🔘 Recap: இந்தியாவின் முதல் நதிநீர் இணைப்பு திட்டம் | சூரியனைத் தொட்ட பார்க்கர் | உக்ரைன் பதற்றம்

இந்த வாரத்தில் திங்கள் முதல் வெள்ளி வரை வெளியான TSL Edition-களில் நீங்கள் மிஸ் செய்யக்கூடாத 4 ஸ்டோரிகள்

Dec 18, 2021

ஹாய், ஹலோ… வணக்கம்! 👋

இந்த வார TSL-ன் ரீவைண்ட் எடிஷன் இது. இந்த 4 TSL Explainers-ஐ இந்த வாரம் படிக்க மிஸ் பண்ணியிருந்தா, இன்றைக்கு கட்டாயம் படிச்சிடுங்க!

தொடங்கும் இந்தியாவின் முதல் நதிநீர் இணைப்புத் திட்டம்
உக்ரைன் எல்லையில் என்ன செய்கிறார் புடின்?
சூரியனைத் தொட்ட நாசாவின் பார்க்கர்
பெண்ணின் திருமண வயதை ஏன் உயர்த்துகிறது அரசு?

🚧 தொடங்கும் இந்தியாவின் முதல் நதிநீர் இணைப்புத் திட்டம்

மத்திய நீர்ப்பாசனத்துறை அமைச்சகமானது, 1980-ல் உபரி நீர் அதிகமுள்ள நதிகளிலிருந்து, நீர்ப்பற்றாக்குறை நிலவும் நதிகளுக்கு தண்ணீரை திருப்பிவிட்டு அவை சார்ந்த பகுதிகளை பசுமையாக்க, தேசிய முன்னோக்கு திட்டம் ஒன்றை வகுத்தது. இதன்கீழ் இமயமலைப் பிராந்தியத்தில் 14 நதிகளையும், விந்திய மலைக்கு தெற்கே தீபகற்ப பிராந்தியத்தில் 16 நதிகளையும் இணைக்க முடிவு செய்யப்பட்டது. எந்தெந்த நதிகள் இணைக்கப்பட வேண்டும் என திட்டமும் தீட்டப்பட்டது. அதுதான் தேசிய நதிநீர் இணைப்புத் திட்டத்திற்கான முதல் விதை.

ஆனால், அதற்கடுத்து 40 ஆண்டுகள் ஆகிவிட்டன. பலகட்ட ஆய்வுப்பணிகளும் நடந்திருக்கின்றன. ஆனால், இதுவரை ஒரே ஒரு நதிநீர் இணைப்பு திட்டத்திற்கு கூட நிதி ஒதுக்கி, அவை முழுமையாக செயல்பாட்டுக்கு வந்ததில்லை.

இந்நிலையில், முதல்முறையாக மத்தியப் பிரதேசத்தின் கென் நதியை, உத்தரப்பிரதேசத்தின் பெட்வா நதியுடன் இணைக்கும் திட்டத்திற்கு ஒப்புதல் அளித்திருக்கிறது மத்திய அரசு. அடுத்த 8 ஆண்டுகளில் இந்தப் பணிகள் நிறைவடையுமாம்.

Politics muddies waters in parched Bundelkhand — **Image Courtesy**: Planemad / Wikimedia Commons

இந்த திட்டத்தின் நன்மைகளாக அரசு சொல்வது என்ன, உத்தரப்பிரதேசம் மற்றும் மத்தியப் பிரதேசத்தில் சூழலியல்ரீதியாக இதனால் ஏற்பட வாய்ப்புள்ள பிரச்னைகள் என்னென்ன உள்ளிட்ட விவரங்களை இந்தக் கட்டுரையில் தெரிந்துகொள்ளலாம்.

🇺🇦 உக்ரைன் எல்லையில் என்ன செய்கிறார் புடின்?

ராணுவ தளவாடங்களோடு, சுமார் 90,000 வீரர்களை உக்ரைன் - ரஷ்ய எல்லையில் நிறுத்திவைத்திருக்கிறார் புடின். இது விரைவில் 1,75,000 ஆகலாம் என அஞ்சுகிறது உக்ரைன். அது நடந்துவிட்டால், அடுத்து ரஷ்யா நிச்சயம் உக்ரைனில் ஊடுருவி அதைக் கைப்பற்றிவிடும் எச்சரிக்கிறது அமெரிக்கா.

அடுத்தடுத்து ரஷ்யாவின் ஆயுதங்கள் எல்லையில் குவிக்கப்படும் நிலையில், இன்னும் சில நாள்களில் அங்கு என்ன வேண்டுமானாலும் நடக்கலாம் என பரபரப்புடன் பார்க்கிறது உலகம். என்ன செய்கிறார் ரஷ்ய அதிபர் புடின்? ஏன் பதற்றம் கொள்கிறது அமெரிக்கா?

தற்போது உக்ரைன் - ரஷ்ய எல்லையில் நிலவும் பதற்றம் குறித்தும், ஏன் உக்ரைனில் எப்போதும் ரஷ்யா ஆதிக்கம் செலுத்துகிறது என்பது குறித்தும் அறிய இந்தக் கட்டுரையைப் படிக்கலாம்.

☀️ சூரியனைத் தொட்ட நாசாவின் பார்க்கர்

வரலாற்றிலேயே முதல்முறையாக, சூரியனை தொட்டுவிட்டு வந்திருக்கிறது மனிதனால் அனுப்பப்பட்ட விண்கலன் ஒன்று. 2018-ம் ஆண்டு ஆகஸ்ட் மாதம் அமெரிக்காவின் நாசாவால் அனுப்பப்பட்ட பார்க்கர் விண்கலன்தான், இந்த சாதனையைச் செய்திருக்கிறது.

இதனால் என்ன பயன்?

விண்வெளி ஆராய்ச்சிகள் தொடங்கிய காலத்திலிருந்தே, பிற கோள்களைப் போலவே சூரியனையும் ஆய்வு செய்யும் பணிகள் தொடங்கின. ஆனால், நேரடியாக சூரியனுக்கே விண்கலன் அனுப்பும் பணிகள் மட்டும் அவ்வளவு சுலபமாக இல்லை. இதனால், இத்தனை ஆண்டுகள் கழித்தும்கூட சூரியன் குறித்த பல கேள்விகளுக்கு நம்மிடம் விடை இல்லை. இந்நிலையில்தான் அந்தப் புதிர்களை அவிழ்க்க தன் பயணத்தை தொடர்ந்து கொண்டிருக்கிறது பார்க்கர் விண்கலம். இந்த பார்க்கரால் நமக்கு தெரியவரும் விஷயங்கள் என்ன மற்றும் சூரியனின் தீர்க்கப்படாத புதிர்கள் பற்றி இந்தக் கட்டுரையில் படிக்கலாம்.

👩🏻 பெண்ணின் திருமண வயதை ஏன் உயர்த்துகிறது அரசு?

பெண்ணின் திருமண வயதை 18-லிருந்து 21 ஆக உயர்த்தும் முடிவுக்கு நேற்று ஒப்புதல் அளித்திருக்கிறது மத்திய அமைச்சரவை. இனி அடுத்து குழந்தை திருமண தடுப்புச்சட்டம், இந்து திருமணச் சட்டம் உள்ளிட்ட திருமணச் சட்டங்களில் இந்தப் புதிய முடிவுக்கு ஏற்ப திருத்தங்களைச் செய்து, அவற்றை நாடாளுமன்றத்தில் நிறைவேற்றினால், பெண்ணின் சட்டபூர்வ திருமண வயது 21 ஆக உயர்ந்துவிடும். இது இந்த நாடாளுமன்ற கூட்டத்தொடரிலேயே நடக்கலாம் என எதிர்பார்க்கப்படுகிறது. மத்திய அரசு சார்பில், மூத்த அரசியல்வாதியான ஜெயா ஜெட்லி தலைமையில் அமைக்கப்பட்ட குழுவின் பரிந்துரையின் பேரில்தான் இந்த முடிவுக்கு ஓகே சொல்லியிருக்கிறது மத்திய அமைச்சரவை. இந்த முடிவு எதற்காக, இதன் சாதக பாதகங்கள் என்ன என்பது குறித்து இங்கே படிக்கலாம்.

அவ்வளவுதான்!

இனி இரும்பவும், திங்கள் கிழமை காலை 7 மணிக்கு அன்றைய தினத்தின் முக்கியமான செய்திகளோட சந்திக்கிறேன்.

இதுபோக TSL-கிட்ட இருந்து நீங்க என்ன மாதிரியான விஷயங்கள் எதிர்பார்க்குறீங்க என்பது குறித்தும் உங்க கருத்துகளை என்னோட பகிர்ந்துக்கலாம். உங்க கமென்ட்ஸ் எங்களுக்கு ரொம்பவே முக்கியம்! ☺️
Happy Weekend! 🍕

The Subject Line-ஐ சமூக வலைதளங்களில் பின்தொடர:

Telegram | Twitter | Facebook | Insta

A guest post by

The Subject Line Team

The Subject Line