது. 2017-ல் 63.47% ஆக இருந்த வாக்குப்பதிவு சதவிகிதம், நேற்று 60.17% ஆக குறைந்திருக்கிறது.

• இந்தப் பகுதிகள் அனைத்தும் பெருவாரியான அளவில் ஜாட் சமூகத்தினரும் விவசாயிகளும் வசிக்கும் பகுதி. வேளாண் சட்டங்களுக்கு எதிரான போராட்டங்களை தீவிரமாக முன்னெடுத்த பகுதியும்கூட. எனவே இந்தப் பகுதி பா.ஜ.க-விற்கு சவாலானதாகவும், சமாஜ்வாதிக்கு சாதகமானதாகவும் கருதப்படுகிறது.

• தேர்தல் நாளான நேற்று இன்னொரு சம்பவமும் உ.பி-யில் நடைபெற்றுள்ளது. லக்கிம்பூரில் விவசாயிகளை கார் ஏற்றி கொலைசெய்த வழக்கில் கைதாகி சிறையில் இருந்த, மத்திய உள்துறை இணை அமைச்சர் அஜய் மிஷ்ராவின் மகன் ஆஷிஷ் மிஸ்ரா நேற்று ஜாமீனில் வெளியே வந்திருக்கிறார்.

• உத்தரப்பிரதேச உயர்நீதிமன்றம் ஜாமீன் வழங்கியிருக்கிறது. அந்த கொலை சம்பவம் நடைபெற்ற லக்கிம்பூர் பகுதிக்கு, 4-ம் கட்ட தேர்தலின் போது வாக்குப்பதிவு நடைபெறவிருக்கிறது.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 3,592 (நேற்று முன்தினம்: 3,971) 🔻

  - அதிகபட்சமாக, சென்னையில்: 663 (742) 🔻

  - தமிழகம் முழுவதும் உயிரிழந்தவர்களின் எண்ணிக்கை: 25 (28) 🔻

• இந்தியாவில் நேற்று பதிவான கொரோனா பாதிப்பு: 67,084 (71,365) 🔻

• ☔️ Rain Alert: இன்று மற்றும் நாளைக்கான வானிலை முன்னறிவிப்பு 🌦

• தமிழக பா.ஜ.க அலுவலகமான கமலாலயத்தில் நேற்று முன்தினம் இரண்டு பெட்ரோல் குண்டுகள் வீசிய கருக்கா வினோத் என்ற நபரை நேற்று சென்னை போலீசார் கைது செய்தனர். ஏற்கெனவே குற்றப்பின்னணி கொண்ட வினோத் மீது, 4 கொலைமுயற்சி வழக்குகள் உள்பட 10 வழக்குகள் உள்ளன. நீட் தேர்வு விவகாரத்தில் பா.ஜ.க-வின் நிலைப்பாட்டிற்காகவே குண்டு வீசியதாக வினோத் தெரிவித்திருக்கிறார். ஆனால், தமிழக பா.ஜ.க தலைவர் அண்ணாமலை, இந்தக் காரணம் நம்பும்படி இல்லையென்றும், இந்த வழக்கை என்.ஐ.ஏ விசாரிக்கவேண்டும் எனவும் வலியுறுத்தியிருக்கிறார்.

• வெளிநாட்டிலிருந்து வரும் பயணிகள் 7 நாள்கள் கட்டாயம் குவாரன்டைன் செய்துகொள்ள வேண்டும் என்ற விதியை பிப்ரவரி 14-ம் தேதி முதல் தளர்த்துகிறது மத்திய அரசு. கொரோனா நெகட்டிவ் என்ற டெஸ்ட் ரிசல்ட்டும், 2 டோஸ் தடுப்பூசி எடுத்துக்கொண்டதற்கான ஆதாரம் மட்டுமே இனிமேல் போதும்.

• தஞ்சை பள்ளி மாணவியின் தற்கொலை வழக்கை அண்மையில் சி.பி.ஐ-க்கு மாற்றி உத்தரவிட்டிருந்தது சென்னை உயர்நீதிமன்றத்தின் மதுரை கிளை. இதை எதிர்த்து தமிழக டி.ஜி.பி, தஞ்சாவூர் எஸ்.பி ஆகியோர் சார்பில் உச்சநீதிமன்றத்தில் தொடரப்பட்ட மேல்முறையீட்டு வழக்கு வரும் திங்கள் கிழமை விசாரணைக்கு வருகிறது.

• தேர்தல் பிரசார வீடியோ ஒன்றில் உ.பி முதல்வர் யோகி ஆதித்யநாத், ``உத்தரப்பிரதேசம் காஷ்மீரைப் போலவோ, கேரளாவைப் போலவோ, மேற்கு வங்கம் போலவோ மாற நீண்ட நாள்கள் பிடிக்காது. அப்படி நடக்காமல் இருக்க உங்கள் வாக்கு முக்கியம்” எனப் பேச, அதற்கு ட்விட்டரில் கவுன்ட்டர் கொடுத்திருக்கிறார் கேரள முதல்வ பினராயி விஜயன். ``ஒருவேளை யோகி பயப்படுவது போல கேரளாவாக மாறினால், சிறந்த கல்வி, சிறந்த சுகாதாரக் கட்டமைப்பு, நல்ல வாழ்க்கைத்தரம் ஆகியவற்றை உத்தரப்பிரதேசம் பெறும். இங்கு யாரும் சாதியின் பெயரால், மதத்தின் பெயரால் கொல்லப்படுவதுமில்லை.” என யோகிக்கு ட்வீட் செய்திருக்கிறார்.

• கூடங்குளம் அணுமின் நிலையத்தில், அணுக்கழிவு மையம் அமைப்பதற்கான ஒப்பந்தங்களைக் கோரியுள்ளது தேசிய அணுமின் கழகம். அணுக்கழிவுகளைக் கையாளும் தொழில்நுட்பம் இந்திய அரசிடம் இல்லாததால், தற்காலிகமாக இன்றி கூடங்குளத்திலேயே இந்தக் கழிவுகள் நிரந்தரமாக சேமிக்கப்பட்டுவிட வாய்ப்புள்ளது என இத்திட்டத்திற்கு எதிர்ப்பு தெரிவிக்கின்றனர் சூழலியல் ஆர்வலர்கள்.

On This Day, Feb 11

- விஞ்ஞானி தாமஸ் ஆல்வா எடிசன் பிறந்தநாள், 1847

- அறிவியல் மற்றும் தொழில்நுட்பத்தில் பெண்களின் பங்களிப்பை ஊக்குவிக்கும் வகையில், `International Day of Women and Girls in Science' இன்று கடைபிடிக்கப்படுகிறது.

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

நாடு முழுக்க எப்போதும் எதிர்பார்ப்பை ஏற்படுத்தும் தேர்தல்களில் ஒன்று, உத்தரப்பிரதேச மாநில சட்டமன்றத் தேர்தல். 403 உறுப்பினர்களைக் கொண்ட மெகா சட்டசபை, தேசிய அரசியலில் ஏற்படுத்தும் விவாதங்கள், நாடாளுமன்றத் தேர்தல்களுக்கு 2 ஆண்டுகள் முன் வருவது என இந்த எதிர்பார்ப்பிற்கு பல காரணங்கள். அப்படிப்பட்ட உ.பி தேர்தலில் முதல்கட்ட வாக்குப்பதிவு இன்று தொடங்குகிறது.

`இந்த உ.பி சட்டமன்றத் தேர்தல் 2024-ம் ஆண்டு மக்களவைத் தேர்தலுக்கான முன்னோட்டம்’ என மட்டும் மேலோட்டமாகச் சொல்லப்பட்டாலும், தற்போதைய அரசியல் சூழலில் அதைத் தாண்டியும் சில முக்கியமான விஷயங்களை உ.பி தேர்தல் முடிவுகள் முடிவு செய்யவிருக்கின்றன. அவை என்ன?

2024-ல் பா.ஜ.க-வின் வெற்றி வாய்ப்பு? இந்த உ.பி சட்டமன்றத் தேர்தலில் ஒருவேளை பா.ஜ.க வென்று ஆட்சியமைத்தாலும்கூட, அதை வைத்து மட்டுமே 2024-லும் பா.ஜ.க-வே மத்தியிலும் ஆட்சியமைக்கும் என்றோ அல்லது 2024-ல் பா.ஜ.க தோற்கும் என்றோ சொல்லிவிடமுடியாது.

• காரணம், 2024-க்கும், 2022-க்கும் இடையே இந்த 5 மாநில தேர்தல்கள் தவிர்த்து இன்னும் 10-க்கும் மேற்பட்ட சட்டமன்றத் தேர்தல்கள் இருக்கின்றன. மேலும், மக்களும் மாநில தேர்தல்களில் வாக்களிப்பவர்களுக்கே அப்படியே மக்களவைத் தேர்தலிலும் வாக்களிப்பதில்லை.

• உதாரணமாக, 2012-ல் பா.ஜ.க உ.பி-யில் வென்ற இடங்கள் வெறும் 47-தான். ஆனால், 2014-ல் மத்தியில் தனிப்பெரும்பான்மையுடன் ஆட்சியமைத்தது.

• அதேபோல 2018-ம் ஆண்டு நடந்த மாநில சட்டமன்றத் தேர்தல்களிலும் ராஜஸ்தான், கர்நாடகா, மத்தியப் பிரதேசம் ஆகிய மாநிலங்களில் காங்கிரஸ் ஆட்சியைப் பிடிக்க, பா.ஜ.க பின்னடைவைச் சந்தித்தது. ஆனால், 2019-ல் நடந்ததோ வேறு. எனவே இது 2024-க்கான முன்னோட்டமெல்லாம் இல்லை.

தேசிய அரசியலில் யோகியின் இடம்? 2017-க்கு முன்புவரை, யோகி ஆதித்யநாத் கோரக்பூரில் ஆதிக்கம் செலுத்திவந்த ஒரு எம்.பி மட்டுமே. ஆனால், இந்த 2022-ல் `அடுத்த மோடியே அவர்தான்!’ என்ற ரேஞ்சுக்கு வந்துவிட்டார்.

• 2017-ல் அம்மாநில முதல்வராகத் தேர்ந்தெடுக்கப்பட்டதும் உ.பி-க்கே உரிய இந்துத்துவ அரசியலை தீவிரமாக முன்னெடுத்தார். அயோத்தி ராமர் கோயில், மாட்டிறைச்சிக்கு தடை, காசி கோயில் விரிவாக்கத் திட்டம், சிறுபான்மையினரைக் குறிவைக்கும் `லவ் ஜிஹாத்’ சட்டங்கள் என இந்துத்துவ அரசியலின் எந்தக் கூறையும் அவர் விட்டுவைக்கவில்லை.

• முதல்முறையாக இந்தமுறை தன் பலத்தை நிரூபிக்க சட்டமன்றத் தேர்தலிலும் நேரடியாகப் போட்டியிடுகிறார். குஜராத் காலத்தில் மோடி தொடங்கியதைப் போலவே, ஊடகங்களில் மாநில வளர்ச்சிப் பணிகள் குறித்த படோடோபமான விளம்பரங்கள், தனி நபர் துதி என `மினி மோடியாக’ அவர் தயாராகிவிட்டார். இந்தப் பயணம் எங்குபோய் முடியும் என்பதுதான் அடுத்த கேள்வி. இதற்கு இருவேறு யூகங்கள் சொல்லப்படுகின்றன.

• முதலாவது, பிரதமர் பதவி. 2024 மக்களவைத் தேர்தலின்போது மோடிக்கு வயது 73 ஆக இருக்கும். 75 வயதுக்கு மேற்பட்ட யாரும் நேரடி அரசியல் பதவிகளில் இருக்கக்கூடாது என்பது பா.ஜ.க-வில் எழுதப்படாத விதி (எடியூரப்பா போல விதிவிலக்குகளும் உண்டு). அப்படி, `பிரதமர் மோடி 75 வயதுக்குப் பிறகு பிரதமர் பொறுப்பைத் தொடரமாட்டார் (ஒருவேளை தேர்தலில் வென்றால்) எனில், அதற்கு யோகியே அடுத்த சாய்ஸாக இருப்பார்; அதற்கான அச்சாரம்தான் அவரின் உ.பி அரசியல்!’ என்பது ஒரு யூகம்.

• இரண்டாவது, உத்தரப்பிரதேசத்தில் மட்டுமே பா.ஜ.க-வை இன்னும் பலப்படுத்துவது. இந்த இரண்டு டாஸ்க்குகளிலும் யோகியின் பெயர் இருக்கவேண்டுமென்றால், நிச்சயம் இந்த தேர்தலில் அவருக்கு வெற்றி அவசியம். எனவே யோகியின் முதல் பலப்பரீட்சையாக இந்த தேர்தல் இருக்கப்போகிறது.

குடியரசுத் தலைவர் தேர்தல்: தற்போதைய குடியரசுத்தலைவர் ராம்நாத் கோவிந்தின் பதவிக்காலம் வரும் ஜூலையுடன் முடிவடைகிறது. இதற்கடுத்து நடக்கும் தேர்தலில் பா.ஜ.க-வின் வேட்பாளருக்கு செக் வைக்க திட்டமிடுகின்றன எதிர்க்கட்சிகள். எதிர்க்கட்சிகளின் வேட்பாளராக சரத் பவாராக இருக்கலாம் எனவும் எதிர்பார்க்கப்படுகிறது.

• தற்போதைய NDA கூட்டணி கணக்குகளின்படி, பா.ஜ.க-வால் 49.9% வாக்குகளை மட்டுமே தன் வேட்பாளருக்குப் பெற்றுத்தர முடியும். மற்ற எதிர்க்கட்சிகள் நினைத்தால் 51.1% வாக்குகளைப் பெற முடியும். இதுவே 2017-ல் பா.ஜ.க-வின் பலம் 65.65% ஆக இருந்தது.

• அப்போது பா.ஜ.க-வுடன் கூட்டணியில் இருந்த சிவசேனா, அகாலி தளம் போன்ற கட்சிகள் தற்போது இல்லை. அ.தி.மு.க-வும் பெருவாரியான இடங்களை இழந்துவிட்டது. எனவே பா.ஜ.க குடியரசுத் தலைவர் தேர்தலில் ஜெயிக்கவேண்டுமென்றால் ஒய்.எஸ்.ஆர் காங்கிரஸ், தெலங்கானா ராஷ்ட்ரிய சமிதி, பிஜூ ஜனதா தள் உள்ளிட்ட கட்சிகளின் தயவு அவசியம்.

• மேலும், கடந்தமுறை அக்கட்சிக்கு அதிகம் கைகொடுத்ததே உ.பி-யில் ஜெயித்த 312 சீட்டுகள்தான். ஒருவேளை இந்தமுறை அதிலிருந்து 100 சீட்டுகள் குறைந்தாலும்கூட, உ.பி-யில் ஆட்சியமைக்கலாம். ஆனால், குடியரசுத் தலைவர் தேர்தலில் வாக்குக்கான சதவீதம் இன்னும் (~47% ஆகிவிடும்) குறைந்துவிடும். (பிற 4 மாநிலங்கள் சிறியவை என்பதால் வாக்கு சதவீதத்தில் மிகக்குறைந்த அளவே சரிவு ஏற்படும்.)

• எனவே, உ.பி-யில் மீண்டும் 300+ சீட்டுகளைப் பெறுவது பா.ஜ.க-விற்கு மிக முக்கியமாகிறது. ஒருவேளை இந்த 5 மாநில தேர்தலில் பா.ஜ.க சறுக்கிவிட்டால், அதனால் பிற கட்சிகளுடனும் வெற்றிகரமாகப் பேச்சுவார்த்தை நடத்துவதிலும் சிக்கல்கள் ஏற்படலாம். இதுவும் எதிர்க்கட்சிகளுக்கு சாதகமாக அமையும்.

• இதைப் பயன்படுத்தி முதல்முறையாக 2014-க்குப் பிறகு பா.ஜ.க-விற்கு எதிர்க்கட்சிகள் அனைத்தும் சேர்ந்து செக் வைக்கலாம். இந்த விஷயமும் உ.பி தேர்தல் முடிவுகளைப் பொறுத்தே தீர்மானிக்கப்படவிருக்கிறது.

மத்திய அரசின் போக்கு: அனைத்து தேர்தல்களிலும் ஒரு விஷயத்தைப் பொதுவாக காணமுடியும். ஆளும்கட்சிக்கு எதிராக எதிர்க்கட்சிகள் சில குறிப்பிட்ட விஷயங்களை பெரிதாக கையிலெடுக்கும். அதையொட்டியே பிரசாரக் களமும் இருக்கும்.

• ஆனால், இந்த உ.பி தேர்தலில் தாக்கம் செலுத்தக்கூடிய போராட்டங்களாகக் கருதப்படும் குடியுரிமை திருத்தச் சட்டத்திற்கெதிரான போராட்டங்கள், வேளாண் சட்டங்களுக்கு எதிரான போராட்டங்கள், வேலைவாய்ப்புக்காக மாணவர்களின் போராட்டங்கள் ஆகிய மூன்றுமே எந்தவொரு அரசியல் கட்சியின் பின்னணியின்றி மக்கள் தாங்களாக முன்னெடுத்த போராட்டங்கள்.

• இவற்றிற்குப் பிறகும்கூட பா.ஜ.க இந்துத்துவா கொள்கையை முன்னிறுத்தியே தேர்தலை எதிர்கொள்கிறது. எனவே, மக்களிடையே எழுந்துள்ள அதிருப்தி தேர்தலில் மாற்றத்தை ஏற்படுத்துமா அல்லது பா.ஜ.க-வின் வழக்கமான இந்துத்துவா ஃபார்முலா பயனளிக்குமா என்பதும் இந்த தேர்தலில் உற்றுநோக்கப்படுகிறது.

• இந்துத்துவா ஃபார்முலா மீண்டும் ஜெயித்துவிட்டால், அடுத்த 2 ஆண்டுகளுக்கு மத்திய பா.ஜ.க அரசு தைரியமாக அதைத் தொடரும். எனவேதான், இந்த முடிவுகள் அடுத்த இரண்டு ஆண்டுகளுக்கு மத்திய அரசின் அணுகுமுறையிலும், தேசிய அரசியலிலும் மாற்றத்தை ஏற்படுத்தலாம் என எதிர்பார்க்கப்படுகிறது.

இதுதவிர, மாயாவதி மற்றும் பகுஜன் சமாஜ் கட்சியின் எதிர்காலம், உ.பி காங்கிரஸில் பிரியங்கா காந்தி ஏற்படுத்திய தாக்கம், OBC மக்களின் வாக்கு அகிலேஷுக்கா, யோகிக்கா என்ற கணக்குகள் என அம்மாநிலத்திற்குரிய மற்ற சில எதிர்பார்ப்புகளும் இருக்கின்றன.

இவை அனைத்திற்கும் விடை மார்ச் 10-ல் தெரியும்!

Share The Subject Line

1. அணு ஆற்றலில் முக்கியமான மைல் கல்

இன்றைக்கு நாம் உலகில் பயன்படுத்தும் அணு உலைகள் அனைத்துமே அணுக்கருவு பிளவு (Nuclear Fission) தத்துவத்தின் அடிப்படையில் இயங்குபவை. இதற்கு எதிர்மாறாக அணுக்கருவு இணைவு (Nuclear Fission) தத்துவத்தின் அடிப்படையில் இயங்குபவை சூரியன் உள்ளிட்ட நட்சத்திரங்கள்.

• இந்த தத்துவத்தின் அடிப்படையில் அணு ஆற்றலை உற்பத்தி செய்வதற்கான முயற்சிகள் பல ஆண்டுகளாகவே நடந்து வருகின்றன.

• இந்நிலையில்தான், பிரிட்டனில் உள்ள ஜெட் ஆய்வகத்தில் நேற்று 5 நொடிகளுக்கு அணுக்கருவு இணைவு விளைவை நிகழ்த்தி, 11 மெகாவாட் மின்சாரத்தை உற்பத்தி செய்து முதல்முறையாக சாதித்திருக்கின்றனர் சர்வதேச விஞ்ஞானிகள்.

• எதிர்காலத்தில் இதைப் பெரிய உள்கட்டமைப்பு வசதிகளுடன் செய்யும்போது, தற்போதைய அணு உலைகளைப் போலவே இவற்றிலிருந்தும் ஆற்றலைப் பெறமுடியும். சரி, இதில் அப்படியென்ன சிறப்பு?

• ஒன்று, இது பசுமை இல்ல வாயுக்களை வெளியிடுவதில்லை. தற்போதைய அணு உலைகளைப் போல ஆபத்தான அணுக்கழிவுகளையும் வெளியிடுவதில்லை. மிகக்குறைவான, குறுகிய காலத்தில் செயலிழக்கும் கழிவுகள் மட்டுமே இதிலிருந்து வெளியாகும். எனவே பருவநிலை மாற்றத்திற்கு எதிரான பயணத்தில் இது ஒரு முக்கிய மைல் கல்லாகப் பார்க்கப்படுகிறது.

• தற்போதைய அணு உலைகளை விடவும் இது பல மடங்கு பாதுகாப்பானவையும்கூட. எனவே எதிர்காலத்தில் எண்ணெய், இயற்கை எரிவாயு போன்றவற்றிற்கு மாற்றாகவும் இந்த அணுக்கரு இணைவு உலைகள் கருதப்படுகின்றன. அப்படியென்றால் விரைவில் இவை பயன்பாட்டுக்கு வந்து பூமியின் பிரச்னைகள் தீர்ந்துவிடுமா?

• அதுதான் இல்லை. எப்படியும் ஆராய்ச்சிகள் முடிந்து, தற்போதைய உலைகள் போலவே பயன்பாட்டுக்கு வர 20 ஆண்டுகளுக்கு மேலாகிவிடுமாம்.

2. நேர்காணலில் மோடி சொன்னவை என்ன?

இன்றைக்கு உத்தரப்பிரதேசத்தில் முதல்கட்ட வாக்குப்பதிவு நடைபெறவிருக்கும் நிலையில், நேற்று ANI ஊடகத்திற்குப் பேட்டியளித்திருக்கிறார் பிரதமர் மோடி. இது தேர்தல் நடத்தை விதிகளுக்கு எதிரானது என இதை எதிர்க்கட்சிகள் விமர்சித்துள்ளன. சரி, நேர்காணலில் என்ன சொன்னார்?

• வழக்கம்போல எதிர்க்கட்சிகள் குறித்தே அதிகம் விமர்சனங்களை முன்வைத்தார். முதல்முறையாக லக்கிம்பூரில் விவசாயிகள் கொல்லப்பட்டது தொடர்பாக தன் மௌனத்தைக் கலைத்திருக்கிறார்.

• ``நீதிமன்ற கண்காணிப்பில் நடக்கும் விசாரணைகளுக்குகு மாநில அரசு சார்பில் ஒத்துழைப்பு வழங்குகிறோம். மாநில அரசும் வெளிப்படையாக விசாரணை நடத்தி வருகிறது” என அந்த சம்பவம் குறித்து தெரிவித்திருக்கிறார்.

• இதேபோல வேளாண் சட்டங்கள் வாபஸ் வாங்கியது பற்றி கூறுகையில், விவசாயிகளின் நலனுக்காகவே அந்த சட்டங்கள் கொண்டுவரப்பட்டதாகவும், நாட்டின் நலன் கருதியே மசோதா திரும்பப் பெறப்பட்டதாகவும் தெரிவித்துள்ளார்.

• பா.ஜ.க அரசின் ஊதுகுழலாகவே பார்க்கப்படும் ஊடகம் ANI. எனவே தேர்தல் பிரசாரம் போல குற்றச்சாட்டுகள் மட்டுமே பிரதமரின் பதில்களில் இருந்ததே தவிர, வேறு எந்தவொரு முக்கியமான அம்சங்களும் அதில் இடம்பெறவில்லை.

3. SIT-க்கு மாற்றப்பட்ட ராமஜெயம் கொலை வழக்கு

தி.மு.க-வின் மூத்த அமைச்சரான கே.என்.நேருவின் தம்பியான ராமஜெயம் 2012-ம் ஆண்டு திருச்சியில் கொலை செய்யப்பட்டார். முதலில் சி.பி.சி.ஐ.டி விசாரித்து வந்த இந்த வழக்கு 2017-ம் ஆண்டு சி.பி.ஐ-க்கு மாற்றப்பட்டது.

• ஆனால், 4 ஆண்டுகள் ஆகியும் இதுவரையிலும் கொலைக்கான காரணமோ, கொலையாளியோ கண்டுபிடிக்கப்படவில்லை. எனவே இந்த வழக்கை மீண்டும் மாநில அரசுக்கே மாற்றவேண்டும் என ராமஜெயத்தின் சகோதரர் ரவிச்சந்திரன், சென்னை உயர்நீதிமன்றத்தின் மதுரை கிளையில் கோரிக்கை வைத்திருந்தார்.

• இதையடுத்து இந்த வழக்கை விசாரிக்க தூத்துக்குடி எஸ்.பி ஜெயக்குமார் தலைமையில் சிறப்பு புலனாய்வுக்குழு அமைத்துள்ளது நீதிமன்றம். 15 நாள்களுக்கு ஒருமுறை அறிக்கை தாக்கல் செய்யவும் இந்தக் குழுவுக்கு உத்தரவிட்டுள்ளது.

• இப்படி சி.பி.ஐ-யிடமிருந்து மாநில காவல்துறைக்கே மீண்டும் வழக்கு மாற்றப்படுவது அரிதான ஒன்று.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 3,971 (நேற்று முன்தினம்: 4,519) 🔻

  - அதிகபட்சமாக, சென்னையில்: 742 (792) 🔻

  - தமிழகம் முழுவதும் உயிரிழந்தவர்களின் எண்ணிக்கை: 28 (37) 🔻

• இந்தியாவில் நேற்று பதிவான கொரோனா பாதிப்பு: 71,365 (67,597) 🔺

• ஹிஜாப்பிற்கு எதிரான போராட்டங்களால் ஏற்பட்ட பதற்றம் காரணமாக, கல்வி நிலையங்களின் அருகே 2 வாரங்களுக்கு போராட தடைவிதித்துள்ளது கர்நாடகா அரசு. ஹிஜாப் விவகாரம் தொடர்பான உயர்நீதிமன்ற வழக்கு, ஒரு நீதிபதி கொண்ட அமர்விலிருந்து 3 பேர் கொண்ட அமர்வுக்கு மாற்றப்பட்டிருக்கிறது. கர்நாடக உயர்நீதிமன்ற தலைமை நீதிபதி தலைமையிலான இந்த அமர்வு, இன்று வழக்கு விசாரணையைத் தொடங்குகிறது.

• கடந்தாண்டு டிசம்பர் மாதம் இறுதியில் தமிழகத்தில் நடத்தப்பட்ட 4-ம் கட்ட சீரோ சர்வே முடிவுகள் நேற்று வெளிவந்துள்ளன. அதன்படி சுமார் 87% பேர் கொரோனாவிற்கு எதிரான ஆன்டிபாடிக்களைக் (Seropositivity) கொண்டுள்ளனர். இதற்கு முன்பு கடந்த ஜூலை / ஆகஸ்ட் மாதங்களில் எடுக்கப்பட்ட சீரோ சர்வேயில் இந்த விகிதம் 70% ஆக இருந்தது.

• வெளிநாடுகளிலிருந்து ட்ரோன்களை இறக்குமதி செய்வதற்கு மொத்தமாக தடைவிதித்துள்ளது மத்திய அரசு. ஆராய்ச்சி மற்றும் பாதுகாப்பு பணிகளுக்கு மட்டும் இதிலிருந்து விதிவிலக்கு. உள்ளூர் ட்ரோன் நிறுவனங்களை ஊக்குவிக்கவே இந்த நடவடிக்கை எடுக்கப்பட்டுள்ளதாக அரசு தெரிவித்திருக்கிறது.

• வெஸ்ட் இண்டீஸ் அணிக்கு எதிரான 2-வது ஒருநாள் போட்டியில் இந்தியா 44 ரன்கள் வித்தியாசத்தில் வெற்றி பெற்றுள்ளது. முதலில் பேட் செய்த இந்திய அணி 237 ரன்கள் எடுத்திருந்தது. அதிகபட்சமாக சூர்யகுமார் யாதவ் 65 ரன்கள் அடித்திருந்தார். 238 ரன்களை என்ற இலக்கை சேஸ் செய்த வெஸ்ட் இண்டீஸ் 193 ரன்களுக்கே ஆல் அவுட் ஆனது. சிறப்பாக பந்துவீசிய பிரசித் கிருஷ்ணா 12 ரன்கள் மட்டுமே கொடுத்து 4 விக்கெட் வீழ்த்தினார். இதையடுத்து 3 போட்டிகள் கொண்ட தொடரை 2-0 என்ற கணக்கில் இந்திய அணி வென்றுள்ளது. கடைசி போட்டி நாளை நடைபெறவுள்ளது.

• 2018-20 காலகட்டத்தில் இந்தியாவில் வேலையின்மை காரணமாக தற்கொலை செய்துகொண்டோரின் எண்ணிக்கை: 9,140, இதே காலகட்டத்தில் கடன்தொல்லையால் உயிரிழந்தவர்கள் எண்ணிக்கை: 16,091. இந்த தகவல்களை நேற்று பாராளுமன்றத்தில் தெரிவித்திருக்கிறார் மத்திய உள்துறை இணை அமைச்சர் நித்யானந்த் ராய்.

• கேரளாவில் குரும்பச்சி மலையில் இரு தினங்களுக்கு முன் ட்ரெக்கிங் செய்த பாபு என்ற இளைஞர் மலையிலிருந்து சரிந்து, ஒரு குகைபோன்ற பள்ளத்தில் விழுந்தார். ஒன்றரை நாளுக்கும் மேலாக, அவரை மீட்க தீயணைப்புத் துறையினர் மற்றும் பேரிடர் மீட்புப் படையினர் முயன்றனர். ஆனால், செங்குத்தான மலை என்பதால் மீட்புப்பணிகள் கடினமாயின.

• இதையடுத்து ராணுவம் அழைக்கப்பட்டது. அவர்கள் மேற்கொண்ட மீட்புப்பணியில் சுமார் 48 மணி நேரம் கழித்து பாபு பத்திரமாக நேற்று மீட்கப்பட்டார். இந்திய ராணுவத்தின் இந்த மீட்புப் பணியும், வீடியோவும் நேற்று வைரல்!

- தமிழகத்தில் வரும் 19-ம் தேதி நகர்ப்புற உள்ளாட்சித் தேர்தலுக்கான வாக்குப்பதிவு நடைபெறவுள்ளது. இதையொட்டி பொது விடுமுறை அறிவிக்கப்பட்டுள்ளது.

இதுபோல தினந்தோறும் அன்றாட அப்டேட்கள் சுவாரஸ்யமான வடிவில் பெற உங்கள் மின்னஞ்சல் முகவரி கொடுத்து The Subject Line நியூஸ்லெட்டரை சப்ஸ்கிரைப் செய்யுங்கள்!

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

முதலில் உடுப்பி மாவட்டத்தில் மட்டுமே தொடங்கிய, இஸ்லாமிய மாணவிகள் ஹிஜாப் அணிவதற்கு எதிரான போராட்டங்கள், நேற்று கர்நாடாகவின் பல மாவட்டங்களுக்கும் பரவியுள்ளன. இந்தப் போராட்டங்களில் தங்கள் சக மாணவர்களுக்கு எதிராக, சக மாணவர்களே மதவெறியுடன் போராடி வருவதும், அவர்களை அடக்குமுறைக்கு உள்ளாக்குவதும் நாடு முழுவதும் அதிர்ச்சியை ஏற்படுத்தியுள்ளது.

இதுவரை இந்த விவகாரத்தில் என்ன நடந்தது என்பதை நேற்று முன்தினம்தான் TSL-ல் பார்த்தோம். அதன்பிறகு தற்போது இந்தப் பிரச்னை எங்கு வந்து நிற்கிறது என்பதையும், நேற்று நடந்த முக்கியமான சம்பவங்களையும் இன்றைய TSL-ல் காணலாம்.

• நேற்றைய தினம் நாடு முழுக்க அதிர்வுகளை ஏற்படுத்தின இரண்டு வீடியோக்கள். ஒன்று, மாண்டியா மாவட்டத்தில் உள்ள ஒரு கல்லூரியில் மாணவி புர்கா அணிந்துவந்தபோது, அவரைக் குறிவைத்து காவித்துண்டு அணிந்துவந்த மாணவர்கள் சிலர்`ஜெய்ஶ்ரீ ராம்’ எனக் கூச்சலிட்ட வீடியோ.

• இந்த வீடியோவில் இடம்பெற்றிருந்தவர் முஸ்கான் என்னும் மாணவி. இந்த சம்பவம் குறித்து அவர் குறிப்பிடுகையில், ``அவர்கள் `ஜெய் ஶ்ரீராம்’ என முழக்கமிட்டார்கள்; அதனால் நானும் `அல்லாஹூ அக்பர்’ என முழக்கமிட்டேன். நான் எப்போதும் ஹிஜாப் அணிவேன். கல்லூரி முதல்வர் எதுவும் சொன்னதில்லை. கடந்த வாரத்திலிருந்துதான் இதற்காக பிரச்னை செய்கிறார்கள். எனக்கு படிப்புதான் முக்கியம். அவர்கள் அதைத்தான் கெடுக்கிறார்கள். அந்த சம்பவத்திற்குப் பிறகு நிறைய பேர் ஆதரவளித்திருப்பதால் நான் தைரியமாக இருக்கிறேன்.” எனக் கூறியுள்ளார்.

இன்னொரு வீடியோ, உடுப்பி எம்.ஜி.எம் கல்லூரியில் ஹிஜாப் அணிந்த மாணவிகளை நோக்கி, காவித்துண்டுகள் அணிந்த மாணவர்கள் ஓடிவந்து கோஷமிடுவது. தேர்வறைக்குள் அனுமதிப்பது தொடர்பாக போராட்டங்கள் நடைபெற்றபோது, ஓரிடத்தில் இரு தரப்பினரும் எதிரெதிரே சந்தித்துக் கொண்டனர். அப்போது அங்கு பதற்றம் உருவானது.

இதேபோல இந்து அமைப்பு ஒன்று, மாணவர்களுக்கு காவி டர்பன் மற்றும் காவித்துண்டு வழங்கியதாக் சொல்லப்படும் வீடியோக்களும் வெளியாகின.

இவற்றிற்கிடையில் ஷிமோகா மாவட்டத்தில் உள்ள ஒரு பள்ளியில் தேசிய கொடியேற்றும் கம்பத்தில் போராடிய மாணவர்கள் சிலர் காவிக்கொடியை ஏற்ற, அது பெரும் பிரச்னையானது. பதற்றத்தை தணிக்க காவல்துறையினர் அழைக்கப்பட்டனர்.

இதேபோலா தாவன்கரே, பாகல்கோட், ஹசன், ஹூபள்ளி, சித்ரதுர்கா எனப் பல மாவட்டங்களிலும், காவித்துண்டுகளுடன் மாணவர்கள் பள்ளி, கல்லூரிகளில் போராட்டங்களில் ஈடுபட்டனர். சில இடங்களில் கல்வீச்சு சம்பவங்களும் நடைபெற்றன.

• இதையடுத்து இன்று முதல் அடுத்த 3 நாள்களுக்கு பள்ளி, கல்லூரிகளுக்கு விடுமுறை அறிவித்திருக்கிறார் கர்நாடகா மாநில முதல்வர் பசவராஜ் பொம்மை.

இவையனைத்தும் ஒருபக்கம் இருக்க, கடந்த வாரம் பள்ளிகளில் ஹிஜாப் அணிவது தொடர்பாக மாணவிகள் கர்நாடகா உயர்நீதிமன்றத்தில் வழக்கு தொடுத்திருந்தனர். அதன்மீதான விசாரணை நேற்று தொடங்கியது.

என்ன சொன்னது நீதிமன்றம்?

``நான் இந்திய அரசியலமைப்புச்சட்டத்தின் மீது உறுதிமொழி எடுத்தவன்; அரசியலமைப்புச் சட்டம்தான் எனக்கு பகவத் கீதை; எனவே என் உணர்வுகளை ஒதுக்கிவைத்துவிட்டுத்தான் இந்த வழக்கை விசாரிப்பேன்” என்று கூறியே வழக்கு விசாரணையைத் தொடங்கியிருந்தார் கர்நாடக உயர்நீதிமன்ற நீதிபதி தீக்‌ஷித்.

• இந்தப் போராட்டங்கள் குறித்து கருத்து தெரிவித்த நீதிபதி, ``தினந்தோறும் மாணவிகள் சாலைகளில் நின்று போராடுவதைப் பார்த்துக்கொண்டிருக்க முடியாது. நம்மை சர்வதேச சமூகம் உற்று கவனிக்கிறது” எனத் தெரிவித்திருந்தார்.

• மாணவிகள் தரப்பில், ``கல்வியாண்டு முடிய இன்னும் இரண்டு மாதங்களே இருப்பதால் அதுவரையிலாவது ஹிஜாப் அணிய அனுமதிக்கவேண்டும்” எனக் கோரிக்கை விடுக்கப்பட்டது.

• அரசு தரப்பிலோ, பொது அமைதிக்கு குந்தகம் விளைவிக்கும் வகையிலான ஆடையை அணியக்கூடாது எனவும், ஆடைக்கட்டுப்பாடுகளில் பிரச்னை இருந்தால், அதை கல்லூரி வளர்ச்சி குழுக்களிடம்தான் முறையிடவேண்டும் எனவும் வாதிடப்பட்டது. ஆனால், மாணவிகள் பொதுவெளியில் ஹிஜாப் அணியும்போது ஏற்படாத பிரச்னை, ஏன் பள்ளி வளாகங்களில் மட்டும் ஏற்படுகிறது என மாணவிகள் தரப்பில் வாதிடப்பட்டது.

• அனைத்தையும் பதிவுசெய்துகொண்ட நீதிபதி, வழக்கு விசாரணை இரண்டாவது நாளாக இன்றும் மதியம் 2:30 மணிக்கு நடைபெறும் எனத் தெரிவித்திருக்கிறார். அதுவரைக்கும் போராட்டக்காரர்களை அமைதி காக்கும்படியும் கோரிக்கை விடுத்திருக்கிறார்.

இன்று முதல் பள்ளி, கல்லூரிகளுக்கு விடுமுறை விடப்பட்டிருப்பதால், மாணவர்களிடையே இன்று கொஞ்சம் பதற்றம் தணியும் என எதிர்பார்க்கப்படுகிறது.

இந்நிலையில், ஹிஜாப்பை காரணம் காட்டி மாணவிகளின் கல்வி பறிபோவது குறித்து நேற்று கண்டனம் தெரிவித்திருக்கிறார் மலாலா.

Share

1. மீண்டும் நிறைவேறிய நீட் விலக்கு மசோதா

தமிழக ஆளுநர் திருப்பி அனுப்பிய நீட் விலக்கு மசோதா, நேற்று மீண்டும் சட்டசபையில் ஒருமனதாக நிறைவேற்றப்பட்டு ஆளுநருக்கு அனுப்பி வைக்கப்பட்டுள்ளது.

• இந்த மசோதா மீதான விவாதத்தில் நேற்று பேசிய முதலமைச்சர் ஸ்டாலின், ``இந்த மசோதாவை நிராகரிக்க ஆளுநர் சொன்ன காரணங்கள் சரியாக இல்லை. பல்வேறு நபர்களிடம் கருத்து கேட்டபிறகுதான் ஏ.கே.ராஜன் கமிட்டியின் அறிக்கை தயார் செய்யப்பட்டுள்ளது. ஆளுநர் என்பவர், அமைச்சரவைக்கு கட்டுப்பட்டு நடந்துகொள்ள வேண்டும். தற்போது மீண்டும் நிறைவேற்றப்படும் மசோதாவை தாமதிக்காமல் குடியரசுத் தலைவருக்கு ஆளுநர் அனுப்புவார் என்று நம்புகிறேன்.” எனப் பேசினார்.

• இதையடுத்து மசோதாவும் நேற்று மாலையே ராஜ் பவனுக்கு அனுப்பி வைக்கப்பட்டது. இப்போது மீண்டும் ஆளுநர் முடிவெடுக்க காலம் தாழ்த்துவாரா அல்லது உடனடியாக குடியரசுத் தலைவருக்கு மசோதாவை அனுப்பிவைப்பாரா என்ற கேள்வி எழுந்துள்ளது.

• சபாநாயருக்கு திருப்பி அனுப்பப்பட்ட மசோதா ஒன்று, எவ்வித மாற்றங்களுமின்றி, மீண்டும் அப்படியே நிறைவேற்றப்படுவது தமிழக சட்டமன்ற வரலாற்றிலேயே இதுதான் முதல்முறை.

2. கண்டனம் தெரிவித்த இந்தியா; மன்னிப்பு கேட்ட நிறுவனங்கள்

பாகிஸ்தானில் இயங்கிவரும் பெருநிறுவனங்களான ஹூண்டாய், சுஸூகி, KFC, கியா, பீட்ஸா ஹட் ஆகியவை அந்நாட்டின் காஷ்மீர் ஒருமைப்பாட்டு தினத்திற்கு ஆதரவாக சமூக வலைதளங்களில் வாழ்த்துகளைப் பகிர்ந்திருந்தன.

• ``காஷ்மீர் பிரிவினைவாதத்தை ஊக்குவிக்கும் இந்த தினத்திற்கு, எப்படி இந்நிறுவனங்கள் வாழ்த்துச் சொல்லலாம்?” என இந்தச் செயலுக்கு இந்தியாவில் கண்டனங்கள் வலுத்தன.

• இந்நிலையில், ஹூண்டாய் நிறுவனத்தின் இந்தச் செயல்குறித்து தென் கொரிய நாட்டு தூதரை அழைத்து அதிருப்தி தெரிவித்திருக்கிறது இந்தியா. இதையடுத்து அந்நாட்டு வெளியுறவுத்துறை அமைச்சரும், இந்திய வெளியுறவுத்துறை அமைச்சரிடம் வருத்தம் தெரிவித்திருக்கிறார். ஹூண்டாய் நிறுவனமும் இதுகுறித்து வருத்தம் தெரிவித்திருக்கிறது.

• இதைத் தொடர்ந்து சுஸுகி, கியா, KFC என பாகிஸ்தானில் வாழ்த்து தெரிவித்த பல நிறுவனங்களும் தங்கள் சமூக வலைதளப் பக்கங்களில் மன்னிப்பு கேட்டுள்ளன.

• தென்கொரியாவைப் போலவே, மேற்கண்ட நிறுவனங்கள் இயங்கிவரும் அமெரிக்கா உள்ளிட்ட பிற நாட்டு அதிகாரிகளிடமும் இந்தியா இந்தப் பிரச்னையை எடுத்துச் சென்றுள்ளதாக செய்திகள் வெளியாகியுள்ளன.

3. பா.ஜ.க-வின் உ.பி தேர்தல் அறிக்கை ஹைலைட்ஸ்

வருகிற உத்தரப்பிரதேசம் சட்டமன்றத் தேர்தலுக்கான தேர்தல் அறிக்கையை நேற்று வெளியிட்டிருக்கிறது பா.ஜ.க. அதில் சில ஹைலைட்ஸ்…

• தீபாவளி மற்றும் ஹோலி பண்டிகைகளின்போது உஜ்வாலா திட்டத்தின்கீழ் பயன்பெறுபவர்களுக்கு 2 இலவச சிலிண்டர்கள்.

• 60 வயதுக்கு மேற்பட்ட பெண்களுக்கு இலவச பேருந்து பயணம்

• விவசாய பாசனத்திற்காக இலவச மின்சாரம்.

• ராமரின் வரலாற்றுடன் தொடர்புடைய வேதங்கள் மற்றும் கலாசாரம் ஆகியவை குறித்து ஆய்வுசெய்ய ராமாயண பல்கலைக்கழகம்.

• மதமறுப்புத் திருமணம் செய்வோருக்கு (இதை லவ் ஜிஹாத் குற்றம் என்கிறது பா.ஜ.க) குறைந்தது 10 ஆண்டுகள் சிறைத்தண்டனை மற்றும் ஒரு லட்சம் ரூபாய் அபராதம்.

உத்தரப்பிரதேசத்தில் முதல்கட்ட வாக்குப்பதிவு நாளை நடைபெறவிருக்கிறது.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 4,519 (நேற்று முன்தினம்: 5,104) 🔻

  - அதிகபட்சமாக, சென்னையில்: 792 (839) 🔻

  - தமிழகம் முழுவதும் உயிரிழந்தவர்களின் எண்ணிக்கை: 37 (13) 🔺

• இந்தியாவில் நேற்று பதிவான கொரோனா பாதிப்பு: 67,597 (83,876) 🔻

• எல்லை தாண்டி மீன்பிடித்ததாகக்கூறி தமிழகத்தைச் சேர்ந்த 11 மீனவர்களை நேற்று கைது செய்துள்ளது இலங்கை கடற்படை. இந்நிலையில், இப்படி இதுவரை கைது செய்யப்பட்டுள்ள மொத்தம் 29 மீனவர்கள் மற்றும் பறிமுதல் செய்யப்பட்ட 79 படகுகளையும் விடுவிக்கக்கோரி தமிழக முதல்வர் மு.க.ஸ்டாலின், பிரதமர் மோடிக்கு கடிதம் எழுதியுள்ளார்.

• அருணாச்சலப் பிரதேச மாநிலத்தில் ரோந்து பணியில் ஈடுபட்டிருந்த 7 ராணுவ வீரர்கள் கடந்த ஞாயிற்றுக்கிழமையன்று பனிச்சரிவில் சிக்கினர். 3 நாள்களாக நடந்துவந்த மீட்புப்பணியில் அவர்கள் 7 பேரும் உயிரிழந்துள்ளது நேற்று தெரியவந்துள்ளது. இதையடுத்து பிரதமர், குடியரசுத்தலைவர் உள்ளிட்டோர் இரங்கல் தெரிவித்துள்ளனர்.

• ப்ளூம்பெர்க் பில்லியனர்கள் பட்டியலின்படி, இந்தாண்டு முகேஷ் அம்பானியை பின்னுக்குத் தள்ளி ஆசியாவின் நம்பர் 1 பணக்காராகியிருக்கிறார் கௌதம் அதானி. இவரின் சொத்து மதிப்பு $88.5 பில்லியன். முகேஷ் அம்பானியின் சொத்து மதிப்பு $87.9 பில்லியன். கடந்த ஒரு வருடத்தில் ரிலையன்ஸ் பங்குகளின் விலை சுமார் 18.5% வரை ஏற்றம் கண்டுள்ளது. ஆனால், இதே காலத்தில் அதானி நிறுவனப் பங்குகளின் விலை 170% வரை ஏற்றம் கண்டுள்ளது.

• கோவாக்சின் தடுப்பூசியின் உருவாக்கத்தில் பாரத் பயோடெக்கிற்கு மட்டுமல்ல; ICMR-க்கும் பங்கு உண்டு. அதன் ஆராய்ச்சிக்காக சுமார் 35 கோடி ரூபாய் செலவழித்திருந்தது ICMR. இந்நிலையில், கோவாக்சினின் ராயல்ட்டியாக மட்டும் கடந்த ஜனவரி மாதம் வரை பாரத் பயோடெக்கிடமிருந்து 171.74 கோடி ரூபாய் பெற்றுள்ளது ICMR.

• 2022-ம் ஆண்டுக்கான ஆஸ்கர் விருதுகளுக்குப் போட்டியிடும் படங்களின் இறுதிப்பட்டியல் நேற்று வெளியானது.

  நேற்று காலை Rotten Tomatoes ஊடகத்தின் பத்திரிகையாளர் போஸ்ட் செய்த ஒரு ட்வீட்டால், சூர்யாவின் `ஜெய் பீம்’ திரைப்படமும், சிறந்த வெளிநாட்டு திரைப்படங்களின் பட்டியலில் இடம்பெறுமோ என்ற எதிர்பார்ப்பு எழுந்தது. ஆனால், ஜெய் பீம் இறுதிப்பட்டியலில் இடம்பெறவில்லை.

• மார்ச் 31, 2020 நிலவரப்படி மெட்ராஸ் முதலைப்பண்ணையில் இருக்கும் முதலைகளின் எண்ணிக்கை 2,000. இவற்றில் 1,820 முதலைகள் சதுப்புநில முதலைகள். இவற்றில் 1,000 முதலைகளை குஜராத்தில் உள்ள ரிலையன்ஸ் உயிரியல் பூங்காவிற்கு அனுப்பத் தயாராகி வருகிறது மெட்ராஸ் முதலைப்பண்ணை. ஏற்கெனவே 50 முதலைகள் அனுப்பப்பட்டும் விட்டன. காரணம்? ஒரே ஒரு முதலைப்பண்ணையில் 2000 முதலைகள் என்பது பராமரிக்க சிரமமான காரியம். மேலும், கடந்த இரண்டு வருடங்களாக கோவிட் காரணமாக இந்தப் பண்ணையில் நிதிப்பற்றாக்குறையும் நிலவுகிறது. இதனால் உணவளிப்பதிலும் நெருக்கடி ஏற்பட்டிருக்கிறது. எனவேதான் இந்த முடிவாம். தற்போது முதலைகளை அனுப்புவதற்கான பெட்டிகள் தயார் செய்யப்பட்டு வருகின்றன.

- கூகுள் குரோம் பிரவுசர் பயனாளிகளுக்கு ஓர் எச்சரிக்கை விடுத்துள்ளது மத்திய அரசின் சைபர் பாதுகாப்பு நிறுவனமான CERT-IN. அதன்படி 98.0.4758.80-க்கு முந்தைய குரோம் வெர்ஷனைப் பயன்படுத்துபவர்களுக்கு, சில முக்கியமான பாதுகாப்பு குறைபாடுகளால் பாதிப்பு ஏற்பட வாய்ப்பு உண்டாம். மூன்றாம் நபர்கள் நம் அனுமதியின்றி, நம் கணினிகளில் தங்கள் புரோகிராம்களை இயக்க இது வழிவகுக்கிறது. எனவே உடனே குரோமை அப்டேட் செய்ய அறிவுறுத்தியிருக்கிறது CERT-IN. கூகுள் நிறுவனமும் பயனாளர்களை லேட்டஸ்ட் வெர்ஷனுக்கு அப்டேட் ஆகச் சொல்லியிருக்கிறது.

இதுபோல தினசரி செய்திகள் உங்கள் இன்பாக்ஸிற்கே வரவேண்டுமா? The Subject Line நியூஸ்லெட்டருக்கு சப்ஸ்கிரைப் செய்யுங்கள்!

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

``You can't keep snakes in your backyard and expect them to only bite your neighbour”

ஹிலரி கிளின்டனின் இந்த வாசகம், இப்போதைய இஸ்ரேல் அரசியலுக்கு அப்படியே பொருந்தும்.

எதிர்க்கட்சித் தலைவர்கள், பத்திரிகையாளர்கள், நீதிபதிகள், செயற்பாட்டாளர்கள் எனப் பலரையும் பெகாசஸ் உளவு மென்பொருள் மூலம் அரசு உளவுபார்த்ததாக எழுந்திருக்கும் குற்றச்சாட்டுகள் இந்திய அரசியலில் சில மாதங்கள் முன்பு புயலைக் கிளப்பின. இதேபோல அமெரிக்கா, பிரான்ஸ் உள்ளிட்ட நாடுகளிலும் பெகாசஸ் மூலம் உளவு பார்க்கப்பட்ட விவகாரம் பரபரப்பைக் கிளப்பி, தற்போது அங்கு விசாரணைகளும் நடைபெற்று வருகின்றன.

இந்த பெகாசஸ் குறித்த TSL Explainer-ஐ இங்கே படிக்கலாம்.

இப்படி வெளிநாடுகள் பெகாசஸ் விவகாரத்தில் தீவிரமாக இருந்தாலும், இஸ்ரேலில் இதனால் எந்த பரபரப்பும் இல்லை. பெகாசஸ் உளவு மென்பொருள் மூலம் உலக அரசியலில் இஸ்ரேல் ஆதிக்கம் செலுத்தியதாக செய்திகள் வெளியானபோதுகூட இஸ்ரேலில் அவை பெரிதாக எதிரொலிக்கவில்லை. ஆனால், நேற்று இஸ்ரேல் ஊடகங்களில் பெகாசஸ் விவகாரம் தலைப்புச் செய்தியாகியிருக்கிறது. பிற நாடுகளைப் போலவே இஸ்ரேல் அரசியல்வாதிகளும் பெகாசஸ் விவகாரத்தை உற்று கவனிக்கத் தொடங்கியிருக்கின்றனர்.

இப்போது திடீரென என்ன நடந்தது?

இஸ்ரேல் நாட்டின் காவல் துறை, அந்நாட்டு மக்களுக்கு எதிராக பெகாசஸ் மென்பொருளைப் பயன்படுத்தியிருப்பதை ஒப்புக்கொண்டுள்ளது. இதுதான் முதல் காரணம்.

• Calcalist என்னும் இஸ்ரேல் செய்தி நிறுவனம் இதுகுறித்து ஏற்கெனவே பலமுறை புலனாய்வுச் செய்திகள் வெளியிட்டது. ஆனால், அனைத்தையும் விட நேற்று வெளியிட்டிருக்கும் தகவல் இன்னும் அதிர்ச்சியானது.

• அந்த தகவலின்படி, இஸ்ரேலின் தொழிலதிபர்கள், அமைச்சர்களின் முன்னாள் செயலர்கள், மேயர்கள், போராட்டக்காரர்கள் எனப் பலரும் பெகாசஸ் மூலம் உளவு பார்க்கப்பட்டிருக்கின்றனர். அந்நாட்டின் முன்னாள் பிரதமரான நேதன்யாஹூவின் மகன் மற்றும் நேதன்யாஹூ ஊழல் வழக்கில் தொடர்புடைய சாட்சி எனப் பல அரசியல் முக்கியத்துவம் வாய்ந்த நபர்களின் பெயர்களும் வெளிவந்திருக்கின்றன.

• இதையடுத்துதான் இதுவரை பெகாசஸ் ஏதோ வெளிநாட்டு விவகாரம் என அமைதியாக பார்த்துக்கொண்டிருந்த இஸ்ரேல் வாசிகள், முதன்முதலாக பெகாசஸின் ஆபத்து குறித்து விவாதித்து வருகின்றனர்.

இந்த விவகாரத்திற்கும் இந்தியாவுக்கும் என்ன தொடர்பு?

இந்திய அரசு பெகாசஸ் பயன்படுத்தியதா என்பதை அறிய உச்சநீதிமன்றம் அமைத்த குழு விசாரணை நடத்தி வருவதை அறிவீர்கள்.

• இந்நிலையில்தான் இந்த சம்பவம் ஒரு விஷயத்தை மீண்டும் உறுதிப்படுத்தியிருக்கிறது. பெகாசஸ் உளவு மென்பொருள் பயங்கரவாதிகளுக்கு எதிராக மட்டுமே பயன்படுத்த அனுமதிக்கப்படும் என்றது அதைத் தயாரித்த NSO நிறுவனம். அது பொய் என்பது மீண்டும் உறுதியாகியிருக்கிறது.

• இந்தியாவில் தனிநபர்களைக் கண்காணிக்க பெகாசஸ் பயன்படுத்தப்பட்டிருக்குமா எனக் கேள்வி எழுந்தபோது NSO மேற்கண்ட பதிலைத்தான் சொன்னது.

• இன்னொன்று, இந்த பெகாசஸ் விவகாரம் பல நாட்டு அரசியல் விவகாரங்களிலும் நேரடியாக தலையிட்டிருப்பதால், இது சர்வதேசப் பிரச்னையாகவும் மாறியிருக்கிறது.

Share

1. ராகுலுக்கு மோடியின் ரிப்ளை

நாடாளுமன்ற பட்ஜெட் கூட்டத்தொடரில் கடந்த பிப்ரவரி 2-ம் தேதி ராகுல் காந்தி ஆற்றிய உரை தேசிய அளவில் வைரலானது. இந்நிலையில் அந்த உரைக்கு பதிலளிக்கும் விதமாக சுமார் 1:40 மணி நேரங்களுக்கு நேற்று பேசியிருக்கிறார் மோடி. அதில் அவர் குறிப்பிட்ட சில விஷயங்கள் சர்ச்சையாகியிருக்கின்றன.

• காங்கிரஸை கடுமையாக விமர்சித்த பிரதமர், ``தமிழ்நாட்டின் உணர்வுகளுக்கு மத்திய அரசு மதிப்பளிக்கவில்லை எனக்கூறி காங்கிரஸ் பிரிவினை வாதத்தை தூண்டுகிறது” என்றார். மேலும், ``உத்தரப்பிரதேசம், தமிழ்நாடு, குஜராத், பீகார், மேற்கு வங்கம், ஒடிஷா, நாகலாந்து ஆகிய மாநிலங்களில் காங்கிரஸ் 30 ஆண்டுகளுக்கும் மேலாக ஆட்சியில் இல்லை” எனவும் குறிப்பிட்டார்.

• ``தமிழ்நாட்டை ஒருபோதும் பா.ஜ.க ஆளமுடியாது” என ராகுல் காந்தி குறிப்பிட்டதற்குத்தான் இப்படி பதில் அளித்தார். கூடவே, ``பிரிட்டிஷார் நாட்டைவிட்டு சென்றுவிட்டாலும் இன்னும் அவர்களின் பிரித்தாளும் சூழ்ச்சி காங்கிரஸ் வடிவில் இங்கு இருக்கிறது; அதனால்தான் காங்கிரஸ் பிரிவினைவாதிகளின் தலைமையகமாக இருக்கிறது” என்றும் விமர்சித்தார்.

• மேலும், கொரோனாவின் முதல் அலை சமயத்தில் புலம்பெயர் தொழிலாளர்களை அச்சுறுத்தி, எதிர்க்கட்சிகள் ஆளும் டெல்லி, மகாராஷ்டிரா மாநிலங்களில் இலவச ரயில்கள் விட்டதால்தான் உத்தரகாண்ட், உத்தரப்பிரதேசம், பஞ்சாப் ஆகிய மாநிலங்களில் (இந்த மூன்று மாநிலங்களுக்கும் உள்ள ஒற்றுமை, விரைவில் வரவிருக்கும் தேர்தல்!) கொரோனா பரவல் அதிகரித்தது என்றும் குறிப்பிட்டார்.

• இந்த விமர்சனத்தை ஆம் ஆத்மி, சிவசேனா கட்சிகள் எதிர்த்துள்ளன. எந்தவித முன்னறிவிப்புமின்றி, லாக்டௌன் அறிவித்த சமயத்தில் கைவிடப்பட்ட புலம்பெயர் தொழிலாளர்களுக்கு மாநில அரசுகள்தான் உதவின என அவை எதிர்ப்பு தெரிவித்துள்ளன.

2. ஜே.என்.யு துணைவேந்தர் சர்ச்சை

டெல்லி ஜவகர்லால் நேரு பல்கலைக்கழகத்தின் (JNU) துணைவேந்தராக இருந்த ஜகதீஷ்குமார் பல்கலைக்கழக மானியக்குழு தலைவராகப் பொறுப்பெற்றுள்ளார். இதையடுத்து JNU-வின் முதல் பெண் துணைவேந்தராகப் பொறுப்பேற்றுள்ளார் சாந்திஶ்ரீ துலிபுடி பண்டிட்.

• JNU-வில் நடந்த போராட்டங்கள், மாணவர்கள் மீதான தாக்குதல்கள் மற்றும் மாணவர்களிடையே எழுந்த எதிர்ப்பு காரணமாக சர்ச்சைக்குரிய நபராகவே இருந்தார் முன்னாள் துணைவேந்தர் ஜகதீஷ். அதேபோல சாந்திஶ்ரீ நியமனமும் நேற்று சமூக வலைதளங்களில் சர்ச்சையானது. காரணம், அவரது ட்வீட்கள்.

• சிறுபான்மையினருக்கு எதிராக மத துவேஷங்கள், கோட்சேவிற்கு ஆதரவான கருத்துகள் என மிகவும் இழிவான கருத்துகளை தொடர்ந்து ட்வீட் செய்து வந்திருக்கிறார் சாந்திஶ்ரீ. அவை நேற்று வைரலானதும், அவரின் ட்விட்டர் அக்கவுன்ட் டிஆக்டிவேட் செய்யப்பட்டிருக்கிறது.

3. ஆளுநர் அரசிடம் சொன்னது என்ன?

நீட் தேர்விலிருந்து தமிழகத்திற்கு விலக்கு அளிக்கும் மசோதாவை கடந்த பிப்ரவரி 3-ம் தேதி திருப்பியனுப்பினார் தமிழக ஆளுநர் ஆர்.என்.ரவி. தமிழக அரசின் மசோதா, கிராமப்புற மற்றும் பொருளாதாரத்தில் பின்தங்கியுள்ள மாணவர்களுக்கு எதிராக உள்ளதாக மட்டும் குறிப்பிட்ட ஆளுநர் மாளிகை, ஆளுநர் மசோதாவை திருப்பி அனுப்புவதற்கான காரணத்தை சபாநாயகரிடம் விரிவாக விளக்கியிருப்பதாக குறிப்பிட்டிருந்தது.

• தமிழக அரசும் ஆளுநர் நீட் விலக்கு மசோதா குறித்து அனுப்பிய குறிப்புகளை வெளியிடவில்லை. இந்நிலையில் ABP செய்தி நிறுவனம், நேற்று ஆளுநர் அனுப்பிய அறிக்கையின் குறிப்புகளை வெளியிட்டுள்ளது.

• அதில், ``உயர்நிலைக் குழு (நீதிபதி ஏ.கே.ராஜன் கமிட்டி) அளித்த மொத்த அறிக்கையும் காமாலைக் கண் கொண்டு தயாரித்தது போல இருக்கிறது. மேலும், நீட் தகுதியில்லாதவர்களை அனுமதிக்கிறது என்பதையும், நீட் ஒரு இலக்கில்லாத தேர்வு என பொத்தாம்பொதுவாகச் சொல்லப்பட்டிருப்பதையும் ஏற்க முடியாது. நீட் தேர்வின் முக்கியத்துவத்தை உணராமல், சமூக நீதிக்கு எதிரானது என்ற வாதத்தை வைத்து மட்டுமே இந்த அறிக்கை தயாரிக்கப்பட்டுள்ளது” எனத் தெரிவித்துள்ளார் ஆர்.என்.ரவி.

• இந்நிலையில், நீட் விலக்கு மசோதாவை மீண்டும் சட்டமன்றத்தில் நிறைவேற்றி, ஆளுநர் வழியாக குடியரசுத்தலைவருக்கு அனுப்புவதற்காக இன்று சிறப்பு சட்டமன்றக் கூட்டத்தொடர் நடக்கவிருக்கிறது.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 5,104 (நேற்று முன்தினம்: 6,120) 🔻

  - அதிகபட்சமாக, சென்னையில்: 839 (972) 🔻

  - தமிழகம் முழுவதும் உயிரிழந்தவர்களின் எண்ணிக்கை: 13 (26) 🔻

• இந்தியாவில் நேற்று பதிவான கொரோனா பாதிப்பு: 83,876 (1,07,474) 🔻

• கர்நாடகாவில் குந்தாபூர் கல்லூரியில் ஹிஜாப் அணிந்து வந்த மாணவிகளை கல்லூரிக்குள் அனுமதிக்காமல் இருந்த நிர்வாகம், நேற்று அவர்களை உள்ளே அனுமதித்திருக்கிறது. ஆனால், வகுப்புகளில் அனுமதியில்லை. மாறாக, ``பள்ளிக்குள்ளே தனி அறையில் போராட மட்டுமே அவர்கள் அனுமதிக்கப்படுகின்றனர்” எனத் தெரிவித்துள்ளது நிர்வாகம்.

• கேரளாவின் பிரபல பாம்புபிடிக்கும் நபரான வாவா சுரேஷ் அண்மையில் பாம்பு தீண்டி மருத்துவமனையில் தீவிர சிகிச்சைப் பிரிவில் அனுமதிக்கப்பட்டிருந்தார். இந்நிலையில் ஒரு வார கால சிகிச்சைக்குப் பிறகு நேற்று அவர் முழு ஆரோக்கியத்துடன் வீடு திரும்பியிருக்கிறார்.

• கர்நாடகாவின் மேக்கேதாட்டூவில் அணைகட்ட எப்போது மத்திய அரசு ஒப்புதல் வழங்கும் என அம்மாநில உறுப்பினர் ஒருவர் நாடாளுமன்றத்தில் கேள்வி எழுப்பியிருந்தார். இதற்கு பதிலளித்த மத்திய அமைச்சர் அஷ்வினி குமார் சௌபே, ``தமிழகம் மற்றும் கர்நாடகம் ஆகிய இரு மாநிலங்களிலும் கருத்தொற்றுமை ஏற்பட்டால் மட்டுமே மேக்கேதாட்டூவில் அணைகட்ட அனுமதி வழங்கப்படும்” எனத் தெரிவித்தார்.

• மும்பையைச் சேர்ந்த சில தனியார் செய்தி சேனல்கள் டி.ஆர்.பி ரேட்டிங் முறைகேட்டில் ஈடுபட்டதைத் தொடர்ந்து, செய்தி சேனல்களுக்கான வாராந்திர TRP அறிக்கையை தற்காலிகமாக நிறுத்திவைத்தது BARC அமைப்பு. இந்நிலையில், தற்போது TRP தொழில்நுட்பத்தை இன்னும் மேம்படுத்தியிருப்பதாகச் சொல்லும் BARC, மார்ச் 17-ம் முதல் தேதி முதல் இனி மீண்டும் வாராந்திர TRP தரவுகளை வெளியிட முடிவு செய்துள்ளது.

• மார்ச் 27, 2020 முதல் மார்ச் 31, 2021 வரைக்கும் PM Cares நிதியாக 10,990 கோடி ரூபாய் பெறப்பட்டுள்ளது. தற்போது இதன் தணிக்கை அறிக்கைக்ள் வெளிவந்துள்ளன. அதன்படி, இந்த 10,990 கோடி ரூபாயில், 3,976 கோடி ரூபாய் மட்டுமே கடந்த நிதியாண்டில் பயன்படுத்தப்பட்டுள்ளது.

• தி.மு.க ஆரம்பிக்கவிருக்கும் அகில இந்திய சமூக நீதிக் கூட்டமைப்பில் பங்கேற்பதற்காக நாட்டின் 37 அரசியல் கட்சித் தலைவர்களுக்கு கடிதம் எழுதியிருந்தார் மு.க.ஸ்டாலின். இந்த அழைப்பை ஓ.பன்னீர் செல்வம் ஏற்கனவே மறுத்துவிட்டார். இந்நிலையில் நேற்று காங்கிஸ் கட்சி மற்றும் மெஹ்பூபா முஃப்தியின் PDP கட்சி ஆகிய இரு கட்சிகளும், இந்தக் கூட்டமைப்பிற்கு தங்கள் பிரிதிநிதிகளை அனுப்ப சம்மதம் தெரிவித்திருக்கின்றன. காங்கிரஸ் சார்பில் வீரப்ப மொய்லி பங்கேற்கவிருக்கிறார்.

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

- ஹிஜாப் அணிந்து வரும் மாணவிகளை பள்ளிக்குள் அனுமதிக்கலாமா?

- சீருடை விதிகள் அதற்கு இடம் தரலாமா?

- சீருடை விதிகள் அனுமதி மறுத்தாலும், அதைத் தாண்டி ஹிஜாப் அணிய மாணவிகளுக்கு சட்டப்படி உரிமை உண்டா?

கடந்த ஒரு மாதத்திற்கும் மேலாக கர்நாடகாவில் விவாதமாகியிருக்கும் கேள்விகள் இவை. உடுப்பியில் உள்ள ஒரு அரசுப்பள்ளியில், 8 மாணவிகளை வைத்து தொடங்கப்பட்ட இந்தப் பிரச்னை, இன்று கர்நாடகாவின் பல மாவட்டங்களில் இந்து மாணவர்கள் vs இஸ்லாமிய மாணவர்கள் என்பது வரை நீண்டிருக்கிறது.

எங்கே தொடங்கியது பிரச்னை?

கடந்த ஆண்டு டிசம்பர் மாதம் 27-ம் தேதி தொடங்கியது இந்தப் பிரச்னை.

கர்நாடகாவின் உடுப்பி மாவட்டத்தில் உள்ள அரசின் PU கல்லூரியில் (Pre-university College) 11 மற்றும் 12-ம் வகுப்பைச் சேர்ந்த 8 மாணவிகளுக்கு, ஹிஜாப் அணிந்து வந்ததால் வகுப்புகளில் பங்கேற்க அனுமதி (கல்லூரிக்குள் நுழையலாம்) மறுக்கப்பட்டது. வருகைப்பதிவேடுகளிலும் ஆப்சென்ட் என மார்க் செய்யப்பட்டது.

• இந்த மாணவிகள் பள்ளியின் சீருடை அணிந்து, அதற்கு மேல் ஹிஜாப் அணிந்திருந்தனர். டிசம்பர் 27 அன்றுதான் முதன்முதலில் அணியத் தொடங்கியிருந்தனர். அதற்கு முன் இல்லை.

இதற்காக அவர்கள் சொன்ன காரணம், ``கல்லூரியில் அதிகமான ஆண் ஆசிரியர்கள் இருக்கிறார்கள். வெளியிலிருந்தும் நிறைய ஆண்கள் வருகின்றனர். எனவேதான் ஹிஜாப் அணிகிறோம். இதுகுறித்து ஏற்கெனவே எங்கள் பெற்றோர் மூலம் பள்ளி தலைமையாசிரியரிடம் கோரிக்கை வைத்தோம். ஆனால், எந்த பதிலும் இல்லை. அதனால்தான் நாங்களே அணிந்துகொண்டோம். 76 முஸ்லிம் மாணவிகள் படிக்கும் இந்தக் கல்லூரியில் நாங்கள் 8 பேர் மட்டும்தான் ஹிஜாப் அணிகிறோம். நாங்கள் யாரையும் கட்டாயப்படுத்தவில்லை; இதைத் தடைசெய்ய கல்லூரிகளில் எந்த விதிமுறையும் இல்லாதபோது எங்களை உரிமையை ஏன் தடைசெய்கிறீர்கள்?”

இதற்கு அந்தக் கல்லூரியின் தலைமையாசிரியர் சொன்ன பதில், ``இந்தப் பள்ளியின் 37 ஆண்டுகால வரலாற்றில் யாரும் வகுப்பறைக்குள் ஹிஜாப் அணிந்ததில்லை. இதை அனுமதிப்பது மாணவர்களிடையேயான சமச்சீர் தன்மையை பாதிக்கும் என்பதால் நாங்கள் தடைசெய்தோம்.”

இந்தப் பிரச்னையில் கர்நாடக அரசு என்ன சொல்கிறது?

பள்ளி மாணவர்களின் சீருடை குறித்து ஒட்டுமொத்த மாநிலத்திற்கும் என எந்தவொரு விதிமுறையும் அங்கு இல்லை. மாறாக, அதை அந்தந்தப் பள்ளிகளோ அல்லது மாவட்ட கல்லூரி வளர்ச்சி குழுக்களோ அதை முடிவு செய்யலாம் என்பதுதான் இந்தப் பிரச்னைக்கு முன்புவரை அரசின் நிலைப்பாடு.

• மேலும், இந்த 8 மாணவிகளும் பள்ளி சீருடையை அணிந்து அதற்கு மேல்தான் ஹிஜாப் அணிகிறார்கள் என்பதால் அதை விதிமீறல் என்றுகூடச் சொல்லமுடியாது எனவும் மாணவிகளுக்கு ஆதரவாக குரல்கள் எழுந்தன. ஆனால், பிரச்னை இந்த 8 பேரோடு மட்டும் நிற்கவில்லை.

பிறகு என்ன நடந்தது?

உடுப்பியில் இந்தப் பிரச்னை நடந்துகொண்டிருக்கும்போதே, கர்நாடாவின் சிக்மக்ளூர் மற்றும் மங்களூரில் வேறு இரண்டு கல்லூரிகளில் ABVP அமைப்பைச் (பா.ஜ.க-வின் மாணவர்கள் அணி) சேர்ந்த இந்து மாணவர்கள் சிலர், காவித்துண்டுகளுடன் வகுப்புகளுக்கு வந்தனர். இதையடுத்து, அந்தக் கல்லூரிகள் காவித்துண்டு மற்றும் ஹிஜாப் இரண்டையும் ஒரு சேரத் தடை செய்தன.

• இப்படி முதலில் ஒரு பள்ளியில் தொடங்கிய பிரச்னை, பிற கல்லூரிகளுக்குப் பரவவும், அவை மாநிலம் முழுவதும் விவாதங்களைக் கிளப்பவும் கர்நாடகா அரசு உடனே செயலாற்றவேண்டிய சூழ்நிலைக்குத் தள்ளப்பட்டது.

• ஹிஜாப்பை வகுப்புகளுக்குள் அனுமதிப்பது குறித்து ஆராயவும், விதிமுறைகள் வகுக்கவும் ஒரு நிபுணர் குழுவை அமைத்தது. அந்தக் குழு அறிக்கை அளிக்கும் வரையில், இதற்கு முன் இருந்த நிலையே தொடரவேண்டும் என்றது.

இந்த நடவடிக்கை பிரச்னையைத் தணிக்கும் எனக் கருதப்பட்டது. ஆனால், அடுத்த சில நாள்களில் இன்னும் தீவிரமானது.

எப்படி?

இதுவரைக்கும் உடுப்பி கல்லூரியில் புதிதாக ஹிஜாப் அணிந்த மாணவிகளைத் தடை செய்ததை மட்டும் பார்த்தோம் அல்லவா? இது அப்படியே வேறு கதை.

• அதே உடுப்பி மாவட்டத்தில், குந்தாபூர் நகரில் உள்ள மற்றொரு கல்லூரியில் ABVP அமைப்பைச் சேர்ந்த சில மாணவர்கள், பிப்ரவரி 2-ம் தேதி காவித்துண்டுகளுடன் வகுப்புகளுக்கு வந்தனர். இதைத்தொடர்ந்து, முன்பு பார்த்தைப் போலவே இங்கேயும் காவித்துண்டுகள் மற்றும் ஹிஜாப் ஆகிய இரண்டும் தடைசெய்யப்பட்டன.

• ஆனால், இங்கு பாதிக்கப்பட்டது புதிதாக ஹிஜாப் அணிந்துவந்த மாணவிகள் அல்ல; ஏற்கெனவே பல ஆண்டுகளாக ஹிஜாப் அணிந்துகொண்டு பள்ளிகளுக்கு வந்தவர்கள். இங்கு ஹிஜாப் அணிந்துகொள்ள கல்லூரி விதிமுறைகளும் அனுமதிக்கின்றன.

• இவர்களில் சுமார் 20 மாணவிகள் பிப்ரவரி 3-ம் தேதி பள்ளிக்குள் நுழைவதை தலைமையாசிரியர் தடை செய்ததும், அதையடுத்து மாணவிகள் அவர்களிடம் கெஞ்சுவதுமான வீடியோதான் அண்மையில் சமூக வலைதளங்களில் வைரலானது.

• இதேபோல உடுப்பி மாவட்டத்தின் இன்னும் சில கல்லூரிகளுக்கும் காவித்துண்டு போராட்டங்கள் பரவின.

• முதலில் மாணவர்கள் மட்டுமே கலந்துகொண்ட இந்தப் போராட்டத்தில் மாணவிகளும் காவித்துண்டு அணிந்து பங்கேற்றனர். இந்தப் போராட்டங்களுக்கு முஸ்லிம் மாணவிகளின் பதில்,

``ஹிஜாப் என்பது எங்கள் மதக்கோட்பாட்டில் உள்ள ஒரு விஷயம். ஆனால், காவித்துண்டு இந்துக்களுக்கு அப்படி இல்லையே? ஏன் இரண்டையும் ஒப்பிடுகிறார்கள்?” என்பதே.

சட்டம் சொல்வது என்ன?

முதலில் 8 மாணவிகள் தடைசெய்யப்பட்டதைப் பார்த்தோம் அல்லவா? அந்த மாணவி ஹிஜாப் தடையை எதிர்த்து கர்நாடகா உயர்நீதிமன்றத்தில் வழக்கு தொடர்ந்திருக்கிறார்.

• இஸ்லாமின் அடிப்படை கூறுகளில் ஒன்றாக ஹிஜாப் இருப்பதால், அரசியலலமைப்புச் சட்டத்தின்படி (சட்டப்பிரிவு 14 & 25) அதை அணிய தனக்கு உரிமை இருப்பதாக அந்த மனுவில் தெரிவித்திருக்கிறார். இந்த வழக்கு இன்னும் விசாரணைக்கு வரவில்லை. சரி, இதுவரையிலுமான சட்டம் என்ன?

மாணவியின் மனு குறிப்பிடுவதுபோலவே, சட்டப்பிரிவு 25 அனைத்து மதத்தினரும் தங்கள் பழக்கவழக்கங்களைப் பின்பற்றுவதை அனுமதிக்கிறது. அதேசமயம், சில இடங்களில் கட்டுப்பாடுகளையும் விதிக்க அரசை அனுமதிக்கிறது.

• தற்போது இந்த ஹிஜாப் சர்ச்சையைப் பொறுத்தவரை, இரண்டு கேரள உயர்நீதிமன்ற தீர்ப்புகள் நம் முன் இருக்கின்றன. ஒன்று, 2016-ம் ஆண்டு மருத்துவ நுழைவுத்தேர்வின் போது, முஸ்லிம் மாணவிகள் ஹிஜாப் அணிவதைத் தடைசெய்தது குறித்த வழக்கு.

• இந்த வழக்கில் தீர்ப்பளித்த கேரள உயர்நீதிமன்றம், மாணவிகள் முஸ்லிம் முறைப்படி ஆடை அணிவதற்கு தடை இல்லை எனவும், ஒருவேளை இது தேர்வு முறைகேடுகளில் ஈடுபட உதவலாம் என CBSE நினைத்தால், மாணவிகளை சோதனையிட்டுக்கொள்ள வழிசெய்யலாம் எனவும் தீர்ப்பளித்தது.

• இதேபோல 2018-ம் ஆண்டு பள்ளிகளில் ஹிஜாப் அணிவதைத் தடைசெய்வது குறித்த வழக்கில் (வேறு நீதிபதி), தனிநபர்களின் உரிமையைவிடவும், பள்ளியின் விதிமுறைகளே முதன்மையாகப் பின்பற்றப்படவேண்டும் எனத் தீர்ப்பளித்தது. எனவே இந்த விவகாரத்தில் இன்னும் தெளிவான நிலைப்பாடு இல்லை.

• ஆனால், அதேசமயம் ஹிஜாபை காரணம் காட்டி, கல்வி மறுக்கப்படுவது என்பது சட்டப்பிரிவு 21-A-க்கு (கல்வி பெறும் உரிமை) எதிரானது என்கின்றனர் நிபுணர்கள்.

ஹிஜாப் விவகாரம் ஏன் இவ்வளவு பெரிதானது?

இதைப் புரிந்துகொள்ள கர்நாடகாவின் கடலோரப் பிரதேசத்தின் (Coastel Karnataka) அரசியலையும் (தக்‌ஷிண கன்னடா, உத்தர கன்னடா, உடுப்பி ஆகிய மூன்று மாவட்டங்கள்) புரிந்துகொள்ளவேண்டும். இந்துத்துவ இயக்கங்கள் வலுவாக காலூன்றியிருக்கும் மாவட்டமான உடுப்பியில் மொத்தம் 5 சட்டமன்றத் தொகுதிகள் உள்ளன. இவற்றில் 2013-ம் ஆண்டு காங்கிரஸ் 4 இடங்களையும், பா.ஜ.க 1 இடத்தையும் வென்றிருந்தன.

• இதுவே 2018-ல் 5 இடங்களையும் பா.ஜ.க வென்றது. இதற்கு காரணமாக அப்போது குறிப்பிடப்பட்டது இந்த 3 மாவட்டங்களிலும் பா.ஜ.க மேற்கொண்ட மத அரசியல்தான். (அது பெரிய கதை என்பதால் இத்துடன் இங்கே நிறுத்திக்கொள்ளலாம்)

• இந்நிலையில் அண்மையில் நடந்து முடிந்த நகர்ப்புற உள்ளாட்சித் தேர்தலில் Popular Front of India (PFI) (இஸ்லாமிய அமைப்பு) மொத்தம் 3 இடங்களைக் கைப்பற்றியிருந்தது. இவை காங்கிரஸ் ஆதிக்கம் செலுத்திய இடங்கள். எப்படி பா.ஜ.க மத அரசியல் மூலம் இந்தப் பகுதியில் ஆதிக்கம் செலுத்தியதோ அதேபோல தற்போது PFI-யும் செய்கிறது என்பது இந்தப் பிரச்னையில் வைக்கப்படும் குற்றச்சாட்டு. இதற்கு எதிராக ஹிஜாப் விவகாரத்தை இன்னும் பெரிதாக்க பா.ஜ.க முயற்சி செய்கிறது என்பது இன்னொரு குற்றச்சாட்டு.

• ஆனால், ``முதன்முதலில் உடுப்பி கல்லூரியில் பிரச்னை வந்தபோது பள்ளி நிர்வாகத்திடம் மட்டுமே முறையிட்டோம்; அவர்கள் வகுப்பில் நுழைய தடைவிதித்ததும்தான் CFI (PFI-ன் மாணவர் அணி)-யிடம் முறையிட்டோம் என்கின்றனர்” மாணவிகள்.

• மேலும், ``அந்த ஒரு கல்லூரியைத் தாண்டி, பிற கல்லூரிகளுக்கும் காவித்துண்டு vs ஹிஜாப் என பிரச்னையைக் கொண்டு சென்றது வலதுசாரி இயக்கங்களே. இதற்கு முன்பே பலமுறை ஹிஜாப், புர்கா ஆகியவற்றிற்கு எதிராக வலதுசாரி இயக்கங்கள் போராடிய வரலாறும் இந்தப் பிரதேசத்தில் உண்டு” என்கின்றனர் இன்னொரு சாரார்.

சரி, அடுத்து என்ன?

பிரச்னை உச்சத்தில் இருக்கும் இந்த சமயத்தில் கடந்த சனிக்கிழமையன்று புதிய உத்தரவு ஒன்றைப் பிறப்பித்திருக்கிறது கர்நாடக அரசு. அதில், கல்லூரிகள் நிர்ணயித்திருக்கும் சீருடை அல்லது கல்லூரி வளர்ச்சிக் குழுக்கள் நிர்ணயிக்கும் சீருடையைக் கட்டாயம் அணியும்படி மாணவர்களுக்கு உத்தரவிடப்பட்டிருக்கிறது. (இன்னும் நிபுணர்குழுவின் அறிக்கை வெளியாகவில்லை).

• மேலும், சமத்துவத்தை, பொது அமைதியைக் குலைக்கும் உடைகள் வேண்டாம் எனவும் தெரிவித்துள்ளது. இது ஹிஜாப் பிரச்னையில் மேலும் குழப்பத்தையே விளைவித்திருக்கிறது. காரணம், கல்லூரி வளர்ச்சிக் குழுவில் பெரும்பாலும் ஆளுங்கட்சி எம்.எல்.ஏ-க்களே தலைவராக இருப்பார்கள். அவர்களும் இந்த ஹிஜாப் பிரச்னைக்கு காரணம்.

• இன்னொன்று, சீருடைக்கு மேலே ஹிஜாப் அணிய தடையா இல்லையா என்பதை இது தெளிவுபடுத்தவில்லை.

எனவே இனி நீதிமன்ற உத்தரவுகள் வரும் வரையோ அல்லது அரசு தலையிட்டு பிரச்னையை முடித்துவைக்கும் வரையிலோ, இந்த விவகாரம் கர்நாடகாவில் ஓயப்போவதில்லை.

எதிர்க்கட்சித் தலைவர் ராகுல் காந்தியின் ட்வீட் 👇

Share The Subject Line

1. விடைபெற்ற இந்தியாவின் இசைக்குயில்!

கோவிட் காரணமாக மும்பை மருத்துவமனையில் சிகிச்சைபெற்றுவந்த இந்தியாவின் பழம்பெரும் பின்னணி பாடகரான லதா மங்கேஷ்கர், நேற்று காலை மறைந்தார். அவருக்கு வயது 92.

13 வயதில் இசைத்துறைக்குள் நுழைந்த அவர் 73 ஆண்டுகளில், 50,000-க்கும் மேற்பட்ட பாடல்களைப் பாடியவர். இசைத்துறையில் செய்த பங்களிப்பிற்காக 1969-ல் பத்ம பூஷண், மற்றும் 1999-ல் பத்ம விபூஷண் விருதுகளைப் பெற்றவர், 2001-ம் ஆண்டு நாட்டின் உயரிய விருதான `பாரத ரத்னா’ கௌரவத்தையும் பெற்றார்.

நேற்று மும்பை சிவாஜி பார்க்கில் வைக்கப்பட்ட லதா மங்கேஷ்கரின் உடலுக்கு பிரதமர் உள்பட பிரபலங்கள் பலரும் அஞ்சலி செலுத்தினர். பின்னர் முழு அரசு மரியாதையுடன் தகனம் செய்யப்பட்டது. லதாவின் மறைவையொட்டி இரு நாட்களுக்கு தேசிய துக்கம் அனுசரிக்கப்படுகிறது. மகாராஷ்டிராவில் இன்று பொது விடுமுறை விடப்பட்டுள்ளது.

2. நீட் விலக்கு மசோதா: கூடும் சட்டமன்றம்

நீட் விலக்கு மசோதாவை மீண்டும் சட்டப்பேரவையில் நிறைவேற்றி, மீண்டும் குடியரசுத்தலைவர் ஒப்புதலுக்கு ஆளுநர் வழியாக அனுப்ப, தமிழக அனைத்துக் கட்சிக்கூட்டத்தில் தீர்மானம் நிறைவேற்றப்பட்டுள்ளது. இதையடுத்து நாளை சிறப்பு சட்டப்பேரவைக் கூட்டம் நடைபெறவிருக்கிறது.

• இந்த அனைத்துக் கட்சிக்கூட்டத்தில் பா.ஜ.க, அ.தி.மு.க ஆகிய இரு கட்சிகளும் பங்கேற்கவில்லை. அ.தி.மு.க-வின் இந்த நடவடிக்கை விமர்சிக்கப்பட்ட நிலையில், அன்று மாலையே இதுகுறித்து விளக்கமளித்திருக்கிறார் ஓ.பி.எஸ்.

• ஏற்கெனவே நீட் பற்றி நடந்த அனைத்துக் கட்சி கூட்டத்திலேயே அ.தி.மு.க தன் நிலைப்பாட்டை விளக்கிவிட்டதாகவும், சட்டப்படி நீட் தேர்விலிருந்து தமிழகம் விலக்குபெற, தமிழக அரசுக்கு அ.தி.மு.க துணை நிற்கும் எனவும் அதில் தெரிவித்துள்ளார்.

3. 1000-வது ஒருநாள் போட்டி; இந்திய அணி வெற்றி

தன்னுடைய 1000-வது ஒருநாள் போட்டியில், நேற்று வெஸ்ட் இண்டீஸை எதிர்கொண்டது இந்திய அணி. முதலில் டாஸ் வென்ற இந்தியா பந்துவீச்சைத் தேர்வு செய்தது.

• இதைத்தொடர்ந்து முதலில் பேட் செய்த வெஸ்ட் இண்டீஸ், 176 ரன்களுக்கு ஆட்டமிழந்தது. வாஷிங்டன் சுந்தர் 3, சஹல் 4 என 7 விக்கெட்டுகளை ஸ்பின்னர்கள் மட்டுமே வீழ்த்தினர். 2019 ஜனவரிக்குப் பிறகு இந்திய ஸ்பின்னர்கள் 5 விக்கெட்டிற்கு மேல் எடுத்தது நேற்றுதான்.

• பிரசித் 2 விக்கெட்டுகளும், சிராஜ் 1 விக்கெட்டும் வீழ்த்தினர். இதில் சிராஜின் கட்டுக்கோப்பான பந்துவீச்சால் பவர் ப்ளேயில் மட்டுமே 46 டாட் பால்கள் வீசப்பட்டன. அந்த அணியில் அதிகபட்சமாக ஹோல்டர் மட்டும் 51 ரன்கள் எடுத்திருந்தார்.

• 177 என்ற எளிய இலக்குடன் களமிறங்கிய இந்தியாவுக்கு, ரோஹித் சிறப்பான தொடக்கம் கொடுத்து, 60 ரன்களில் அவுட் ஆனார். அதன்பின்னர் இஷான், சூர்யகுமார் யாதவ், தீபக் ஹூடா ஆகியோர் கைகொடுக்க 6 விக்கெட்டுகள் வித்தியாசத்தில் வென்றது இந்தியா.

Score Board: WI - 176/10 (43.5 Overs), India - 178/4 (28 Overs)

4. இந்தியா வென்ற 5-வது உலகக்கோப்பை

இங்கிலாந்து அணியை இறுதிப்போட்டியில் வீழ்த்தி 19 வயதுக்குட்பட்டோருக்கான உலகக்கோப்பையை 5-வது முறையாக வென்றிருக்கிறது இந்தியா.

• முதலில் விளையாடிய இங்கிலாந்து அணி 189 ரன்களுக்கு ஆல் அவுட் ஆனது. இந்தியாவின் ராஜ் பவா 5 விக்கெட்டுகளும், ரவிக்குமார் 4 விக்கெட்டுகளும் வீழ்த்தினர்.

• அடுத்து விளையாடிய இந்திய அணியில், ஷேக் ரஷீத் - 50, நிஷாந்த் சிந்து - 50, ராஜ் பவா - 35 அடிக்க எளிதாக 47.4-வது ஓவரில் இலக்கை எட்டியது. அணியின் விக்கெட் கீப்பர் தினேஷ் பனா, சிக்ஸ் அடித்து சாம்பியன்ஷிப்பை தூக்க, உடனே 2011 உலககோப்பை ஃபைனலின் தோனி இன்னிங்ஸை வைத்து மீம்கள் பறந்தன.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 6,120 (நேற்று முன்தினம்: 7,524) 🔻

  - அதிகபட்சமாக, சென்னையில்: 972 (1,223) 🔻

  - தமிழகம் முழுவதும் உயிரிழந்தவர்களின் எண்ணிக்கை: 26 (37) 🔻

• இந்தியாவில் நேற்று பதிவான கொரோனா பாதிப்பு: 1,07,474 (1,27,952) 🔻

• 11-ம் நூற்றாண்டைச் சேர்ந்த வைணவத்துறவியும், சமூக சீர்திருத்தவாதியுமான மகான் ராமானுஜரின் 216 அடி சிலையை நேற்று முன்தினம் தெலங்கானாவில் திறந்துவைத்தார் பிரதமர் மோடி. சமத்துவத்திற்கான சிலை (Statue of Equality) என அழைக்கப்படும் இது, ராமானுஜரின் 1000-வது பிறந்தநாள் கொண்டாட்டங்களின் ஒரு பகுதியாக நிறுவப்பட்டுள்ளது. இந்த சிலை திறப்பு விழாவில் தெலங்கானா மாநில முதல்வர் சந்திரசேகர ராவ் கலந்துகொள்ளாதது அங்கு அரசியல் சர்ச்சையாகியிருக்கிறது. சில மாதங்களாக பா.ஜ.க-வுடன் மோதல் போக்கை கடைப்பிடிக்கிறார் சந்திரசேகர ராவ்.

• 2019-ம் ஆண்டு பிரதமர் மோடியால் அடிக்கல் நாட்டப்பட்ட மதுரை எய்ம்ஸ் திட்டம், அதன்பின் எவ்விதக் கட்டுமானப் பணிகளும் மேற்கொள்ளப்படாமல் உள்ளது. இந்நிலையில், இதுகுறித்து நாடாளுமன்றத்தில் பதிலளித்துள்ள சுகாதாரத்துறை அமைச்சர் மன்சுக் மாண்டவியா, 2026-ம் ஆண்டு அக்டோபர் மாதம் இதன் கட்டுமானப் பணிகள் நிறைவடையும் எனத் தெரிவித்துள்ளார்.

• தற்போதைய பஞ்சாப் முதல்வர் சரண்ஜித் சிங் சன்னியையே, வரும் சட்டமன்றத் தேர்தலிலும் முதல்வர் வேட்பாளராக அறிவித்திருக்கிறது காங்கிரஸ் கட்சி. நவ்ஜோத் சிங்கின் முதல்வர் கனவு இந்த தேர்தலில் இத்துடன் முடிவுக்கு வந்திருக்கிறது.

• ஒரே டோஸாக செலுத்தக்கூடிய `ஸ்புட்னிக் லைட்’ கோவிட் தடுப்பூசிக்கு நேற்று அவசர கால பயன்பாடு அடிப்படையில் அனுமதி வழங்கியிருக்கிறது மத்திய சுகாதாரத்துறை. இது இந்தியாவில் அனுமதிக்கப்படும் 9-வது தடுப்பூசியாகும். ரஷ்யாவில் நடத்தப்பட்ட பரிசோதனைகளில் இதன் செயல்திறன் 65.4% என உறுதிசெய்யப்பட்டுள்ளது.

• தனியார் மருத்துவக்கல்லூரிகள் மற்றும் பல்கலைக்கழகங்களில் அரசு ஒதுக்கீட்டில், UG / PG படிப்புகளில் சேரும் 50% மாணவர்களுக்கு, அந்த மாநில அரசுக்கல்லூரிகளில் வசூலிக்கப்படும் தொகையையே வசூலிக்கவேண்டும் என தேசிய மருத்துவ ஆணையம் (NMC) உத்தரவிட்டுள்ளது. ஒருவேளை அந்தக் கல்லூரியின் மொத்த இடங்களில், அரசு ஒதுக்கீட்டில் சேரும் மாணவர்களின் எண்ணிக்கை 50%-க்கும் கீழ் இருந்தால், அந்த காலியிடங்களுக்கு பிற மாணவர்கள் இந்த வாய்ப்பை பயன்படுத்திக்கொள்ளலாம்.

• ஹூண்டாய் நிறுவனம் நேற்று ஒரு சர்ச்சையில் சிக்கியிருக்கிறது. ஒவ்வோர் ஆண்டும் ஜனவரி 5-ம் தேதியை, காஷ்மீர் ஒருமைப்பாடு தினமாக அனுசரிப்பது பாகிஸ்தானின் வழக்கம். இந்தியாவின் அங்கமான காஷ்மீருக்கு, எதிர்நிலைப்பாடு கொண்ட இந்த தினத்திற்கு பாகிஸ்தானில் இயங்கிவரும் ஹூண்டாய் நிறுவனம் தன் சமூக வலைதளங்களில் வாழ்த்துச் சொல்லியிருக்கிறது.

  இதற்கு சமூகவலைதளங்களில் பலரும் எதிர்ப்பு தெரிவிக்கவே, #BoycottHyundai என்ற ஹேஷ்டேக் ட்ரெண்ட் ஆனது. இதையடுத்து விளக்கம் அளித்திருக்கும் ஹூண்டாய் இந்தியா, அந்த தேவையற்ற ஒரு பதிவை வைத்து இந்தியாவுடனான தங்கள் உறவை மதிப்பிட வேண்டாம் எனவும் அதுபோன்ற முதிர்ச்சியற்ற பதிவுகளை எதிர்ப்பதாகவும் தெரிவித்துள்ளது.

- தமிழக நகர்ப்புற உள்ளாட்சித் தேர்தலுக்கான வேட்பு மனு தாக்கல் பிப்ரவரி 4-ம் தேதியுடன் நிறைவடைந்தது. இதுவரை 74,416 பேர் வேட்புமனுக்களைத் தாக்கல் செய்துள்ளனர். இதில் உங்கள் வார்டு / மாநகராட்சிகளில் போட்டியிடும் வேட்பாளரின் வேட்புமனுவைப் பார்வையிட tnsec.tn.nic.in என்ற தளத்திற்குச் செல்லலாம்.

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️

இந்த வார TSL-ன் ரீவைண்ட் எடிஷன் இது. இந்த 4 TSL Explainers-ஐ இந்த வாரம் படிக்க மிஸ் பண்ணியிருந்தா, இன்றைக்கு கட்டாயம் படிச்சிடுங்க!

1. 📚 நீட் மசோதா: சட்டவிதிகளை மீறினாரா ஆளுநர்?

2. 💰 மத்திய பட்ஜெட் உங்களை எப்படி பாதிக்கும்?

3. 👨🏽‍⚖️ தஞ்சை மாணவி வழக்கு ஏன் CBI-க்கு மாற்றப்பட்டது?

4. 🎯 பெகாசஸ் விவகாரம்: பொய் சொன்னதா மத்திய அரசு?

📚 நீட் மசோதா: சட்டவிதிகளை மீறினாரா ஆளுநர்?

நீட் தேர்விலிருந்து தமிழக மாணவர்களுக்கு விலக்கு அளிப்பதற்காக, கடந்த செப்டம்பர் 13-ம் தேதி தமிழக அரசு நிறைவேற்றி அனுப்பிய மசோதாவை (Undergraduate Medical Degree Courses Bill, 2021) திருப்பி அனுப்பியிருக்கிறார் ஆளுநர் ஆர்.என்.ரவி.

இனி இந்த மசோதா என்னாகும், தமிழக அரசின் சட்டப்போராட்டத்தின் அடுத்த கட்டம் என்னவாக இருக்கும் என்பதை பற்றி விளக்குகிறது இந்த TSL Explainer.

💰 மத்திய பட்ஜெட் உங்களை எப்படி பாதிக்கும்?

கடந்த செவ்வாய்க்கிழமையன்று தாக்கல் செய்யப்பட்டது 2022-23 நிதியாண்டுக்கான மத்திய பட்ஜெட்.

5 மாநில சட்டமன்றத் தேர்தல்களின் இடையே தாக்கல் செய்யப்படும் பட்ஜெட் என்பதால், நிச்சயம் அந்த மாநிலங்களுக்கு`ஐஸ் வைக்கும்’ அறிவிப்புகள் இடம்பெறலாம் என்பதுதான் பலரின் எதிர்பார்ப்பாக இருந்தது. ஆனால், ஆச்சர்யம்.

• அப்படி நடக்கவில்லை! குறிப்பாக தேர்தல் நடைபெறவிருக்கும் (உ.பி, பஞ்சாப், கோவா, மணிப்பூர், உத்தரகாண்ட்) மாநிலங்கள் சார்ந்து பெரிய, கவர்ச்சியான அறிவிப்புகள் எதுவும் இடம்பெறவில்லை. இந்த மாற்றத்தை வரவேற்றுள்ளனர் நிபுணர்கள்.

இன்னொரு முக்கியமான பாசிட்டிவ் அம்சம், உள்கட்டமைப்பு திட்டங்களுக்குத் தேவைப்படும் மூலதனச் செலவினங்களை (Capital Expenditure / Capex) 5.54 கோடி ரூபாயிலிருந்து, 7.5 லட்சம் கோடி ரூபாயாக (35.4%) உயர்த்தியிருப்பது. இது ஏன் முக்கியம்?

ஒரு நாட்டின் பொருளாதாரம் மந்தமான நிலையிலிருந்து மீண்டெழ வேண்டுமெனில், அரசு இந்த Capex-க்கு செலவிடும் தொகை உயரவேண்டும்.

• உதாரணம்: புதிய நெடுஞ்சாலைத் திட்டங்கள், புதிய ரயில்வே திட்டங்கள், நாட்டின் பிற உள்கட்டமைப்பு திட்டங்கள் போன்றவை. இதனால், நாட்டில் வேலைவாய்ப்பு பெருகும்; வருங்காலத்தில் அரசுக்கும் இந்தக் கட்டமைப்புகளிலிருந்து வருமானம் வரும்;

• கட்டுமானம், தகவல் தொழில்நுட்பம், மின்சாரம் எனப் பல்வேறு துறைகளும் இதுசார்ந்து வளரும். இறுதியாக பொருளாதாரமும் உயரும். இதுதான் லாஜிக். அரசைப் போலவே தனியார் நிறுவனங்களும் தங்கள் Capex-ஐ அதிகப்படுத்தினால் அது நாட்டுக்கு இன்னும் நல்லது.

• அந்த வகையில்தான், வரும் 2022-23-ம் நிதியாண்டுக்கான Capex-ஐ 35% அதிகம் உயர்த்தியிருக்கிறது அரசு. இதுபோக இந்த பட்ஜெட்டில் சொல்லப்பட்ட முக்கியமான விஷயங்கள் என்னென்ன, அவை உங்களை எப்படி பாதிக்கலாம் என்பதெல்லாம் குறித்து விரிவாக விளக்குகிறது TSL-ன் இந்த பட்ஜெட் ஸ்பெஷல் எடிஷன்.

Share

👨🏽‍⚖️ தஞ்சை மாணவி வழக்கு ஏன் CBI-க்கு மாற்றப்பட்டது?

தஞ்சை பள்ளி மாணவியின் தற்கொலை வழக்கை சி.பி.ஐ-க்கு மாற்றியிருக்கிறது சென்னை உயர்நீதிமன்றத்தின் மதுரை கிளை.

பா.ஜ.க-வினர் இந்தப் பிரச்னையை பெரியளவில் கையிலெடுத்திருந்த நிலையில், இந்த தீர்ப்பு ஆளும் தி.மு.க அரசுக்குப் பின்னடைவாக பார்க்கப்படுகிறது. சரி, இந்த வழக்கை ஏன் சிபிஐ-க்கு மாற்றியது நீதிமன்றம்? அதற்காக நீதிபதி ஜி.ஆர்.சுவாமிநாதன் குறிப்பிட்ட காரணங்கள் என்னென்ன? விரிவாக விளக்குகிறது இந்த TSL Explainer.

தற்போது இந்த தீர்ப்பை எதிர்த்து தமிழக அரசு உச்சநீதிமன்றத்தில் மேல்முறையீடு செய்திருக்கிறது.

🎯 பெகாசஸ் விவகாரம்: பொய் சொன்னதா மத்திய அரசு?

இஸ்ரேலின் NSO நிறுவனம் பற்றி, கடந்த வாரம் `நியூயார்க் டைம்ஸ்’ பத்திரிகை வெளியிட்டிருக்கும் கட்டுரை பல புதிய தகவல்களை வெளிக்கொண்டு வந்திருக்கிறது. இந்திய அரசியலில் அதிர்வுகளையும் கிளப்பியிருக்கிறது. அப்படி என்ன புதிதாக தெரியவந்திருக்கிறது?

பெகாசஸ் (Pegasus) என்னும் உளவு மென்பொருளைத் தயாரித்து உலக நாடுகள் பலவற்றிற்கும் விற்பனை செய்யும் நிறுவனம்தான் இந்த NSO. இந்த மென்பொருளை வைத்துக்கொண்டு இஸ்ரேல் எப்படி உலக அரசியலில் தாக்கம் செலுத்தியது, அமெரிக்கா, இந்தியா உள்ளிட்ட நாடுகள் ஏன் இந்த மென்பொருளை வாங்கின, NSO நிறுவனத்தின் எதிர்காலம் எனப் பல முக்கியமான விஷயங்களுக்கு விடைசொல்லியிருக்கிறது அந்தக் கட்டுரை. அதிலிருந்து மிக முக்கியமான விஷயங்களை மட்டும் அலசுகிறது இந்த TSL Edition.

Share

அவ்வளவுதான்!

TSL-ன் தினசரி நியூஸ்லெட்டர்ஸ் பிடிச்சிருந்தா உங்களின் நண்பர்களுக்கும் அதை ஷேர் பண்ணுங்க. TSL பற்றிய உங்கள் அனுபவங்கள், கருத்துகளைப் பகிர்ந்துக்க நினைச்சா எனக்கு மெயில் அனுப்புங்க! 😀

இனி இரும்பவும், திங்கள் கிழமை காலை 7 மணிக்கு அன்றைய தினத்தின் முக்கியமான செய்திகளோட சந்திக்கிறேன்.

Happy Weekend 🍕

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

இந்த TSL Edition உங்களுக்குப் பிடிச்சிருந்தா மறக்காம லைக் பண்ணுங்க! ❤️

இன்றைய தினத்தின் டாப் அப்டேட்ஸ் இதோ…

நீட் தேர்விலிருந்து தமிழக மாணவர்களுக்கு விலக்கு அளிப்பதற்காக, கடந்த செப்டம்பர் 13-ம் தேதி தமிழக அரசு நிறைவேற்றிய மசோதாவை (Undergraduate Medical Degree Courses Bill, 2021) திருப்பி அனுப்பியிருக்கிறார் ஆளுநர் ஆர்.என்.ரவி.

இனி இந்த மசோதா என்னாகும், தமிழக அரசின் சட்டப்போராட்டத்தின் அடுத்த கட்டம் என்னவாக இருக்கும் என்பதை இன்றைய TSL-ல் பார்ப்போம்.

முதலில் ஆளுநர் ஏன் மசோதாவை திருப்பிய அனுப்பினார் என்பதைப் பார்த்துவிடுவோம்.

ஆளுநர் சொன்னது என்ன?

தமிழக அரசின் மசோதா, கிராமப்புற மற்றும் பொருளாதாரத்தில் பின்தங்கியுள்ள மாணவர்களுக்கு எதிராக உள்ளதாக கருதுவதால் ஆளுநர் இந்த மசோதாவை சபாநாயகருக்கே திருப்பியனுப்புவதாக ஆளுநர் மாளிகை தெரிவித்துள்ளது.

மேலும், சி.எம்.சி கல்லூரி தொடர்ந்த ஒரு வழக்கில், நீட் தேர்வை சமூகநீதி பார்வையில் அணுகி, பொருளாதார சுரண்டலிலிருந்து தப்பிக்க நீட் தேர்வு தேவை என உச்சநீதிமன்றம் தீர்ப்பளித்துள்ளதாகவும் அந்த அறிக்கையில் குறிப்பிடப்பட்டுள்ளது.

ஆளுநரின் அதிகாரங்கள் என்னென்ன?

இந்த நாட்டில் சட்டங்கள் இயற்றுவதில் உச்சபட்ச அதிகாரம் பெற்ற அமைப்பு நாடாளுமன்றம் மட்டுமே. அவற்றிற்கு ஒப்புதல் அளிப்பது மட்டுமே குடியரசுத்தலைவரின் வேலை. ஒருவேளை மசோதாக்களுக்கு ஒப்புதல் அளிக்காமல் குடியரசுத்தலைவர் திருப்பி அனுப்பினால், மத்திய அரசு அந்த மசோதாவில் திருத்தம் செய்தோ அல்லது அப்படியேவோ மீண்டும் அவர் ஒப்புதலுக்கு அனுப்பலாம். அப்படி இரண்டாவது முறை வரும் மசோதாவுக்கு, அவர் ஒப்புதல் அளித்துதான் ஆகவேண்டும். நாடு தழுவிய மத்திய அரசின் சட்டங்களுக்கு இதுதான் நடைமுறை.

• இதேபோல மாநில அரசாங்கங்களும் மாநில பட்டியலில் உள்ள விவகாரங்கள் மற்றும் பொதுப்பட்டியலில் உள்ள விவகாரங்களில் சட்டங்கள் இயற்றலாம். ஆனால், இந்த சட்டங்கள் மத்திய அரசின் சட்டங்களை மீறுவதாக இருக்கக்கூடாது. அப்படி மத்திய அரசின் சட்டத்திற்குட்பட்டு இருக்கும்பட்சத்தில், ஆளுநரேகூட ஒப்புதல் அளித்துவிடலாம். 💡 உதாரணம்: அரசுப்பள்ளி மாணவர்களுக்கு நீட் கலந்தாய்வில் 7.5% இடஒதுக்கீடு வழங்கும் மசோதா.

• இல்லையெனில் அரசியலமைப்புச் சட்டம் பிரிவு 254(2)-ன் படி குடியரசுத்தலைவருக்கு அனுப்பி குடியரசுத்தலைவர் ஒப்புதல் பெறவேண்டும்.

  அவர் மாநில அரசின் மசோதாவை பரிசீலினை செய்துவிட்டு, ஒப்புதலும் அளிக்கலாம். நிராகரிக்கவும் செய்யலாம்.

• 💡 உதாரணம்: 2017-ம் ஆண்டு ஜல்லிக்கட்டு போட்டிகளை அனுமதிக்கும் தமிழக அரசின் மசோதா. இது தமிழக ஆளுநரால், குடியரசுத்தலைவருக்கு அனுப்பப்பட்டு ஒப்புதல் பெறப்பட்டது. அந்த மசோதா மிருகவதை தடுப்புச்சட்டம் 1960-க்கு எதிராக இருந்தது குறிப்பிடத்தக்கது.

சரி, இப்போது ஆளுநரின் பங்கு என்ன?

• இந்த விஷயத்தில் ஆளுநரின் வேலை என்பது குடியரசுத் தலைவருக்கும் மாநில அரசுக்கும் இடையே பாலமாக செயல்படுவதுதான். முதலில் மாநில அரசு மசோதாவை அனுப்பியதும் அவற்றைப் பரிசீலித்து, அந்த மசோதா மத்திய அரசின் சட்டங்களை மீறுவதாக இருந்தால், அதை குடியரசுத்தலைவரின் ஒப்புதலுக்காக அனுப்புவதுதான் ஆளுநரின் பணி.

• மத்திய அரசின் சட்டங்களுக்கு உட்பட்ட மசோதா என்றால், ஒப்புதல் அளிப்பதில் ஆளுநருக்கு கருத்து வேறுபாடுகள் இருக்கிறது எனில் அவற்றைக் குறிப்பிட்டு, மசோதாவில் திருத்தங்கள் மேற்கொள்ளச் சொல்லி மாநில அரசுக்கே மசோதாவை திருப்பி அனுப்பலாம் (அரசியலமைப்புச் சட்டம் பிரிவு 200-ன் படி). பின்னர் மீண்டும் மசோதா அனுப்பப்பட்டால் அதற்கு ஒப்புதல் வழங்கலாம். ஆனால், தமிழக அரசின் நீட் மசோதாவிற்கு அப்படிச் செய்யமுடியாது.

• அதனால்தான் தமிழக அரசும் குடியரசுத்தலைவருக்கு அனுப்பச் சொல்லி கேட்டே மசோதாவை அனுப்பி வைத்திருந்தது. ஆனாலும், ஆளுநர் தற்போது திருப்பி அனுப்பியிருக்கிறார். இது சட்டவிதிமுறைகளுக்கே எதிரானது என தி.மு.க எம்.பியும் மூத்த வழக்கறிஞருமான வில்சன் சுட்டிக்காட்டியிருக்கிறார். மேலும் ஆளுநர் மாளிகை அறிக்கையில் குறிப்பிட்ட சி.எம்.சி மருத்துவமனை வழக்கும், ``சிறுபான்மையினர் மருத்துவக் கல்லூரிகளில் அனுமதிக்கப்படுவதுதானே தவிர, இந்த மசோதாவுக்கும் அதற்கும் தொடர்பில்லை” எனச் சொல்லியிருக்கிறார்.

அடுத்து?

மீண்டும் இந்த மசோதாவை சட்டமன்றத்தில் நிறைவேற்றி, இன்னொருமுறை ஆளுநருக்கு அனுப்பிவைக்க திட்டமிட்டுள்ளது தமிழக அரசு. அப்போது ஆளுநர் மீண்டும் திருப்பி அனுப்ப முடியாது. குடியரசுத் தலைவருக்கு மட்டுமே அனுப்பிவைக்க முடியும். குடியரசுத்தலைவரும் மசோதாவுக்கு ஒப்புதல் அளிக்கும்பட்சத்தில் அது சட்டமாகும். இல்லையெனில், இந்த மசோதாவின் பயணம் மீண்டும் அதோடு முடிந்துவிடும்.

2017-ல் நிராகரிக்கப்பட்ட மசோதா இந்தமுறை மட்டும் சட்டமாகும்?

அ.தி.மு.க அனுப்பிய மசோதாவுக்கும், தி.மு.க அரசு மசோதாவுக்கும் இடையே இருக்கும் முக்கியமான வித்தியாசம் முன்னாள் நீதிபதி ஏ.கே.ராஜன் கமிட்டியின் அறிக்கை.

• நீட் தேர்வினால் மருத்துவப்படிப்பு மாணவர் சேர்க்கைகளில் ஏற்பட்டிருக்கும் மாற்றங்கள், அதனால் தமிழக பொது சுகாதாரத்துறையில் ஏற்பட சாத்தியமுள்ள பாதிப்புகள், சமூகத்தில் பின்தங்கிய மாணவர்கள் சந்திக்கும் சவால்கள் எனப் பல்வேறு தரவுகளைத் தொகுத்திருந்த அந்த அறிக்கையும் சேர்த்துதான் ஆளுநருக்கும் அனுப்பப்பட்டுள்ளது.

• இன்னொன்று, மசோதாவில் சொல்லப்பட்டிருக்கும் விஷயங்கள். இதற்கு முன் அனுப்பப்பட்ட மசோதா மாணவர் சேர்க்கையில் நீட் தேர்வால் ஏற்பட சாத்தியமுள்ள பாதிப்புகளை மட்டுமே பேசியது. ஆனால், இந்த இரண்டாவது மசோதா, நீட்டிலிருந்து விதிவிலக்கு பெறுவது மாநிலத்தின் பொது சுகாதாரக்கட்டமைப்புக்கு எவ்வளவு முக்கியம் என்பதையும் சேர்த்து பேசுகிறது.

``இந்த இரண்டு விஷயங்களும், தமிழக அரசின் கோரிக்கைக்கு நியாயம் சேர்க்கின்றன” என குடியரசுத்தலைவர் நினைத்தால், மசோதாவுக்கு ஒப்புதல் கிடைக்கும். இல்லையெனில், தமிழக அரசின் இந்த முயற்சி முடிவுக்கு வந்துவிடும். பின்னர் மீண்டும் உச்சநீதிமன்றத்தில் நீட் தேர்வை எதிர்த்து வழக்கு தொடுப்பதுதான் ஒரே வழி.

தமிழக அரசு என்ன செய்யவிருக்கிறது?

நீட் விவகாரத்தில் அடுத்தகட்ட முடிவுகள் எடுப்பது குறித்து விவாதிக்க நாளை அனைத்துக்கட்சிக் கூட்டத்தை கூட்டவிருக்கிறது. அதன்பின்பு சிறப்பு சட்டமன்றக் கூட்டத்தொடர் கூட்டப்படும் எனத் தெரிகிறது.

ஆளுநரின் நடவடிக்கை குறித்த முதல்வர் ஸ்டாலினின் அறிக்கை 👇

ஒருவேளை தமிழக அரசு சிறப்பு சட்டமன்றக் கூட்டத்தொடரைக் கூட்டி, மீண்டும் ஆளுநருக்கு அனுப்பி, அவர் குடியரசுத்தலைவருக்கு விரைவில் மசோதாவை அனுப்பிவைத்தாலும்கூட, அவர் விரைவாக முடிவைச் சொல்ல வாய்ப்பு குறைவுதான்.

காரணம், ஆளுநர், குடியரசுத் தலைவர் ஆகிய இருவருக்கும் இதுபோன்ற விவகாரங்களில் முடிவெடுக்க எந்தவொரு காலக்கெடுவும் இல்லை என்பதால், இப்படி அனுப்பப்படும் மசோதாக்கள் பல மாதங்கள் தேங்குவது வழக்கமாகிவிட்டது. தமிழக ஆளுநரின் இந்த நடவடிக்கைக்கே 141 நாள்கள் ஆகியிருக்கிறது!

Share The Subject Line

1. முதல்முறையாக சரிந்த ஃபேஸ்புக் பயனாளர்கள்

18 ஆண்டுகால வரலாற்றில் இல்லாதபடியாக முதல்முறையாக ஃபேஸ்புக் நிறுவனத்தின் (தற்போது மெட்டா) தினசரி பயனாளர்கள் (Daily Active Users) எண்ணிக்கை குறைந்திருக்கிறது.

• கடந்தாண்டு மூன்றாம் காலாண்டில் 193 கோடியாக இருந்த தினசரி பயனாளர்கள் எண்ணிக்கை, நான்காம் காலாண்டில் 192.9 கோடியாக சரிந்திருக்கிறது. மிகவும் குறைந்த வித்தியாசம்தானே என்கிறீர்களா? இதுவரைக்கும் ஃபேஸ்புக் வரலாற்றில் இப்படி நடந்ததே இல்லை.

• சரி, ஏன் இந்த திடீர் சரிவு? டிக்டாக் உள்ளிட்ட போட்டி நிறுவனங்களுக்கு இளம் பயனாளர்கள் வேகமாகத் தாவுவதுதான் முக்கிய காரணம். மேலும், புதிய பயனாளர்களும் ஃபேஸ்புக் பக்கம் வருவது வெகுவாகக் குறைந்திருக்கிறது. இந்த தகவலால் நேற்றைய பங்குச்சந்தையில் மெட்டாவின் பங்குகள் 26% வீழ்ச்சியடைந்திருக்கின்றன.

• என்ன செய்யப்போகிறார் மார்க்? ஒருபுறம் டிக்டாக், யூடியூப் ஆகிய இரண்டுடனும் போட்டிபோடும் வகையில் வீடியோக்களிலும், வீடியோ விளம்பர வருவாயிலும் அதிக கவனம் செலுத்தி வருகிறார் மார்க். மற்றொருபுறம் அவர் பெரிதாக நம்பிக்கொண்டிருப்பது, எதிர்கால திட்டமான மெட்டாவெர்ஸ்! அதில் முதல் நிறுவனமாக காலடி எடுத்துவைப்பதன் மூலம் மீண்டும் டெக் உலகில் ஆதிக்கத்தை வலுப்படுத்த முடியும் என நம்புகிறார்.

2. கர்நாடகா ஹிஜாப் சர்ச்சை

சமூக வலைதளங்களில் நேற்று இந்த வீடியோவைப் பார்த்திருப்பீர்கள். 👇

கர்நாடக மாநிலத்தில் உள்ள 4-க்கும் மேற்பட்ட கல்லூரிகளில் இஸ்லாமிய மாணவிகள் ஹிஜாப் அணிந்து கல்லூரிகளுக்கு வருவதும், அதைத் தொடர்ந்து அவர்கள் வகுப்புக்குள் நுழைய அனுமதி மறுக்கப்படுவதுமான சம்பவங்கள் அண்மையில் அதிகம் நடந்துவருகின்றன.

• அதில் ஒரு கல்லூரியான குந்தப்பூர் அரசு கல்லூரி மாணவிகளின் வீடியோதான் மேலே பார்த்தது. ஏற்கெனவே பல நாள்களாக அந்தக் கல்லூரியில் மாணவிகள் ஹிஜாப் அணிந்து வந்திருந்தாலும், நேற்று திடீரென பள்ளிக்குள் அனுமதிக்கப்படாமல் வெளியே நிற்கவைக்கப்பட்டிருக்கின்றனர். இதையடுத்து மாணவிகள் பள்ளி ஆசிரியர்களிடம், இன்னும் 2 மாதத்தில் பரீட்சை உள்ளதால், உள்ளே விடுமாறு கோரிக்கை விடுக்கின்றனர். ஆனாலும் அனுமதி கிடைக்கவில்லை.

• முதலில் கர்நாடகாவின் பி.யூ தனியார் கல்லூரியில் தொடங்கிய இந்தப் பிரச்னை மெதுவாக மற்ற கல்லூரிகளிலும் பரவி வருகிறது. குறிப்பாக இந்துத்துவ இயக்கத்தைச் சார்ந்த மாணவர்கள், காவி துண்டு அணிந்துகொண்டு பள்ளிகளுக்கு வந்தது சர்ச்சையானது.

• இன்னொருபுறம் அரசும் இது மாணவிகள் தனிப்பட்ட உரிமை / மதச்சுதந்திரம் என அனுமதிப்பதா, இல்லை பள்ளிகளில் விதிமுறைகளைக் கொண்டுவந்து ஹிஜாப்பை தடைசெய்வதா என முடிவெடுக்காமல் காலம் தாழ்த்தி வருகிறது.

• இதுகுறித்து முடிவெடுக்க ஒரு நிபுணர் குழு மட்டும் அமைத்துள்ளது. அந்தக் குழுவின் முடிவுகள் வரும்வரை, அனைவரும் சீருடைகளைத் தவிர வேறு எதுவும் அணியக்கூடாது என உத்தரவிட்டுள்ளது கல்வித்துறை.

3. சீனாவிற்கு இந்தியாவின் பதில்

குளிர்கால ஒலிம்பிக் போட்டிகளின் தீபம் ஏந்தும் நிகழ்வில், கால்வன் பள்ளத்தாக்கில் இந்திய வீரர்களுடன் மோதிய சீன ராணுவ வீரரைப் பயன்படுத்தியிருந்தது அந்நாடு. இதற்கு நேற்று தன் எதிர்ப்பை பதிவு செய்திருக்கிறது இந்தியா.

• ஒலிம்பிக் போன்ற ஒரு நிகழ்வில் சீனா அரசியல் செய்வது வருந்தத்தக்கது என இந்த சம்பவத்தை விமர்சித்துள்ளார் இந்திய வெளியுறவுத்துறை செய்தித்தொடர்பாளர். இதையடுத்து குளிர்கால ஒலிம்பிக்கின் தொடக்க மற்றும் இறுதிநாள் நிகழ்வில் இந்திய அதிகாரிகள் கலந்துகொள்ள மாட்டார்கள் எனவும் தெரிவித்துள்ளார்.

• இந்நிலையில், கடந்த 2020-ம் ஆண்டு கால்வன் பள்ளத்தாக்கில் நடைபெற்ற இந்திய - சீன வீரர்கள் மோதல் குறித்து நேற்று புதிய தகவல்கள் சில வெளிவந்துள்ளன.

• ஆஸ்திரேலிய செய்தித்தாளான `The Klaxon’ வெளியிட்டுள்ள செய்தியில், சீன ராணுவம் சார்பில் மொத்தம் 38 பேர், இந்திய வீரர்களுடனான மோதலின்போது ஏரியில் மூழ்கி உயிரிழந்ததாகவும், 4 பேர் தாக்குதலில் உயிரிழந்தனர் எனவும் தெரிவித்துள்ளது. அதாவது, மொத்தம் 42 பேர் உயிரிழந்துள்ளனர். ஆனால் சீனா, 4 பேர் மட்டுமே உயிரிழந்ததாக இதுவரை சொல்லி வருகிறது.

• தமிழகத்தில் நேற்று பதிவான கொரோனா பாதிப்புகளின் எண்ணிக்கை: 11,993 (நேற்று முன்தினம்: 14,013) 🔻

  - அதிகபட்சமாக, சென்னையில்: 1,751 (2,054) 🔻

  - தமிழகம் முழுவதும் உயிரிழந்தவர்களின் எண்ணிக்கை: 30 (37) 🔻

• இந்தியாவில் நேற்று பதிவான கொரோனா பாதிப்பு: 1,72,433 (1,61,386) 🔺

• தஞ்சை மாணவி தற்கொலை வழக்கில் சி.பி.ஐ விசாரணை தேவை என, சென்னை உயர்நீதிமன்ற மதுரை கிளை அண்மையில் உத்தரவிட்டிருந்தது. இதற்கு எதிராக தமிழக அரசு உச்சநீதிமன்றத்தில் மனு தாக்கல் செய்துள்ளது.

• AIMIM கட்சித்தலைவர் அசாதுதீன் ஓவைசி நேற்று உத்தரப்பிரதேசத்தில் தேர்தல் பணிகளுக்காக சென்றுவிட்டு திரும்பியபோது 4 பேர் அவர் கார் மீது துப்பாக்கிச் சூடு நடத்தியிருக்கின்றனர். காயமின்றி தப்பிய அவர், உடனே வேறு காரில் ஏறி அங்கிருந்து சென்றிருக்கிறார். இதுதொடர்பாக உ.பி போலீசார் ஒருவரைக் கைது செய்துள்ளனர்.

• 2019-ம் ஆண்டு அனுப்பப்பட்ட சந்திரயான் 2 செயற்கைக்கோளின் ரோவரானது, கடைசி நிமிடங்களில், நிலவில் இறங்கும்போது ஏற்பட்ட தொழில்நுட்பக் கோளாறுகளால் தோல்வியடைந்தது. இந்நிலையில், இந்த ஆண்டின் ஆகஸ்ட் மாதத்தில் ரோவருடன் கூடிய சந்திரயான் 3 செயற்கைக்கோளை நிலவுக்கு அனுப்பத் திட்டமிட்டுள்ளது இஸ்ரோ.

• ஐஎஸ்ஐஎஸ் தீவிரவாத அமைப்பின் தலைவரான அபு இப்ராஹின் அல்-ஹாஷிமி அல்-குரேஷியை சிரியாவில் வைத்து தீர்த்துக்கட்டியிருக்கிறது அமெரிக்க ராணுவம். இந்த செய்தியை நேற்று உலகிற்கு அறிவித்திருக்கிறார் ஜோ பைடன். ஏற்கெனவே அந்த அமைப்பின் முன்னாள் தலைவரான அபு பக்கிர் அல் பாக்தாதியும் 2019-ம் ஆண்டு இதேபோல் கொல்லப்பட்ட நிலையில், அடுத்த தலைவரும் தற்போது உயிரிழந்திருக்கிறார்.

- ஆண்டுதோறும் நடைபெறும் சென்னை புத்தகக் காட்சி இந்தாண்டு ஜனவரி 6-ம் தேதி நடத்த திட்டமிடப்பட்டிருந்தது. ஆனால், கொரோனா காரணமாக பின்னர் ஒத்திவைக்கப்பட்டது. இந்நிலையில், பிப்ரவரி 16-ம் தேதி முதல் மார்ச் 6-ம் தேதி வரை, சென்னை ஒய்.எம்.சி.ஏ நந்தனம் மைதானத்தில் புத்தக்காட்சியை நடத்த தமிழக அரசு அனுமதி வழங்கியுள்ளது.

On This Day - Feb 04

- உலக புற்றுநோய் தினம்

- நிறவெறிக்கு எதிராகவும், மக்களின் குடியுரிமைகளுக்காகவும் போராடிய செயற்பாட்டாளர் ரோசா பார்க்ஸ் பிறந்த தினம், 1913

அவ்வளவுதான்!

The Subject Line-னோட இன்னைக்கு அப்டேட்ஸ் உங்களுக்குப் பிடிச்சிருக்கும்னு நம்புறேன். பிடிச்சிருந்தா கீழ இருக்க பட்டன் மூலமா உங்க நண்பர்களுக்கு ஷேர் பண்ணுங்க… இன்னும் ஏதாச்சும் இந்த TSL-ல் மாத்தணும்னா எனக்கு மெசேஜ் பண்ணுங்க! உங்க கருத்துகள் எங்களுக்கு ரொம்ப ரொம்ப முக்கியம். 🤞

திரும்ப நாளைக்கு காலைல 7 மணிக்கு சந்திப்போம்!

Have a Nice day ☕️

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

Today Edition பிடிச்சிருந்தா லைக் பண்ணுங்க! ❤️